Aksungur ~ آقسنقر
Kamus-ul'Alam - Aksungur ~ آقسنقر maddesi. Sayfa: 265 - Sira: 2
Aksungur - آقسنقر
(قسم الدوله ابو سعید حاجب _ بن عبدالله) موصل ملوك اتابكیه سی دولتنك مؤسسی اولان عماد الدین زنكینك پدریدر. ملوك سلچوقیه دن ملكشاه بن آلب آرسلانك كوله سی اولوب، ٤٧٨ تاریخ هجریسنده حلبی ضبط ایدن تاج الدوله تتش بن آلب آرسلان طرفندن حلب والیلكنه تعیین اولنمش؛ و ٤٨٥ تاریخنده حمص شهرینی اهل صلیبدن تخلیصه مأمور اولوب، موفق اولمش ایسه ده، شامی دخی صبط ایله، متنوعنه قارشی اعلا عصیان ایتدیكندن، تاج الدوله طرفندن سوق اولنان عسكرله حلب جوارنده وقوع بولان محاربه ده ٤٨٧ تاریخنده اسیر دوشوب، اعدام اولنمشدر. برروایته كوره بركیارق دخی امیر (كربغا) نك قومانده سیله آق سنقره امداد كوندرمش ایسه ده، عسكرینك اكثریسی كندیسنی تركله، پادشاه طرفنه دوندكلرندن، مغلوب اولمشدر. حلب جوارنده بر یرده مدفون ایكن، اوغلی عماد الدین زنكی سلطنته ناىٔل اولنجه، كمیكلرینی چیقاروب، حلب شهرنده كی (زجاجیه) مدرسه سی جوارینه دفن ایتمش. وبعده تربه سنه بر طاقم وقفلر باغلانمشیدی. _ آق سنقر ویا آق سنغر تركجه ده طوغان انواعندن بر قوشك آدی اولوب، ملوك سلچوقیه وساىٔره یه منسوب بر طاقم امرایه دخی علم اولمشدر، آقنسقر احمریلی، آقنسقر ارمنی وآقسنقر ناصری كبی.
Kamusul Alam, Şemseddin Sami; Kamusul Alamde Aksungur maddesi. osmanlıcada Aksungur ne demek, Aksungur anlamı manası, Aksungur osmanlıca nasıl yazılır. Osmanlıca sözlükte Aksungur hakkında bilgi. Arapça Aksungur ne demek. Arapça osmanlıca sözlük. Farsçada Aksungur anlamı
Kamusul Alamde - آقسنقر Aksungur maddesi. Şemseddin Sami, Kamusul Alam Ansiklopedisi
Aksungur ~ آقسنقر güncel sözlüklerde anlamı:
Aksungur :::
- Akdoğan.