Aranjuez ~ آرانیوئز
Kamus-ul'Alam - Aranjuez ~ آرانیوئز maddesi. Sayfa: 83 - Sira: 8
Aranjuez - آرانیوئز
اسپانیانك وسطلرنده كاىٔن یكی قشتاله قطعه سنده، مادرید ایالتنده ومادرید شهرینك ٤٩ كیلومتره جنوبنده، (تاج) نهرینك ساحل یسارنده قضا مركزی بر شهر در، كه مادریددن ایالات جنوبیه یه كیدن دمیر یولی خطنك اوزرنده و ٥١٩ متره ارتفاعی اولان بر محلده، ً٩ َ٢ ْ٤۰ عرض شمالی ایله ً١٥ َ٥٦ ْ٥ طول غربیده واقع اولوب، ١۰۰۰۰ اهالیسی واردر. اسپانیانك او طرفلری قورو بربادیه صورتنده اولدیغی حالده، بو شهرك جوارلری اشجار كونا كون ایله زمرد كبیدر. شهر یكی اولوب، سوقاقلری غایت كنیش وطوغریدر. شهرك غرب طرفنده بیوك بر سرار بولنیور، كه ایكنجی فلیب طرفندن باشلانیلوب، اوچنجی شارل طرفندن اكمال اولنمشدر. بو سرای پك كوزل رسملری حاوی اولوب، ستونلر وهكللر له مزین بر كوزل باغچه سی اولدیغی كبی، سرایه منسوب كنیش اورمانلر وباغلر دخی واردر. شهرك خارجنده (تاج) نهرینك كنارلرنده پك چوق سبزه وچیلك یتیشدیریلوب، مادریده نقل اولنور. بو شهرده میلادك ١٧٧٢ تاریخنده انكلتره یه قارشی فرانسه ایله اسپانیا آره سنده بر معاهده عقد اولنمش، و ١٨۰٨ ده بر اختلال ظهور ایتمشدر.
Kamusul Alam, Şemseddin Sami; Kamusul Alamde Aranjuez maddesi. osmanlıcada Aranjuez ne demek, Aranjuez anlamı manası, Aranjuez osmanlıca nasıl yazılır. Osmanlıca sözlükte Aranjuez hakkında bilgi. Arapça Aranjuez ne demek. Arapça osmanlıca sözlük. Farsçada Aranjuez anlamı
Kamusul Alamde - آرانیوئز Aranjuez maddesi. Şemseddin Sami, Kamusul Alam Ansiklopedisi