Aral ~ آرال
Kamus-ul'Alam - Aral ~ آرال maddesi. Sayfa: 79 - Sira: 7
Aral - آرال
كولی ، ودها طوغریسی (آطه لر دكیزی) جغرافیون اسلام عندنده (بحر خوارزم) و ( بحر جرجان) ناملریله معروف اولان بیوك كولدر، كه آسیای وسطینك غرب شمالیسنده اولوب، بحر حزز ایله بایقال كولندن صكره، آمریقا مستشنا اولدیغی حالده دنیانك اك بیوك كولیدر. َ٣۰ ْ٤٣ ایله َ٥٩ ْ٤٦ عرض شمالی و ْ٥٦ ایله َ٣۰ ْ٥٩ طول شرقی آره سنده
ممتد اولوب، بونكله بحر حزز آره سنده حاىٔل اولان قره نك اك طار محلی ٢٦۰ كیلومتره در. جنوبدن شماله طوغری اولان بوینك اعظمی ٣٥۰ واكنك حد اعظمی ده ٢٨۰ كیلو متره در. سواحلی غرب طرفندن دوز ایسه ده، جهات ثلثۀ ساىٔره دن پك چیقیندیلی كیریندیلیدر. شمالنده قیرقز قباىٔلنك بادیه لری بولنوب، شرق وغرب طرفلری قره قالپاق دنیلن اقوامله مسكون، وجنوب طرفی ایسه خیوه خاتلغندن ىٔبارتدر، كه هر طرفی اترا كله مسكون اولوب، روسیه نك الینه چكمش ممالكله محاط دیمكدر. سواحلی صوسز وایصسز بر طاقم شوره زار یرلردن عبارت اولوب، شمال طرفنده ٧۰ دن ١۰۰ متره یه قدر ارتفاعی اولان بر مرتفع اووه ممتد اولور، كه طوپراغی یاپیشقان بر بالچیقدن عبارت اولوب، اعماره صالح دكلدر؛ و شماله طوغری تدریجاً ماىٔل اولدیغی حالده، جنوب جهتنده بردن بره كسیلوب، صارب براینیش تشكیل ایدر. غرب طرفنده ینه او ارتفاعده بولنان (اوست اورت) اووه سی ممتد اولور. [((اوست اورت)) كلمه سنه مراجعت. ] جنوب طرفی بسبتون دوز وآلچق اولوب، جیخونك ایندیر دیكی چامورلردن متشكلدر. شرق طرفی قوملق بر اووه دن عبارت اولوب، یكرمی بش متره ارتفاعنده بعض قوم تپه لری واردر. ساحلك اكثر طررفلری وكولك ساحله قریب اولان بعض آطه لری اورمانله مستوردر. ساحلك اطرافنده بولنان بعض كوچك كوللرك دخی صویی آجی وزیاده سیله طوزلی اولدیغی كبی، او جوارلرده قازیلان قویولردن چیقان صو دخی بویله در. بو كوله ایكی بیوك نهر دوكیلور، كه بری وقتیله (جیخون) والیوم (آمودریا) نامیله معروف اولوب، جنوب طرفنه، ودیكری وقتیله (سیخون) والیوم (سیردریا) نامیله معروف اولوب، شمال جهتنه منصب اولور. نهرلرك منصبلری ومنصبلرندن یوقاری تشكیل ایتد كلری اوفق كوللر آلتی یدی متره یوكسك قامشلرله مستور اولوب، غایت ایری سیوری سینكلری پك چوقدر. سواحلده صو قوشلرینك انواعی، وایج طرفلرده بر نوق زهرلی اورومجكله عقربلر، واورمانلرده یبانی طوموزلر كثرت اوزره بولندیغی كبی، بعض دفعه قاپلان ایزی دخی كوریلور. كولك اطرافنده كی یرلرك هواسی قیشین غایت
Kamusul Alam, Şemseddin Sami; Kamusul Alamde Aral maddesi. osmanlıcada Aral ne demek, Aral anlamı manası, Aral osmanlıca nasıl yazılır. Osmanlıca sözlükte Aral hakkında bilgi. Arapça Aral ne demek. Arapça osmanlıca sözlük. Farsçada Aral anlamı
Kamusul Alamde - آرال Aral maddesi. Şemseddin Sami, Kamusul Alam Ansiklopedisi
Aral ~ آرال güncel sözlüklerde anlamı:
Aral :::
aral ::: ada, cezire