Akseki ~ آقسكی
Kamus-ul'Alam - Akseki ~ آقسكی maddesi. Sayfa: 265 - Sira: 1
Akseki - آقسكی
قونیه ولایتنك تكه سنجاغنده بر قضا اولوب، مركز لوانك شرقنده واقعدر. مركزی (ماروله) قصبه سی اولوب، قونیه شهرینك ٣٢ ساعت غرب جنوبیسنده ومركز لوا اولان آنطالیه نك ٣۰ ساعت شرقنده اوله رق، (منوغات) نهری تابعلرندن برچایك كنارنده واقعدر. بو قضا (ابرادی) و (دوشنبه) ناملریله ایكی ناحیه یی حاوی اولدیغی حالده، ١١٦ قریه دن مركب اولوب، جمعاً ٧٩٤٥ خانه وتقریباً ٣٥۰۰۰ اهایسی واردر، كه جمله سی اسلامدر. درون قضاده ٨٢ جامع، ٤٤ مسجد، ٢٢ مدرسه، ١ كتبخانه بولنیور. قضانك اراضیسی بر آز طاشلق ایسه ده، منبت یرلری دخی اولوب، حبوبات متنوعه وآفیون وساىٔره حاصل اولور.
Kamusul Alam, Şemseddin Sami; Kamusul Alamde Akseki maddesi. osmanlıcada Akseki ne demek, Akseki anlamı manası, Akseki osmanlıca nasıl yazılır. Osmanlıca sözlükte Akseki hakkında bilgi. Arapça Akseki ne demek. Arapça osmanlıca sözlük. Farsçada Akseki anlamı
Kamusul Alamde - آقسكی Akseki maddesi. Şemseddin Sami, Kamusul Alam Ansiklopedisi