Addison ~ آدیسون
Kamus-ul'Alam - Addison ~ آدیسون maddesi. Sayfa: 66 - Sira: 3
Addison - آدیسون
انكلتره نك مشاهیر مؤلفیلندن اولوب، میلادك ١٦٧٢ تاریخنده (میلستون) شهرنده طوغمش، و ١٧١٩ ده وفات ایتمشدر. اوقسفورد شهرنده تحصیل ایدوب، هنوز مكتبده ایكن، لاتین لساننده نظم ایتدیكی اشعاریله شهرت بولمش؛ و (ریسویق) مصالحه سی حقنده یاپدیغی بر منظومه دن طولایی، قرال (كوبیوم) ك توجهنی قزانه رق، سنوی اوچیوز لیرامعاشه ناىٔل اولمشیدی. بعده فرانسه وایتالیایه بر سیاحت ایدوب، ١٧۰٢ ده مكمل بر سیاحتنامه نشر ایتمشدر. برقاچ سنه صكره بر نطارت مستشارلغنه تعیین اولنمش، وبعده ایرلانده خدیوتینه نصب اولنان (وارتون) ك رفاقتنده باش كتابتله ایرلانده یه كیتمش؛ واورادن عودتنده، (استل) ایله مشتركاً سیاست وادبیات واخلاقه متعلق بر قاچ مجموعۀ موقوته نشر ایتمش؛ و١٧١٣ ده ((قاتون)) عنوانیله یازدیغی بر هاىٔله یی تیاتروده اجرا ایتدیره رك، بر بیوك شهرت ورغبته مظهر اولمشدر. او صره ده بر چوق معتبر غزته لرك دخی باشی محررلكنی ایتمش؛ وقرالیچه (آنه) نك وفاتندن صكره ١٧١٧ تاریخنده هیىٔت وكلایه كیرمش ایسه ده، دولت ایشلری طبیعتنه اویغون كلمه یكندن. متعاقباً استعفا، وسنوی ١٥۰۰ انكلیز لیراسی معاشله تقاعدی اختیار ایتمشیدی. بو عزلتنده دخی بر قاچ اثر نشر ایتمشدر. ادبیاتده عباره سنك سلاستی محاكمه سنك متانتیله مشهور و مقبول ایدی؛ وامور سیاسیه ده سربستی طرفدارانندن اولوب، (مولتان) و (هالیفاقس) ده خیلی طرفكیرلری وار ایدی. زماننك كافۀ ادبا و عماسیله وعلی الخوصوص (استل) و (قونفراو) ایله مناسبت ومحبتی وار ایدی. او وقته قدر منسی حكمنده بولنان شاعر مشهور (میلتون) ك نام وشهرتنی اعلا وتعمیم ایتمكه سبب اولمشدر.
(وارویق) قونتسه سیله از دواج ایتمشید یسه ده، بو تأهلدن بختیار اوله مامشیدی. آثاری دفعاتله طبع، وآوروپانك اكثر السنه سنه ترجمه اولنمشدر.
Kamusul Alam, Şemseddin Sami; Kamusul Alamde Addison maddesi. osmanlıcada Addison ne demek, Addison anlamı manası, Addison osmanlıca nasıl yazılır. Osmanlıca sözlükte Addison hakkında bilgi. Arapça Addison ne demek. Arapça osmanlıca sözlük. Farsçada Addison anlamı
Kamusul Alamde - آدیسون Addison maddesi. Şemseddin Sami, Kamusul Alam Ansiklopedisi