Aksaray ~ آقسرای
Kamus-ul'Alam - Aksaray ~ آقسرای maddesi. Sayfa: 263 - Sira: 12
Aksaray - آقسرای
قونیه ولایتنك نیكده سنجاغنده قضا مركزی بر شهر اولوب، نیكده نك ١٦ ساعت شمال غربیسنده وقونیه نك ٣٦ ساعت شرق شمالیسنده، طوز كولنه منصب اولان (بیاض صو) نهرینه دوكیلن بر چایك ساحل یسارنده ومذكور (بیاض صو) مجراسنك یاریم ساعت قدر شرقنده وطوز كولنك ٥ ساعت قدر جنوب شرقیسنده و (حسن طاغی) نك شمالنده واقعدر. صویی
وباغ وبوستانی چوق لطیف بر قصبه اولوب، ١١٤٦ خانه سی، ٤٢٥ اسلام و ٤١۰ ارمنی كه جمعاً ٤٦٦۰ اهالیسی، بر بدستانی، بر بیوك جامع شریفی، بر مكتب رشدیه سی، بر قاچ صبیان مكتبیله مدرسه سی واوریه سنده عزالدین قلیج آرسلان طرفندن بنا ایدلمش بر قلعه سی واردر. سلطان بایزید اول حضرتلری طرفندن فتح اولنمشدر. _ آقسرای قضاسی طاغ، صو اوستی، اكه جك، حاجی احمدلی، شرفلی، قورتلی وسلاری ناملریله یدی ناحیه یی حاوی اولوب، قونیه ولایتنك اك بیوك قضاسیدر، نیكده سنجاغك مركز وبور ونوشهر قضالریله قره بیكار واسبكشان قضالریله وشرقاً دخی آنقره ولایتنه تابع قیر شهری سنجاغیله همحدوددر. مع نواحی قضانك ٢٢٢ قریه سی، ٨٨٦٢ خانه سی و ٥٥۰ ٤٧ اهالیسی اولوب، بونلرك ٢٥۰۰ قدری روم، ٢٥۰ سی ارمنی وقصوری كاملاً اسلامدر. نواحی اهالیسنك بر مقداری ده كرد وساىٔر عشیرت خلقندن عبارتدر. روم وارمنیلری دخی تركجه لسانله متكلم اولوب، روملر یالكز مركز قضاده، وارمنیلر یالكز اكه جك ناحیه سنده بولنیورلر. مع مركز درون قضا ده ١٢١ مكتب ابتداىٔی، ١٨١ مسجد، ٧۰ مدرسه، ٢ تكیه، ٧ كلیسا، بیاض صو نهری اوزرنده بر طاش كوپری، ٧ كهرچله اوجاغی، ١ ایلیجه وبر اكشی صو بولنیور. حبوبات ومیوه وساىٔره محصولاتی قونیه ولایتنك ساىٔر قضالرندن زیاده در. صنایعه متعلق كوزل كلیم وسجاده لر یاپیلیر.
Kamusul Alam, Şemseddin Sami; Kamusul Alamde Aksaray maddesi. osmanlıcada Aksaray ne demek, Aksaray anlamı manası, Aksaray osmanlıca nasıl yazılır. Osmanlıca sözlükte Aksaray hakkında bilgi. Arapça Aksaray ne demek. Arapça osmanlıca sözlük. Farsçada Aksaray anlamı
Kamusul Alamde - آقسرای Aksaray maddesi. Şemseddin Sami, Kamusul Alam Ansiklopedisi