Ağustos - آوغستوس

روما ایمپراطورلرینك برنجیسی اولوب، اصل اسمی (اوقتاویوس) در. سناتورلردن اوقتاویوسك اوغلی ویولیوس قیصرك همشیره زاده سی ایدی. میلاددن ٦٣ سنه اول روماده طوغوب، كوچك یاشده ایكن پدری وفات ایتمكله، داییسی قیصر طرفندن آخرت اولادلغنه قبول اولنمشدی. قیصرك وفاتنده ١٨ یاشنده اولوب، یونانده تحصیل ایله مشغول اولدیغی حالده، داییسنك وفاتی خبرینی آلنجه، میراثنه قونمق اوزره، قبل المیلاد ٤٤ تاریخنده رومایه شتاب ایتمش؛ و میراثنك بر قسمنی ضبط ایتمش اولان آنطونیوس ایله محاربه یه طوتیشمش

ایسه ده، روما قونسلوسلرینك بونلری بر برینك علیهنه تشویقله ایكیسنی محو ایتمك فكر واملنده بولندقلرینی آكلاینجه، آنطونیوس ایله عقد اتفاق ایده رك، (لپیدوس) ایله برابر بر هىٔیت مثلثه حكومتی تشكیل ایتمشلردی. جمهوریت طرفدارلرینه اعلان حرب و خصومت ایده رك، او طرفك رىٔیسلری اولان بروتوس ایله قاسیوس دخی قبل المیلاد ٤٢ تاریخنده مغلوب ایتمكله، روما حكومتنی تمامیله اللرینه كچیردكدن صكره، لپیدوسی اتفاقدن اخراجله، روما ممالك واسعه سنی اوقتاویوس ایله آنطونیوس بینلرنده مقاسمه ایتمشلردر. اوقتاویوسك حصه سنه غرب ممالكی و آنطونیوسه ممالك سرقیه دوشوب، بینلرنده كی منازعاته ختام ویرمك اوزره، اوقتاویوس همشیره سی اوقتاویایی دخی آنطونیوسه تزویج ایتمش ایسه ده، آنطونیوس مؤخراً مصر ملكه سی بطالسه دن قلىٔوپاتره یی سومكله، اوقتاویایی تطلیق ایتدیكندن، اوقتاویوس آنطونیوسه اعلان حرب ایده رك، آقىٔیوم یعنی پروزه قربنده كلیاً منهزم، و مصره تعقیب ایده رك، كندیسنی وقلىٔوپاتره یی انتخاره مجبور ایتدكدن صكره، ممالك شرقیه یی و مصری دخی كندی الكاسنه ضم ب الحاقله، رومایه مظفرانه عودتنده، ((ایمپراطور)) عنواننی و آوغستوس اسمنی آله رق، ینه جمهوریت صورت كاذبه سی آلتنده بر حكومت مستبده تشكیل ایتمشدر. آوغستوس زیاده سیله حریص جاه و اقبال اولمغله، ایمپراطولغه واصل اولمق ایچون، هر نوع غدارلق وخونخوارلغی ارتكاب ایتمش ایسه ده، بو مقامه ناىٔل اولدقدن صكره، قوت و نفوذینی كوزل قانونلر وضعیله ممالكنده صلح واسایشی محافظه اثرلر یازمشدر، كه مؤخراً محو اولوب، یالكز بعض فقره لری بولنه بیلمشدر. روایته كوره كندیسی پك جسور اولمیوب، باشلیجه فتوحات وموفقیاتنی سردارلرندن (آغریپا) بونلرك استشاره سیله ایش كوروب، مكافاةً‌ آغریپانك اوغللرینی آخرب اولادلغنه قبول ایتمش ایسه ده، بونلر كندیندن اول وفات ایتمشلر، و فبزی (یولیا) نك حركات سفیهانه سی ناموسنی لكه دار ایتمكله، عاىٔله جه بدبخت بولنمشدر. وفاتنده ایمپراطولغی ایستمیه رك

ایكنجی قاریسی (لیویا) دن اولان ایكنجی اوغلی (تیبر) ە براقمشدر. آوغستوس علوم و معارف محبی اولوب، ویرجیل، هوراس، تیت لیو، پولیون كبی شعرا و علمایی نزدینه جلب، و علوم وفنونك ترقیسنی التزام ایتمشدر. میلادك ١٤ تاریخنده، ٧٦ یاشنده اولدیغی حالده، وفات ایتمشدر. _ آوغستوس اسمی مؤخراً بر عنوان كبی قوللانیلوب، (دیوقلتیان) زماننده علی العموم روما ایمپراطورلرینه آوغستوس، و ولی عهدلرینه قیصر عنواننك ویرلمسی تحت قراره آلنمشیدی. ایكنجی (اوتون) دن اعتباراً آلمانیا ایمپراطولری دخی (آوغستوس) ویا احتصارله (آوغوست) عنواننی آلمشلردی.