Arran ~ آران
Kamus-ul'Alam - Arran ~ آران maddesi. Sayfa: 82 - Sira: 2
Arran - آران
اسقوچیانك ساحل غربیسی اوكنده (قلید) كورفزی داخلنده بر آطه اولوب، شمالدن جنوبه اولان بویی ٣٢ كیلو متره دن زیاده، وشرقدن غربه اولان اكی ١٦ كیلو متره در. منظره سی شایان تماشا اولوب، شمال طرفی غایت دیك اوچوروملرله بربر لرندن تفریق اولنمش بر طاقم قیالرله مستوردر، كه بو قیالرك اورته سنده ١۰۰۰ متره ارتفاعی اولان (غوآتفل) طاغی بولنور. جنوب طرفی ایسه دوز و یالكز بر طاقم آلچق تپه لرله مزین اولوب، مكمل صورتده اعمار اولنمشدر. ساحللرنده بر چوق قوی ولیمانلری اولوب، اك مشهوری (لاملاش) لیمانیدر، كه اسقوچیانك غرب طرفنده كی لیمانلرینك بر نجیلرندندر. اراضیسی احجار ومعادن متنوعه دن مركب اولوب، علم الارض نقطۀ نظر نجه اهمیتی حاىٔز اولدیغی كبی، نوع بشرك و حشیت حالنده یاشادیغی زمانلردن قالمه جسیم طاشلردن مركب بعض قبا ابنیه آثاریله بر طاقم مغاره لری دخی حاویدر. اراضیسنك همان كافه سی (هامیلتون) دوقه سنه عاىٔددر. آطه (بو ته) قضاسنه ملحق اولوب، ٣٢٥٨ اهالیسی واردر. مركزی (برودیق) قریه سیدر.
Kamusul Alam, Şemseddin Sami; Kamusul Alamde Arran maddesi. osmanlıcada Arran ne demek, Arran anlamı manası, Arran osmanlıca nasıl yazılır. Osmanlıca sözlükte Arran hakkında bilgi. Arapça Arran ne demek. Arapça osmanlıca sözlük. Farsçada Arran anlamı
Kamusul Alamde - آران Arran maddesi. Şemseddin Sami, Kamusul Alam Ansiklopedisi
Arran ~ آران güncel sözlüklerde anlamı:
Ârân ::: (f. i.) : dirsek, (bkz. : mirfak).
Ârân ::: (f. i.) dirsek, (bkz. : mirfak).