Akşehir - آق شهر

قونیه ولایت وسنجاغنده قضامركزی بر شهر اولوب، قونیه نك ٢٤ ساعت غرب شمالیسنده، سلطان طاغی اتكلرینك آلتنده شرقه طوغری ممتد اولان واسع بر اووه نك كنارنده، وبرساعت قدر شمال شرقیسنده آق شهر كولی نامیله معروف اولان كوله دوكیلن بر چایك ساحل ساحل یمیننده واقعدر. باغ وباغچه لری چوق منظره سی كوزل بر شهر اولوب، ١٢٥٦ خانه سی، یالكز ٢۰۰۰ قدری ارمنی اولمق اوزره، تقریباً ٨٥۰۰ نفوسی، مكمل بر حكومت قوناغی، بر رشدیه مكتبی، سلطان بایزید اول حضرتلری طرفندن بنا اولنمش غایت كوزل بر جامع شریفیله دیكر بر قاچ جامع ومدرسه سی و ٢ كلیساسی واردر. خواجه نصر الدینك مرقد شریفی بو قصبه ده در. اسكی بر شهر اولوب، وقتیله خیلی بیوك بولنمشدر. اسم قدیمی حقنده اختلاف واقع اولوب، برروایته كوره ((پیسیساآنطا كیه سی)) دیكی برروایته كوره (سوریوم)، وبر اوچنجی روایتده دخی استرابونك ذكر ایتدیكی (فیلوملیون)‌ شهر قدیمنك عینیدر. _ قضاسی جهانیكلی وطوغانخصاری ناحیه لرینی دخی جامع اوله رق، ولایتك شمال غربی كوشه سنده واقع وشمالاً قره حصار صاحب، شرقاً یلواج، جنوباً ایلغین قضالریله همحدود اولوب، شرق طرفنده طوز چولی دنیلن واراضیسی طوزلی اولان خالی بر صحرای واسعه ممتد اولور. قضانك ٨٢ قریه وقصبه وتقریباً ٣۰۰۰۰ اهالیسی اولوب، بونلردن مركز قضاده بولنان ٢۰۰۰ قدری قرمان رومی، وبعض قراده بولنان ٥۰۰ مقداری دخی ارمنی وقصوری كافةً اسلامدر. مع مركز داخل قضاده ٦٥ جامع، ١١ مدرسه و ١٣ مسجد بولنیور. حبوبات متنوعه ایله آفیون، توتون،

جهری محصولاتی وانواع میوه لری واردر. صنعته متعلق باشلیجه كتن‌ بزی ایه سنحتیان یاپیلیر. _ قضا داخلنده بولنان آقشهر كولی ٧۰ قدر مربع كیلومتره وسعتنده اولوب، داخل قضاده سلطان طاغندان انین ایكن چای بوكوله دوكلدیكی كبی، قره حصار صاحب سنجاغنده كی ابهر كولنك آیاغی دخی اسحقلی چاییله برلشه رك، شمالدن كلوب، مذكور كوله منصب اولور. كولك ایچنده بر قاچ نوح بالیق بولنیورسه ده، رغبت اولنمدیغندن، صیادی یوقدر.