Adorno ~ آدورنو
Kamus-ul'Alam - Adorno ~ آدورنو maddesi. Sayfa: 63 - Sira: 5
Adorno - آدورنو
وندیك جمهوریتی رؤسا سندن بر قاچنك منسوب بولنمش اولدقلری بر خانداندر، كه رقیبی اولان (فرغوسو) خاندانیله ٢۰۰ سنه رقابت و مخاصمه ده بولنوب، چوق دفعه اجنبیلرك مداخله سنی دعوت ایتمشلردی. بو خاندانه منسوب اولوب بو اسمله یاد اولنان جمهوریت رىٔیسلری سكز كشیدر. _ بر نجیسی (غبریل آدورنو) در. كه میلادك ١٣٦٣ تاریخنده انتخا اولنه رق، برنجی رىٔیس جمهوری اولان (سمیون بوقانغرا) یه خلف اولمش؛ و ١٣٧١ ده نفی اولنه رق، یرینه (دومنیقو فرغوسو) انتخاب اولنمشدر. _ ایكنجیسی (آنطوآن آدورنو) اولوب، ایلك دفعه ١٣٨٤ ده انتخاب اولنه رق، مؤخراً درت دفعه دها ریاسته چكمشدر. _ اوچنجیسی (جورجی آدورنو) اولوب، ١٤١٣ ده انتخاب اولنمش، وایكی سنه صكره استعفا ایتمشدر. _ دردنجیس (طوما آدورنو) اولوب، ١٤١٥ تاریخندن ١٤٢١تاریخنه دك یاست ایتمشدر. _ بشنجیسی (رافاىٔل آدورنو) اولوب، ١٤٤٣ ده انتخاب اولنمش، و ١٤٤٧ده استعفا ایتمشدر. _ آلتنجیسی (باربان آدورنو) اولوب، رافاىٔلك استعفا سی اوزرینه، ریاستی ضبط ایتمش، و (جوان فرغو سو) ایله غراشمشدر. _ یدنجیسی (پروسپر آدورنو) اولوب، ١٤٦١ ده انتخاب اولنه رق، فرانسزلری جنوه دن اخراج ایتمش. و (فرغوسو)خاندانی طرفندن ایكی كره وظننی ترك ایدوب، قاچمغه مجبور اولمشدر. _ سكزنجیسی ایكنجی (آنطوآن آدورنو) اولوب، ١٥١٣ ده انتخاب، واوسنه (اوقتاویان فرغوسو) طرفندن ریاستدن اخراج ١٥٢٢ ده (شارل كینب) ك امدادیله یكیدن رىٔیس جمهور انتخاب اولنمش ایسه ده، ١٥٢٨ ده فرانسه دوننماسنك باشنده بولنان (آندریا دوزیا) طرفندن ریاسدن تبعید اولنمشدر. مرقوم آندریا دوریا (آدورنو) ایله (فرغوسو) خاندانلرندن جمهور ریاستنه چكمك حق وصلاحیتنی سلب، وحتی بونلری خاندانلرینك اسمنی بیله ترك ایتمكه اجبار ایله، بینلرنده كی منازعاته ختام ویرمشدر.
Kamusul Alam, Şemseddin Sami; Kamusul Alamde Adorno maddesi. osmanlıcada Adorno ne demek, Adorno anlamı manası, Adorno osmanlıca nasıl yazılır. Osmanlıca sözlükte Adorno hakkında bilgi. Arapça Adorno ne demek. Arapça osmanlıca sözlük. Farsçada Adorno anlamı
Kamusul Alamde - آدورنو Adorno maddesi. Şemseddin Sami, Kamusul Alam Ansiklopedisi