İbrahim Kevrani - ابراهیم كورانی

(برهان الدین _) اون برنجی قرن هجرینك اعاظم علماسندن و مشایخ نقشبندیه دن اولوب، ١۰٢٥ تاریخنده شهر زورده دنیایه كلمش؛ و تحصیل علم ایچون شام و مصره كیده رك، اورالرك علماسندن اخذ و قراىٔت ایتدكدن صكره، مدینۀ منوره یه رحلتله، اوراده توطن، واورانك علماسندن دخی اكمال تحصیل ایتدكدن صكره، تدریسه باشلایوب، علم و فضلیله و حسن تقریریله شهرت بولمغله، دیار بعیده دن بر چوق طالب علم كله رك، حلقۀ تدریسنه جمع اولورلردی. یوز عدددن زیاده مصنفاتی اولوب، باشلیجه لری علم صرفه داىٔر (تكمیل التعریف)) نام كتابیله قصیدینك ((شرح الاندلسیه)) سنه بر حاشیه سی، ((عوامل جرجانیه )) یه شرحی، ((النبراس لكشف الالتباس فی الاساس))، ((جواب العتیدلمسىٔلة اول واجب و مسىٔلة التقلید))، ((ضیاء المصباح فی شرح بهجة الارواح))، ((القول الجلی فی تحقیق قول الامام زین الدین بن علی))، ((تحقیق التوفیق بین كلامی اهل الكلام واهل الطریق))، ((قصدالسبیل الی توحید الحق والوكیل)) ، ((سترالعقیده))، ((الجواب المشكور عن السؤال المنظور))، ((اشراق الشمس بتعریب الكملمات الخمس))، ((بلغة المسیرالی توحید العلی

الكبیر))، ((القول المبین فی مسىٔلة التكوین))، ((افاضة العلام بتحقیق مسىٔلة الكلام))، ((الالماء المحیط بتحقیق الكسب الوسط بین طرفی الافراط و التفریط))، ((اتحاف الزكی بشرح التحفة المرسلة الی النبی))، ((مسالك الابرارالی احادیث البنی المختار))، ((مسلك السداد الی مسىٔلة خلق افعال العباد))، ((المسلك الجلی فی حكم سطح الولی))، ((حسن الاوبه فی حكم ضرب النوبه))، ((اتحاف الخلف بتحقیق مذهب السلف)) عنوانلی اثرلریدر. ١۰۰١ سنه سی ربیع الآخرنده وفات ایتمشدر.