Adige ~ آديج
Kamus-ul'Alam - Adige ~ آديج maddesi. Sayfa: 65 - Sira: 6
Adige - آديج
ایتالیای شمالیده بر ایرمق اولوب، آلب سلسلۀ جبالنك (آلب رتیق) دیلن قسم شرقیسنده، آوستریانك (تیرول) مملكتیله اسویچره نك (غریزون) ناحیه سی حدودینه قریب بر محلده بر قاچ كوچك كولدن چیقه رق، ابتدا شرقه، وبعده (مران) قربنده (پاشیر) نهریله دخی بر لشدكدن صكره، شرق جنوبی یه، ونهایت دها بر قاچ دره لرله و (ایزاق) نهریله ده تلاقی ایله، جنوبه طوغری آقه رق، تیرولك اهالیسی ایتالیان اولان جهتنی شق ایله، صاغدن (نوچه) وصولدن (آویزیو) نهلرینی دخی یوتدقدن، وترنته شهرینك اوكندن چكدكدن صكره، ایتالیانك وندیك ایالتنه دخول ایله، ابتدا جنوبه، بعده جنوب شرقی یه طوغری آقه رق، (ریوولی) شهرینك یاننده بر طار بوغازدن چكدكدن صكره، ایتالیای شمالینك واسع اووه سنه دوشه رك، (روونه) و (لنیاغو) شهرلرینك اوكندن چكر، و(بادیا) شهرینه واصل اولنجه، تمامیله شرقه طوغری دونوب، بطاقلق بر اووه نك ایچندن (پو) ایرماغیله متوازیاً آقه رق، (پورتو فوسونه) شهری یاننده آدریاتیق دكیزینه منصب اولور. آدیجك مجراسی ٣١٨ كیلومتره اولوب، آشاغی طرفی ٧٥ دن ١٥٦ متره یه قدر كنیس، و (برانزول) شهرینه قدر سیر سفاىٔنه صالحدر. آشاغی طرفده كندیسیله متواز یاً آقان (پو) نهریله بر چوق قنالرله اختلاط ایدیور، كه بونلرك ده اكثریسی سیر سفاىٔنه صالحدر. آدیج دخی پو كبی پك چوق قوملر وچامورلر دوكر، وبو سببدن برقاچ دفعه یول دكشدیرمشدر. اسكی یونان رووما جغرافیونی عندنده (آتسیس) نامیله معروفدر.
Kamusul Alam, Şemseddin Sami; Kamusul Alamde Adige maddesi. osmanlıcada Adige ne demek, Adige anlamı manası, Adige osmanlıca nasıl yazılır. Osmanlıca sözlükte Adige hakkında bilgi. Arapça Adige ne demek. Arapça osmanlıca sözlük. Farsçada Adige anlamı
Kamusul Alamde - آديج Adige maddesi. Şemseddin Sami, Kamusul Alam Ansiklopedisi