Augusta ~ آوغسته
Kamus-ul'Alam - Augusta ~ آوغسته maddesi. Sayfa: 491 - Sira: 5
Augusta - آوغسته
آوروپانك بعض طرفلرنده اوقتاویوس آوغستوس و خلفلری زماننده تأسیس اولنوب اسملرینه نسبتله بویله تسمیه اولنمش بر چوق اسكی قصبه لر وار ایدی، كه الآن موجود بولنانلری بشقه اسملرله تسمیه اولنه رق، اك مشهورلری باویره ده كی (آوغسبورغ)، اسپانیاده كی سراغوسه (یعنی سرقسطه) ، و (آستورغه) ، فرانسه ده كی (اوسن)، پورتكیزده كی (مریدا) ، ایتالیاده كی (تورینو) ، انكلتره ده كی (لوندره) وساىٔره در. _ [آمریقاده بو اسمله بولنان قصبه لر ایچون (اوكوسته) ماده سنده مراجعت بیوریله. ]
مغلوب اولوب، ١٧۰٤ ده وارشووه مجلس مبعوثانی طرفندن حكمدارلقدن اسقاط، ویرینه (استانیسلاس لزكینسكی) انتخاب اولنمش؛ و آز مدت صكره رقیبنی طردله لهستان تختنی استرداده موفق اولمش ایسه ده، اسوج قرالنك یكیدن قزاندیغی مظفریت اوزرینه، ١٧۰٦ ده فراغته مجبور اولمش؛ و نهایت اون ایكنجی شارلك ١٧۰٩ ده پولتاوه ده كلیاً مغلوب اولمسی اوزرینه، لهلیلر طرفندن یكیدن جلبله، ١٧٣٣ تاریخنده واواقع وفاتنه دكین لهستان تختنده بقا بولمشدر. اوچنجیسی ینه فردریق آوغوست نامیله معروف اولوب، ایكنجی فردریق آوغوستك اوغلی و هم ساقسه دوقه سی هم لهستان قرالی ایدی. ١٧٣٣ ده پدرینك وفاتی اوزرینه، لهلیلرك بر طاقمی طرفندن قرال انتخاب اولنوب، عموم طرفندن آنجق اوچ سنه صكره قبول و تصدیق اولنمشدر. پروسیه قرالی ایكنجی فردریقه قارشی آوستریا ایله عقد اتفاق ایده رك، ایكی دفعه مرقوم فردریق طرفندن ضبط ایدلمش اولان ساقسه یی استخلاص ایتمش؛ و وارشووه دن زیاده درستده اقامت ایده رك، بطاىٔتله امرار عمر ایتمش اولدیغندن، كرك ساقسه لیلرك و كرك لهلیلرك نفرتنه مظهر اولمشیدی. ١٧٦٣ ده وفات ایتمشدر. دردنجیسی ینه فردریق آوغوست نامیله معروف اولوب، اوچنجی آوغوستك اوغلی ایدی. ١٧٦٣ تاریخنده پدرینك وفاتی اوزرینه، ساقسه دوقه سی اولوب، ١٧٩١ ده لهستان قراللغی دخی كندیسنه تكلیف اولنمش ایسه ده، قبول ایتمیوب، لهلیلرك اختلالات داخلیه سنه قاریشمامش ایدی. ١٨۰٦ ده ساقسه دوقه لغی بیوك بوناپارت طرفندن فراللغه تحویل اولنمغله، كندیسی برنجی آوغوست فردریق نامیله ساقسه قرالی طانیلوب، و ارشوه بیوك دوقه لغی دخی كندیسنه الحاق اولنمشیدی؛ پروسیه وروسیه یه قارشی اولان محارباتنده بوناپارته امداد ایتدیكچون، ١٨١٣ ده دول متفقه طرفندن كندیسنه اسیر حرب معامله سی اولنمش؛ و وارشووه بیوك دوقه لغیله ممالك موروثه سنك بر بیوك قسمنی غاىٔب ایدوب، تختنی ده كوج حال ایله قورتاره بیلمشیدی. تبعه سنك محبتنی قزانمش اولدیغی حالده، ١٨٢٧ ده وفات ایتمشدر. بشنجیسی فراللق صفتیله ایكنجی فردریق آوغوست
Kamusul Alam, Şemseddin Sami; Kamusul Alamde Augusta maddesi. osmanlıcada Augusta ne demek, Augusta anlamı manası, Augusta osmanlıca nasıl yazılır. Osmanlıca sözlükte Augusta hakkında bilgi. Arapça Augusta ne demek. Arapça osmanlıca sözlük. Farsçada Augusta anlamı
Kamusul Alamde - آوغسته Augusta maddesi. Şemseddin Sami, Kamusul Alam Ansiklopedisi