Aravali ~ آراوالی
Kamus-ul'Alam - Aravali ~ آراوالی maddesi. Sayfa: 84 - Sira: 4
Aravali - آراوالی
هند ستانك جهت غربیه سنده واقع ( راجپوتانه) مملكتنده بر سلسلۀ جبالدر، كه جنوب غربیدن شمال شرقی یه طوغری اوزانوب، ْ٢٥ عرض شمالیده واقع (آبو) طاغندن دهلی قربنه، یعنی ْ٢٥ عرض شمالی و ْ٧٧ طول شرقی یه قدر اوزانیر. ارتفاع وسطیسی ١٢۰۰ متره اولوب، اك بوكسك یری منتهای جنوبنده در. شمال غربیدن جنوب شرقی یه طوغری ممتد اولان (بكار یهار) سلسله سی دخی بو سلسله یی (وندیا) سلسله سیله ربط ایدر. آراوالی سلسله سی هندستانك باشلیجه طاغلرندن اولوب، (چمبال) و (جمنه) نهرلرینك زمرد كبی اولان واسع حوضه لرینی (سند) ك منضبنه قدر ممتد اولان قوم صحراسندن آیریر بر بیوك سد مقامنده در. باشلیجه غرانیتدن عبارت اولوب، غرانیتك آلتنده قویو ماىْی رنكنده بر آرتوآز، و وادیلرنده هر رنكدن قوآرس طاشلری بولنور. بیاض ورنكلی مرمرلری غایت چوق وپك مقبولدر. معدن اوله رق آلتون، كومش، باقیر، قورشون، قلای وبلور وزمر ایله ساىٔر ذی قیمت طاشلر بولنیورسه ده، اهالیسی بونلرك اخراجنه مقتدر
اولمدقلری حالده، اوروپالیلردن دخی كتم واخفا ایتمكه سعی ایدیورلر.
Kamusul Alam, Şemseddin Sami; Kamusul Alamde Aravali maddesi. osmanlıcada Aravali ne demek, Aravali anlamı manası, Aravali osmanlıca nasıl yazılır. Osmanlıca sözlükte Aravali hakkında bilgi. Arapça Aravali ne demek. Arapça osmanlıca sözlük. Farsçada Aravali anlamı
Kamusul Alamde - آراوالی Aravali maddesi. Şemseddin Sami, Kamusul Alam Ansiklopedisi