Adonis ~ آدونیس
Kamus-ul'Alam - Adonis ~ آدونیس maddesi. Sayfa: 64 - Sira: 10
Adonis - آدونیس
اساطیر یونانیه ده حسن وجمالیه مشهور بر دلیقانلیدر، كه قبریسی حكمداری (كینیراس) ك كندی قیزی (میرا) ایله بیلیه رك واقع اولان زناسندن متولد اولوب، عشق الهه سی زهره نك عشق ومحبتنه مظهر اولدیغندن، بر كون بو الهه یه مخصوص اولان جبل لنبان اورمانلرنده آولاركن، زهره نك عاشقی اولان مریخ قیصقانه رق، بر یبانی طوموز صورتنه كیروب، كندیسنی اغیر صورتده یاره لمش ایسه ده، ابو الآلهه مشتری زهره نك كوزیاشرینه ترحم ایده رك، آدو-
نیسك آلنی آی یر یوزنده، وآلتی آی دخی جهنم الهی (پلوتون) ك ضبط واز دواج ایتمش اولدیغی (پروسرپینه) نام الهه نك یاننده چكیر مك شرطیله، افاقت بولمسنه مساعده ایتمش. بو آلتی آیلق ظهورله آلتی آیلق غیبوبتندن، وسوریه ومصر طرفلرنده (تموز) نامیله معروف اولمسندن دخی استدلال اولندیغی اوزره، (آدوینس) صیف وحرارتدن كنایه اولملی ایدی.
Kamusul Alam, Şemseddin Sami; Kamusul Alamde Adonis maddesi. osmanlıcada Adonis ne demek, Adonis anlamı manası, Adonis osmanlıca nasıl yazılır. Osmanlıca sözlükte Adonis hakkında bilgi. Arapça Adonis ne demek. Arapça osmanlıca sözlük. Farsçada Adonis anlamı
Kamusul Alamde - آدونیس Adonis maddesi. Şemseddin Sami, Kamusul Alam Ansiklopedisi