Aksungur burusuku ~ آقسنقر برسقی
Kamus-ul'Alam - Aksungur burusuku ~ آقسنقر برسقی maddesi. Sayfa: 265 - Sira: 3
Aksungur burusuku - آقسنقر برسقی
(قسیم الدوله سیف الدین ابو سعید _ ) ملوك
سلچوقیه امراسندن اولوب، سلطان محمد بن ملكشاه طرفندن ٤٩٨ تاریخ هجریسندن بری بغداد شخنه سی ایكن، ٥۰٧ تاریخنده موصل وشام والیسی اسباسلار مودودك طاىٔفۀ باطنیه طرفندن جامعده قتل اولنمسی اوزرینه، موصل وساىٔر اوحوالی والیكلنه نصب اولنمشدر. بوندن مقدم ٤٩٩ تاریخنده طاىٔفۀ باطنیه دن (كیقباد بن هزار اسب دیلمی) ید ضبطنده بولنان (تكریت) قلعه سنك محاصره وفتحنه مأمور اولوب، بر سنه محاصره دن صكره كیقباد استیمانه مجبور اولمش، وبرابرنده كیدر كن یولده وفات ایتمش ایدی. موصل والیسی اولدقدن صكره، شام طرفلرینه مسلط اولمش اولان اهل صلیبك اخراجنه مأمور اولوب، حلب وجوارلرینی استرداده موفق اولمش؛ وموصله عودتله، ٥٢۰ تاریخنه قدر امور مأموره سیله مشغول اوله رق، تاریخ مذكورده صوفیه قیافتنه كیرمش اولان طاىٔفۀ باطنیه دن بر جماعت طرفندن جامع شریفك مقصوره سی ایچنده قتل اولنمشدر. دولت سلچوقیه امراسنك اك مشهورلرندن اولوب، شجیع وعادل بر ذات ایدی. قتلندن صكره یرینه اوغلی عزالدین مسعود تعیین اولنمش ایسه ده، یالكز بر سنه یاشایه بیلوب، بعده آنف الترجمه آق سنقرك اوغلی عماد الدین موصل والیسی اولمش، ومرور زمانله والیلكی سلطنته تحویل ایده رك، موصلده اتابكیان دولتنی تأسیس ایتمشدر.
Kamusul Alam, Şemseddin Sami; Kamusul Alamde Aksungur burusuku maddesi. osmanlıcada Aksungur burusuku ne demek, Aksungur burusuku anlamı manası, Aksungur burusuku osmanlıca nasıl yazılır. Osmanlıca sözlükte Aksungur burusuku hakkında bilgi. Arapça Aksungur burusuku ne demek. Arapça osmanlıca sözlük. Farsçada Aksungur burusuku anlamı
Kamusul Alamde - آقسنقر برسقی Aksungur burusuku maddesi. Şemseddin Sami, Kamusul Alam Ansiklopedisi