Avustralya - آوستراليا

كرۀ ارضك اك بیوك جزیره سی اولوب، قطعات خمسه دن معدود اولان (اوقیانیا) یعنی جرایر بحرمحیطك باشلیجه قسمیدر. وقتیله فلمنك جدید تسمیه اولنوردی. موقع و جسامتی. _ بو قطعه بحر محیط كبیر ایله بحر محیط هندی بیننده و كرۀ ارضك نصف جنوبیسنده واقع اولوب، جسامتجه آوروپا قطعه سنك درت خمسنه قریبدر. ْ١١ ایله ْ٣٩ عرض جنوبی و ْ١١١ ایله ْ١٥٢ طول شرقی آره سنده واقع اولوب، شمالاً (تورس) بوغازیله (یكی كینه) ، و جنوباً (باس) بوغازیله (تاسمانیا) آطه لرندن آیرلمشدر. شمال غربی جهتنده (سونده) جزایری، و سواحل شرقیه سی قارشیسنده‌اوزاقدن (یكی قالدونیا) ایله (یكی زلانده) آطه لری بولنیور. سواحلنك طولی تخمیناً ۰۰۰ ١٤ كیلومتره اولوب، شرقدن غربه اولان طول اعظمی قوش اوچشی حسابیله تقریباً ٤۰۰۰ ، و شمالدن جنوبه یعنی (تورس) بوغازندن (باس) بوغازینه قدر اولان عرضی دخی اوحسابله ٣۰۰۰ كیلومتره ایسه ده، دیكر بعض طرفلرده عرضی ٢۰۰۰ كیلومتره دن زیاده دكلدر. مساحۀ سطحیه سی تقریباً ۰۰۰ ٦٣۰ ٧ مربع كیلومتره در. شكل وهیىٔت طبیعیه سی، سواحلی. _ آوسترالیا نك شكل عمومیسی درت بش كونلك قمره مشابه اولوب، جنوبه طوغری متوجه اولان ایكی اوجنك

قیالقدن عبارت اولوب، بو قیالرك آلتی دخی دكیز طالغه لرندن او یولمش اولمغله، كمیلرك یناشمه سنه مساعد اولمدقدن بشقه، جنوبدن كلن بر آقنتی دخی سفاىٔنی ساحله چارپدیر دیغندن، بحریون بو سواحله تقربدن احتراز ایدرلر. سواحل غربیه ده یالكز نهرلرك منصبلری سفاىٔن ایچون تقربه مساعددر. شرق جنوبی سواحلنده ایسه خیلی قویلر و لیمانلر بولندیغی كبی، دكیزدن كوریلن یرلر دخی اورمانلر ومرعالرله مستور اولوب، زمرد آسا نباتاتك اورته لرنده ماىٔی رنكنده بعض قورو طاغلر دخی كوریلور؛ و شماله طوغری چیقلدقجه، نباتات دها بیوك و دها چوق اولوب، آنجق قارپانتاریا كورفزینك سواحلی غربیه سنده قورو وچبلاق اراضی یه تصادف اولنور. اراضیسیله طاغلری. _ آوسترالیانك اكثر طرفلری الآن مجهول اولوب، هر طرفنك اراضیسی و احوال طبیعیۀ داخلیه سی حقنده مكمل و مفصل معلومات ویرمك ممكن دكل ایسه ده، هر حالده شرق طرفی معلوم اولوب، قسم غربیسی ایچنده دخی بعض سیاحتلر و قوع بولمش اولدیغندن، هیىٔت عمومیه سی آز چوق مضبوطدر. شرق جهتنده (ویلون) برونندن (یورق) شبه جزیره سنه قدر ساحل بوینجه‌ بر صره طاغلر اوزانوب، ((ماىٔی طاغلر )) و (( آوسترالیا آلپلری )) اسملریله معروف اولان بو سلسله آوسترالیاده بر بیوك تقسیم میاه خطی تشكیل ایده رك، شرق طرفنده كی ماىٔله سی دها دیك ودها طار اولدیغی حالده، صولرینی بحر محیط كبیره دوكر، و بو طرفدن آقان نهرلرك میلی بهر كیلومتره ده اون متره نسبتنده در؛ غرب جهتنده كی ماىٔله سی ایسه پك واسع و آز میلانلی اولوب، صولرینی داخلی چوللرله بعض كوللره و جنوبده كی (وینسان) له شمالده كی (قارپانیاریا) كورفزلرینه دوكر، و بوطرفده كی نهرلرك میلی بهر كیلومتره ده بر متره نسبتنده در. بو سلسله نك جنوبدن (كنسلاند) ك وسطلرینه قدر اولان قسمی دیك بر صرت تشكیل ایدیور، كه اوزاقدن غیر منقطع بر سد كبی كورینیورسه ده، بر چوق بوغازلری، كچیدلری و منفرد تپه لرله شعبه لری واردر. اتكلری اورمانلرله، غایت كوزل مرعالرله و منبت اراضی ایله مستوردر. (كنسلاند) ایسه سلسلۀ مذكوره بر برلرندن

بری ذكری سبقت ایدن (باس) بوغازنده واقع (ویلسون) برونیدر؛ كه بو قطعه نك اك جنوبی نقطه سیدر؛ دیكر اوجی منتهای غرب جنوبیده واقع (لووین) برونیدر. بو ایكی برون آره سنده (آوسترالیا كورفزی) نامیله بیوك و آچیق بر كورفز ممتد اولوب، (اسپنسر) و (سنت وینسان) كورفزلری بونك قسم شرقیسی سواحلنده در. شمال طرفنده اك زیاده اوزانمش نقطه سی (تورس) بوغازنده واقع (یورق) برونی اولوب، بو برونله بونك غرب جهتنده واقع (آرنهم) برونی آره سنده (قارپنتاریا) كورفزی نامیله قره لرك ایچنه خیلی كیرمش بر بیوك كورفز بولنیور. بو كورفزك غرب طرفنده سواحل خیلی كیرنتیلی چیقنتیلی اولوب، بر چوق برونلر، شبه جزیره لر و كوچك كورفزلر و خلیجلر واردر، كه اك مهملری (قوبور) شبه جزیره سیله بونك آلتنده و (ملویل) آطه سنك قارشیسنده (دیمن) كورفزیدر. شمال غربی جهتنده اك زیاده چیقمش نقطه (لوندوندری) برونی اولوب، (نورت وست) یعنی ((شمال غربی)) و (كوویه) برونلری ده ساحل غربیسنده واقعدرلر. سواحل شرقیه سنك كیرنتی و چیقنتیلری غایت كوچك اولوب، او طرفدن ذكره شایان هیچ بر كورفز یوقدر، و اك شرقی نقطه سی اولان (بایرون) برونی دخی آنجق برون دنیله بیله جك بر شكلده در. بو قطعه نك اطرافنده بر چوق آطه لر بولنوب، باشلیجه لری شونلردر : شمال جهتنده : یورق برونی جوارنده (پرنس دوغال) آطه سی، قارپانتریا كورفزی ایچنده (ولسلی) و (غروت) آطه لری، دیمن كورفزی قارشیسنده (ملویل) و ( باتورست) آطح لری؛ غرب جهتنده : (دامپیر)، (باروو) و (دیغ هار توغ) طاقملری؛ جنوب جهتنده‌ : (رشرش) و (اینو ستیغاتور) طاقملریله (قانغورو) آطه سی ؛ شرق جهتنده دخی: (استرادبروق)، (مورتون) و (ساندی) آطه لریله (نورتومبرلاند) و (قومبرلاند) طاقملری. شرق شمالی سواحلنك قارشیسنده بر چوق قیالق آطه لر بولنیور، كه بینلرنده وساحلله بر طاقم صیغلرله مربوط اولوب، سیر سفاىٔنی بیوك مخاطره لر ایچنده بولندیریورلر. جنوبده كی بیوك كورفزك سواحلیله سواحل غربیه نك اكثر طرفلری بعض یرلرده قوملق و آلچق و بعض یرلرده دخی ١۰۰ و ٢۰۰ متره ارتفاعنده

آیری بر طقم تپه لر دیزیسی صورتنی آلیور. بو سلسله نك اك مرتفع یرلری جنوبنده اولوب، اورالرده ارتفاعی ٢۰۰۰ ایله ٢٥۰۰ متره آره سنده در. بوندن بشقه آوسترالیاده جبال متسلسله بیلنمیوب، آنجق (اسپنسر) كورفزینك شمالنده (فلیندر) طاغیله بو قطعه یی جنوبدن شماله تا وسطندن شق ایدن تلغراف خطنك ممری اوزرنده وخط مذكور ایله سواحل غربیه آره سنده بر چوق منفرد طاغلر بولنیور، كه بونلردن اكثریسنك ارتفاعی ١۰۰۰ متره دن آشاغی اولوب، یالكز مذكور تلغراف خطنك غرب جهتنده و مدار جدی خط موهومی آلتنده بولنان (جیل) طاغنك ١٣۰۰ ، و اونك جوارنده كی (لیبیغ) طاغنك ١٢٢۰، و غرب شمالی جهتنده كی (پروسیه) طاغنك دخی ١١٥۰ متره ارتفاعلری اولدیغی مرویدر. آوسترالیانك شمال و غرب سواحلی بر طاغ و تپه لر صره لری آلتنده بولنمغله، بو ارتفاعلردن دكیزه بر چوق نهرلر آقدیغندن، سواحل مذكوره نك اراضیسی دخی همان سواحل شرقیه یه قریب بر حالده اولوب، اورمان و مرعالری و منبت اراضیلری واردر؛ و كوندن كونه آوروپا مهاجرلری طرفندن اسكان و اعمارلرینه رغبت اولنمقده در. یالكز سواحل جنوبیه نك قسم غربیسیله سواحل غربیه نك بر قسمی غیرقابل عمراندر. بو قطعه نك ایج طرفی ایسه طبیعت اراضیجه اوچ منطقه یه تقسیم اولنه بیلیر : جنوبده كی بیوك كورفز صاحلندن ْ٢٧ عرض جنوبی جنوبی خط موهومنه قدر اولان برنجی منطقه نك اراضیسی طوزلی و دوز اووه لردن عبارت اولوب، بو اووه لرك اوته بریسنده یردن بعض صولر فیشقیریور، كه بو صولر كلس، طوز و سوده یی حاوی اولمغله، ترسباتدن منبعلرینك اطرافنده برر تپه حاصل اولور. بو منطقه نك طوپراغی زراعته غری صالح و اكثر طرفلری قوملق ایسه ده، مرعالری قویونلره پك ایی كلمكله، اورالرده كلیتلی قویونلر یتیشدیرمك اوزره تشبثاته بدأ اولنمشدر. ایكنجی منطقه ْ٢٧ عرض جنوبیدن ْ١٧ عرض جنوبی یه قدر ممتد اولوب، آوسترالیانك ایج طرفنك قسم اعظمنی ضبط ایدن بو منطقه دوز چوللردن وش آلتیوز متره ارتفاعنده تپه لردن عبارت اولوب، اراضیسنده یالكز بعض اكری بو كری چالیلرله بر طاقم دیكنلر وقبا اوتلر بیتر ایسه ده، بو اوتلر دخی

حیوانات بسلمكه الویریشلیدر؛ بعض وادیلرك ایچنده دها اییجه مرعالر وضمغ آغاجلری دخی بولنور. بو منطقه نك داىٔمی صورتده آقار نهری یوق حكمنده اولوب، اكثریسی طورغون و متعفن صولر و كول و بطاقلقلر صورتنی آلیرلر. بعض قتلرده قوراقلق و صوسزلق صوك درجه یه واردیغی حالده، بعض وقتلرده دخی یاغمورلرك كثرتندن اكثر یرلری صوباصار. نهایت ْ١٧ عرض جنوبیدن سواحل شمالیه یه قدر ممتد اولان اوچنجی منطقه بالچیقدن عبارت بر طاقم منبت اووه لرله طوپراغی قره بر طاقم كوزل حوضه لردن عبارت اولوب، بو جهتك انهاری دخی چوق اولمغله، غایت صیق و جسیم تباتاتی و اقالیم حاره یه مخصوص هرنوع محصولاتی پك بولدر. قطعه نك قسم غربیسی، واقع اولان بعض سیاحتلرله برابر، الآن مجهول حكمنده ایسه ده، او جهتك ده ذكرایتدیكمز قسم داخلینك احوال عمومیه سنه تابع اوله جغی ملحوظدر. انهاری. _ آوسترالیانك بیوك طاغلری اولمامق مناسبتیله، بیوك ایرماقلری دخی اولمیوب، اك زیاده انهاری بولنان جهتی قسم شرقیسیدر، كه ماىٔی طاغلردن آقان نهرلرله اسقا اولنور. بو قطعه نك اك بیوك نهری جنوب شرقی جهتنده كی (مورای) ایرماغی اولوب، ماىٔی طاغلرك غربی ماىٔله سندن اینن بر چوق نهرلری جمع ایله، (وینسان) كورفزینك شرق طرفنده كی بر خلیجه منصب اولور. بو نامله جمع اولنان نهرلرك اك بیوكی (دارلینغ) نهریدر، كه وارغو، قوندامین، باروان، ناموی وساىٔر بر چوق نهرلرك اجتماعندن حاصل اولوب، (لاچلان) و (مورومبیج) نهرلرینی اولجه اخذ ایتمش اولان (مورای) له برلشیر. مذكور ماىٔی طاغلرك شمال قسمنك جهت غربیه سندن دخی (پاروو) و (بولوو) كی بر طاقم بیوك نهرلر بر خیلی مسافه ده جریاندن صكره، تجخرله و كچدكلری یرلرك قورو طوپراغندن ایچیله رك، یولده قورورلر. (تومسون) بهرلرینك تلاقیسندن حاصل اولان (قوپر) ایرماغی ایسه، اثنای جریاننده بر چوق قوللره آیریله رق، بر طاقم كوللر و بطاقلقلر دخی تشكیل ایتدكدن صكره، آوسترالیای جنوبینك وسطلرنده واقع (ویلس) یاخود (دیامانتینه) اسمیله بیوك بر نهر كلیر، كه منبعی شمالده كی قار-

اولوب، درینلكلری پك آز، ووسعتلری یاغمورلرك كثرت ویا قلتنه تابعدر. قطعه نك وسطلرنده دخی (آموردنس) اسمیله طار و اوزون بر كول واردر. اك بیوك كوللری ایسه (اسپنسز) كورفزینك شمال طرفنده كی ایره، تورنوس، كردنر، غرغوری، بلانج كوللریدر. بونلرك ده اك بیوكی (ایره) كولی اولوب، ایچنه یوقاریده ذكر اولنان بر چوق نهرلر دوكیلور. هواسی . _ آوسترالیانك هواسی عمومیت اوزره پك قرارسز و سریع التحولدر. ایج طرفلرنده باغمورلر بر قاعده و موسمه تابع اولمیوب، بعض سنه لرده اصلا یاغمور یاغمامغله، درجۀ حرارت قرقدن یوقاری چیقوب، هوانك یبوستی دخی منضم اوله رق، آفریقا غمورلر غایر كثرتلی و همان متمادیاً یاغمغله، چوللرك اكثر طرفلری كول حالنه كیرر؛ و اورته لق پك چابق بیور نباتات متنوعه ایله اورتیلور. ساحللرده اكثریا قطعه نك ایج طرفلرندن كلن روزكار اسدیكی ایچون، اورالرینك هواسی دخی ایج طرفلرك قوراق ویا یاغمورلی هواسنه تابعدر. قوراقلق زمانلرنده جنوب شرقی جهتنده كی (ویقتوریا) و ((جنوبی یكی و الس)) ده غرب شمالیدن فرونك اغزندن چیقمش كبی صیجاق ویابس بر روزكار اسر، و بتون نباتاتی قوروتور؛ ایج طرفلرده یاغمور یاغنجه، درحال روزكار سرین ورطیب اوله رق اسمكه باشلار، و درحال نباتات نشو و نما بولور. آوسترالیانك اك معتدل هوالی و آوروپالیلرك اقامتنه اك مساعد اولان شرق جنوبی سواحلی ایسه، ماىٔی طاغلرك سپر اولمسیله، بو روزكارلردن محافظه ده بولتدقلرندن، اورالرده فصول اربعه تمامیله حكملرینی اجرا ایدر؛ وقیشین مقیاس الحراره نك سانتیغراد اوله رق صفردن آشاغی اوچه ایندیكی، ویازین صفردن یوقاری قرق بر قدر چیقدیغی وار ایسه ده، حد وسطیسی صفردن یوقاری یازین ٢٢ وقیشین ١٢ درجه در. اورانك قیشی بزم یاز موسممزده یعنی حزیران، تموز و آغستوسده، و قیشی كانونلرله شباطده اولدیغی، و ایلك بهارلری بزم صوك بهاره، صوك بهارلری دخی بزم ایلك بهاره مصادف بولندیغی دخی اونودلماملیدر. قطعه نك شمال طرفلری ایسه اقالیم حاره دن معدود اولوب، اورالرده یاز و قیش یعنی صیجق

پانتاریا كورفزینه قریب اولان (هربرت) نهری ده بونك تابعلرندندر. مذكور كوله شمال غربیدن كلن بر قاچ بیوك نهر دها منصب اولور. بو كوله دوكیلن نهرلرك مجموعی واسع بی حوضۀ داخلیه تشكیل ایدیور. نهرلرك بیوكللكی ایسه طوللرنده اولوب، صولرینك كثرتنده دكلدر؛ چونكه صیجاقدن حاصل اولان تبخراتله طوپراغك قوراقلغندن صولرینك قسم كلیسی یولده محو اولور. ماى ٔ طاغلرك شرقه ناظر ماىٔله سندن بحر محیط كبیره بر چوق نهرلر دوكلدیكی كبی، شمال و غرب ساحللرینه قریب اولان ارتفاعلردن دخی بر چوق نهرلر آقار. سواحل شرقیه یه اینن نهرلرك اكثریسی قیصه ایسه ده صولری بول اولوب، چوغی سیر سفاىٔنه ده صالحدر. بونلرك اك بیوكلری شمال جهتنده كی (فیچروی) ایرماغیدر، كه (ماكنزیا) ایله (داوسون) نهرلرینك تلاقیسندن حاصل اولور. ایكنجیسی (بوردكین) ایرماغی اولوب، برنجینك شمالنده واقعدر. جنوبه طوغری اینركن بو ایكی ایرماقدن صكره (كنسلاند) ك مركزی اولان (بریسبان) شهرینك ایچندن آقان (بریسبان) نهرینه، و بعده قلارانسه، مافلی، هونتر، هاو كسبوری، شو لهاون نهرلرینه تصادف اولنور. قارپانتاریا كورفزینه یورق شبه جزیره سی طاغلرندن یعنی شرق جنوبیدن میچل، جیلبرت، مورمان، فلیندر نهرلری، و غربدن (روپر) نهری منصب اولورلر. سواحل شمالیه یه اینن دیكر نهرلرك باشلیجه لری : ((قرالیچه جلیجنه )) دوكیلن (ویقتوریا) ، ((قرال كورفزینه )) دوكیلن (فیتی روی) ، وقطعه نك منتهای شمال غربیسنده كی غری، قورنسقو و آشبورتان نهرلریدر. بونلردن اكثریسنك یالكز منصبلری معلوم و مكشوفدر. سواحل غربیه دن بحر محیط هندی یه دوكیلن نهرلرك ده باشلیجه لری شمالدن باشلایه رق : اوسقوین، موردیسون، غرینووغ و (اسوان ریور) نهرلریدر. كوللری. _ آوسترالیانك نصف غربیسنده یالكز شمال و غرب ساحللرینه اینن قیصه نهرلر بولنوب، ایج طرفلرنده و سواحل جنوبیه سنده هیج بر نهر یوقدر. بوكا بدل جنوب غربی جهتنده بیوك كوچك بر چوق كوللر بولنیور، كه اكثریسی طاقم طاقم

و صوىٔوق موسمی آرانه میه جغندن، یالكز یاغمور و قوراقلق موسملری واردر. بزم یازمزه تصادف ایدن قیش موسمنده داىٔما جنوب شرقی روزكاری یعنی قره دن كلن روزكار اسمكله، اكثریا قوراقلق حكم سوروب، نادراً یاغمور یاغار. بزم قیشمزه تصادف ایدن یاز موسمنده ایسه بحر محیط هندیدن كلن شمال غربی روزكاری اسدیكندن، متمادیاً موسم یاغمورلری یاغار. بنا ءً علیه اورالرك هواسی مطقۀ حاره ده بولنان كافۀ ممالك هواسی كبیدر. رارضیسی، نباتات و حیواناتی. _ آوسترالیانك اراضیجه ساىٔر قطعات ارضدن بر فرقی اولمیوب، اك اسكی طبقاتدن اولان غرانیت وقوآرسدن اك یكیلری اولان ترسبات نهریه و تراكمات مادرپوریه یه و ارنجه یه قدر اراضینك كافۀ اجناسی موجوددر، و آلتون، كومش، قورشون، باقر، دمیر و كمور معدنلری‌بر چوق طرفلرنده بولنمش و چیقارلمشدر. نباتات و حیواناتی ایسه همان بسبتون بشقه و كندینه مخصوص بر صورتده در. انسانك معیشتنه یارایه جق محصولاتی آز اولوب، نباتاتنك چوغی باغچه تزییننه یارایه جق یپراق و چیچكلری غایت كوزل انواع آغاجلرله كراسته اشجاری پك چوقدر. اوقالیپتوس آغاجی آوسترالیایه مخصوص اولوب، اوراده ١٢۰ و ١٢٥ متره یه قدر اوزونلری دخی بولنیور، كه كوتوكلرینك اویوغی ایچنده حیوانه بینمش درت كشی طوروب سربست حركت ایده بیلیرلر. انكلیزلرك (ردسدار) دیدكلری بر نوع آغاجدن دخی قیر مزیمتراق غایت سرت، غایت طیانیقلی و غایت خفیف تخته لر یاپیلیر. شمال جهتنده خرما نوعندن بعض اشجار مثمره ایله لذتلی بعض میوه لر‌ ویرر بعض اشجار مثمره بولنیور. ایج طرفلرك بطاقلق محللرنده دخی بر نوع میوه ویرر بر طاقم كوچك آغاجلر بولنیور، كه بو میوه اورالره سیاحت ایدنلرك مدار تسلیسیدر. ضمغ آغاجلری ده چوقدر. سیوانات موجوده سی میاننده بولنان ١٥۰ قدر ذوات الثدیه انواعندن كرۀ ارضك ساىٔر قطعاتیله مشترك اولانلری پك آز اولوب، اكثریسی آوسترالیایا مخصوصدر. بونلرك ده قسم كلیسی قارنلرنده یاورولرینی قومغه مخصوص زاردن جبلری بولنان ویراسه قبیلندن اوله رق زاردن قنادلری اولان

حیواناتدندر. آغزلری اوردك آغزینه مشابه ونوعما عاغالی بعض ذوات الثدیه حیوانلری دخی واردر. جبلی حیوانلرینك اك بیوكی و اك چوق بولنانی (قونغورو) تعبیر اولنان حیواندر، كه كوپك بیوكلكنده اولوب، اوك آیاقلری پك قیصه در، واتی اهالینك باشلیجه مدار معیشتلرندندر. (دینغو) تعبیر اولنور بر نوع بیانی كوپك دخی واردر، كه قویونلره زیاده سیله مسلط اولور. بو قطعه نك اغنام، صیغیر، كیك، آت، فیل كر كدان كبی حیواناتی اصلایوقدر. آنجق اوروپادن نقل اولنان قویونلر وساىٔر حیوانات اهلیه كوزل مرعالر بولوب، اقلیم و هواسیله دخی امتزاج ایتمكله فوق العاده چوغالمشدر. طیوری چوق اولوب، پاپاغانلرك انواعی وساىٔر تویلری غایت كوزل قوشلر بولندیغی كبی، كوللرك كنارنده قاشقجی قوشی نوعندن بر طاقم قوشلر، و واسع چوللرده دوه قوشنه مشابه (امو) تعبیر اولنور جسیم بر قوش واردر، كه اوچمغه بدل فوق العاده بر سرعتله یورود. تقسیماتی. _ آوسترالیا ابتدا فلمنك جدید تسمیه اولنوب، بر خیلی وقت ایج طرفلری بسبتون مجهول اولمغله، ساحللری كاشفلرینك اسملریله تسمیه اولنوردی. بو قبیلدن اوله رق، سواحل شمالیه ده : قارپنناریا، آرنهم، و ایت مملكتلری؛ سواحل غربیه ده اندراخت، ادل، لوون مملكتلری؛ سواحل غربیه ده اندراخت، ادل، لوون مملكتلری؛ سواحل جنوبیه ده (نویت) و (ناپولیون) مملكتلری ؛ ساحل شرقیده دخی مشهور قپودان (قوق) طرفندن كشف ایدلمش اولان ((یكی جنوبی والس)) مملكتی وار ایدی. قطعۀ مذكوره كاملاً انكلتره نك الینه چكوب ده، ایج طرفلری دخی آز چوق كشف اولندقدن، و انكلیز مهاجرلری هر طرفنه كیدوب یرلشدكدن صكره ایسه، آوسترالیا مختارتیله اداره اولنور بش، و بوكا ملحق عد اولنان تاسمانیا آطه سیله برابر آلتی داىٔره یه تقسیم اولنمشدر، كه شونلردر : ١ _ ویقتوریا، كه قطعه نك منتهای جنوب شرقیسنده در، مركزی (ملبورن) ؛ ٢ _ یكی جنوبی و الس، كه ویقتوریانك شمالنده وقطعه نك جهت شرقیه سنده در، مزكری (سیدنی) ؛ ٣ _ كنسلاند، كه یكی جنوبی و السك شمالنده وقطعه نك شرق شمالی جهتنده در، مزكزی (بریسبان)‌ ؛ ٤ _ آوسترالیای جنوبی، كه مذكور اوچ داىٔره نك غرب

ثروت عمومیه سنی، زراعتی، تجارت وصنایعی، طرق ومعابری. _ آوسترالیانك باشلیجه ثروتی حیواناتدن اولوب، میلادك ١٧٧٦ تاریخنده امید برونندن بش اون مرینوس قویونی سوقله، بونلرك اقلیم و هوا ایله امتزاجلری كورلدكجه، متوالیا تكثیرینه سعی و غیرت اولنه رق، بوندن اون بش سنه اول آوسترالیاده موجود قویونلرك مقداری اللی بر ملیونی متجاوز ایدی؛ و سنه ده بر ملیون تزاید ایتدیكندن، شمدی یه قدر آلتمش آلتی ملیونه بالغ اولمشدر. تاریخ مذكوره آوسترالیاده اوچ ملیون صیغیرله آلتیوز سكسان بیك آت و آلتیوز بیك جانوار قریب یپاغی آلنوب، تقریباً بشیوز ملیون فرانق قیمتنده در. دری و ایج یاغندن دخی بیوك بر تجارت حاصل اولور. آمریقادن دخی (لامه) و (آلپاق) دنیلن حیواناتدن سوق و تأنیس اولنمشدر. قوراقلق سنه لرنده ((اسقوتر)) تعبیر اولنان بیوك سوریلر صاحبلری، قویونلرینك تلف اوله جغنی آكلاینجه، بیكلرله اغنامی كسوب، دریلرینی آلدقدن صكره، اتلرینی بیوك قزانلره آتوب قایناته رق، باغلرینی استحصال ایدرلر. آوسترالیانك اراضیٔ مزروعه سی بر بجق ملیون یكی دونم قدر اولوب، حبوباتدن اك زیاده زرع اولنانی بغدای، ایكنجی درجه ده یولاف و اوچنجی درجه ده دخی آرپه در. مصر ایسه همان یكی جنوبی و السه مخصوصدر. باغلری كوندن كونه چوغالمقده اولوب، توتون، پاموق، و شكر قامشی دخی یتیشیور. اك ایی مخصولی بغداییله شرابی اولدیغندن، بو ایكی محصولنك ایلریده چوق ترقی ایده جكی ملحوظدر. اهالىٔ موجوده اراضیٔ واسعه یی ایشلمكله ویكی جنوبی و الس ایله ویقتوریا داىٔره لرنده كلیتله بولنان آلتون معدنلرینی و كمور، باقیز، دمیر كبی ساىٔر بعض معادنی چیقارمغله مشغول بولندقلرندن، صنایعله اشتغال ایده جك آدملر آزدر. مع هذا اهالی چوغالدقجه آوسترالیانك هر طرفنده و علی الخصوص بیوك شهرلرنده مختلف فابریقه لر كشاد اولنمقده، و كیتدكجه صنایع محلیه ترقی ایده رك، اوروپا امعه سنك ادخالنه احتیاج براقمامقده در. آوسترالیانك آز زمان یچنده تروت عمومیه وتجا-

جهتنده وقطعه نك اورته سنده اوله رق ساحل جنوبیدن آوسترالیای شمالی یه وقارپنتاریا كورفزینه قدر ممتد اولور، و وسعطده كی (آلكساندره لاند) ایله آوسترالیای شمالی یی دخی شاملدر، مركزی (آدلاییده) ؛ ٥ _ آوسترالیای غربی، كه قطعه نك بتون قسم غربیسندن عبارت اولوب، مركزی (پرته) شهریدر. بو داىٔره لرك هر بری حقنده محلنده معلومات مفصله ویریله جكندن، شوراجقده یالكز مساحۀ سطحیه لریله اهالیلرینك مقدارینی بیان ایده جكز : مربع كیلوتره اهالی ویقتوریا ٦١۰ ٢٢٧ ٥٥٢ ۰٢٣ ١ یكی جنوبی و الس ٧٣۰‌ ٨۰۰ ٧٦٢ ۰٣۰ ١ كنسلاند ٦٣۰ ٧٣ ١ ٧٦٨ ٣٤٣ آوسترالیای جنوبی ٦۰٩ ٣٤١ ٢ ٤٣٩ ٣١٢ آوسترالیای غربی ٥٣۰ ٥٢٧ ٢ ۰٨٤ ٤۰ جمعاً آوسترالیا ١۰٩ ٦٢٨ ٧ ١۰٥ ٧٦۰ ٢ بو وجهله آوروپانك درت خمسی جسامتنده اولان او قوجه قطعه ده یاشایان اهالینك مقداری اوچ ملیونه بیله بالغ اوله میوب، بونلرك ده قسم كلیسی انكلیز وساىٔر اوروپا مهاجرلرندندر. ذاتاً آز مقدارده بولنمش اولان اهالیٔ اصلیه ایسه حامیٔ انسانیت اولمق ادعاسنده بولنان آوروپا متمدنلری طرفندن آو حیواناتی كبی اتلاف اولنه اولنه بسبتون منقرض اولمق راده سنه كلمشلردر؛ و اونلرك مقداری آزالدقجه آوروپالیلرك یعنی باشلیجه انكلیزلرك عددی سنه دن سنه یه تزاید ایتمكده در. اهالیٔ مذكوره نك نصفندن زیاده سی یعنی بر بچق ملیونی پروتستان، یاریم ملیون قدری قتولیك، ٩۰۰۰ ی یهودی اوله رق، ایكی ملیوندن زیاده سی اوروپالی، ۰۰۰ ٣۰ قدری مسلمان و قصوری یرلی وادیان مختلفۀ مخصوصه ایله متدین، و بعضلری ده دین فكرندن بسبتون محرومدرلر. آوسترالیانك اك بیوك شهرلری (ملبورن) و (سیدنی) اولوب، برنجیسنك ٦٩۰ ٣٢٢، و ایكنجیسنك ٢١۰ ٢٢٤ اهالیسی واردر. (آدلاییده) شهرینك اهالیسی ٩٤٥ ٦٧ ، و (بریسبان) ك ١٦٩ ٣٦ نفوسدن عبارتدر. بو شهرلر و بونلردن كوچك بر چوق شهر وقصبه لر غایت منتظم صورتده یاپیلوب، اكثریسی بیوك تجارتكاهلر اولمغله، معمور و مزین اوله رق، كوندن كونه ده بیومكده درلر.

بولنیور. ملبورنده بر بیوك انجمن معارف واردر، كه ١٨٥٩ تاریخنده تأسیس اولنوب، او وقتدن بری آوسترالیانك تاریخ طبیعیسنه وساىٔر احوالنه داىٔر واقع اولان نشریات مفیده سیله فنه بیوك خدمتلر ایتمشدر؛ و (اوسترالاسیانه) عنوانیله مقنن صورتده بر مجموعۀ فنون نشر ایتمكده در. اهالىٔ اصلیه سی. _ آوسترالیانك اهالىٔ اصلیه سی بر چوق اقوام وقباىٔله منقسم ایسه ده، اصل آوسترالیالی اولانلر بیننده كرك سیما ورنكجه و كرك لسانجه مشابهت تامه واردر. بونلرك باشلری كوچك، آلنلری طار، برونلری غایت كنیش، چكه لری پك قیصه و ایلری یه طوغری اوزانمش، آغزلری پك بیوك، دیشلری بیاض، كوزلری دخی پك بیوك و كوزل، قاشلری صیق و كوزلری چیقورده در. شمال جهتنده كیلرك بویی ١ متره ٧۰ سانتمیتره ایله ٣ متره، و جنوبده كیلرك بویی ده بر بچق متره ایله ١ متره ٧۰ سانتیمتره آره سنده در. بونلرك آره سنده (پاپو) و (پولینسیا) جنسلرینه منسوب آدملر دخی بولنیور. [بو ایكی كلمه یه مراجعت بیوریله.] آوسترالیا لیلری سیاحینك بعضیسی كوزل، و بعضیسیده چر كین بر صورتده تصویر ایتمشلرسه ده، عمومیت اوزره كوزلدن زیاده چركین عد اولنه بیلیرلر. رنكلری مختلف اولوب، بعض قبیله لری قوروم كبی سیاه ایسه ده، بعضلرینك رنكی ده آزیجق باقیر رنكنه ماىٔل اوله رق اسمردر. صاچلری سیاه و دوز اولوب، آنجق كندیلری اكثریا بلوك بلوك تقسیم ایله قیوریق حالنه قورلر، و بعضا بر طاقم كیرچلی طوپراقلرله صارارتیرلر. وجودلرنده و علی الخصوص كوكسلرنده و اوموزلرنده قیللری چوق و صقاللری صیقدر. كنج قیزلری میاننده بعض لطیف و شیرین چهره لره تصادف اولنورسه ده، پك كوچك یاشده معاملات زوجیه یه قویلملری و یوك حیوانی كبی قوللانیلوب پك مشقتلی بر عمر سورملری آززمان ظرفنده اولطافتی محو ایده رك، آوسترالیالی قاری یی پك چركین بر صورته قور؛ علی الخصوص اختیارلری قورقونج اوله رق درجه ده چركیندرلر. آوسترالیانك اهالیٔ اصلیه سی بولندقلری محلك حالنه كوره یاشایوب، محصولات طبیعیه سی اولمیان یرلرده بولنانلری بسبتون چبلاق و اوست وباشلری كیر

رحجه فوق العاده ترقی ایتمسنی تسهیل ایدن اسبابك برنجیسی طرق ومعابروساىٔر امورنافعه سنك مكملیتیدر. سواحلده بر چوق لیمانلر انشا اولنه رق، نهرلرك چوغی ده سیر سفاىٔنه صالح اوله جق برحاله كتیرلمش، و بر چوق قناللر آچلمشدر. داخلی شهر و قصبه لرك و منبع ثروت اولان یرلرك جمله سی بینلرنده واسكله لرله متعدد دمیر یوللرله و نهرلر و قناللرله اختلاط اوزره بولنیورلر. آوسترالیا قطعه سنده موجود دمیر یول خطلرینك مجموع طول اون ایكی بیك كیلومتره یه قریب اولوب، بر طرفدن ده هر كون یكی خطلر انشاسنه مباشرت اولنمقده در. تلغرافلری دخی پك چوق اولوب، حتی قطعه نك ساحل جنوبیسنده بولنان آدلاییده دن منتهای شمالده كی (دارون) لیماننه قدر تمدید اولنان تلغراف خطی بتون آوسترالیایی اورته سندن شق ایده رك، هندستانه و اوروپایه كیدن تحت البحر تلغراف خط كبیریله برلشیور. اصول اداره سی ._ بتون آوسترالیانك صاحبی بولنان انكلتره دولتی بو قطعه نك منقسم بولندیغی بش داىٔره نك بهرینه ادارۀ مختاره ویروب، ایجابی تقدیرنده، برداىٔره نك ایكی یه تقسیمی ویا اراضیٔ مجهوله وخالیه ده یكی داىٔره لر تشكیل حق وصلاحیتنی دخی بونلرك ید اختیارینه براقمشدر. لوندره قابنتوسی بو داىٔره لرك یالكز رىٔیسلرینی تعیین ایدب، بونلرك دردی متصرف، و یالكز یكی جنوبی و السك كی و الی عنواننی حاىٔز ایسه لرده، اداره ده جمله سی مستقلدرلر. هر داىٔره نك كندینه مخصوص مجلس مبعوثانی اولوب، مبعوثانك انتخابی سریستدر. مملكت كوچك بلدیه داىٔره لرینه و طرق رمعابر ونافعه داىٔره لرینه تقسیم اولنور. بو ایكی نوع داىٔره نك مدیرلری مجلس مبعوثان طرفندن انتخاب اولنور، و ایكیسیده اهالیدن منتخب برر مجلس داىٔمی و سنه ده بر كره اجتماع ایدر برر مجلس عمومی استشوره سیله تمشیۀ امور ایدرلر. الحاصل ادارۀ مملكت تمامیله اهالینك یدینه تودیع اولنمشدر. معارف عمومیه یه وارداتك بیوجك بر قسمی تخصیص اولدیغندن، مكتبلر پك چوق اولوب، بری ملبورنده و دیكری سیدنیده اولمق اوزره ایكی مكمل دارالفنون واردر. عمله یه مخصوص اولمق اوزره یالكز پازار كونلری آچیلیر بر نوع مكتبلر دخی ایجاد اولنمشدر. كه بونلردن یالكز یكی جنوبی و السده ١۰۰۰ مكتب

بو وجهله بو قطعه نك اهالىٔ اصلیه سی، نوع بشرك همان اك كریده قالمشلرندن اولدقلری حالده، زكاوت واستعداددن بسبتون محروم دكللردر. توحشدن قورتلوب ده انكلیزلرله برابر یاشایان و بونلرك یاننده عمله لك ویا حماللق كبی ایشلرده قوللانیلان بعض افرادلری پك كوزل انكلیزجه او كرنمش، و بر چوق ایشلر ده بیوك بر استعداد كوسترمشلردر. قطعه نك وسعتی مناسبتیله بر چوق لسانلرله متكلم اولوب، اقوام مختلفه بربرلرینك آكلامیورلرسه ده، علم اللسان نقطۀ نظرندن باقیلورسه، بولسانلرك جمله سی بر زمره یه منسوب وبر اصلدن متفرعدرلر. بونلر آوروپالیلرك كلوب اك كوزل یرلرینی ضبط، و كندیلرینی اتلاف ویا برویبانلره طرد ایتدكلرینی كورنجه، بالطبع بو انسانیتسز اجنبیلر حقنده بیوك بر بغض و كین حاصل ایتمشلردر. انكلیزلری اضرار ایچون، فرصت اللرینه كچنجه، بر قاچ ساعتك ایچنده بتون بر سوری یی اتلاف، وچوبانلری انواع عقوباتله قتل ایتدكلرندن، و بعض تنها و منفرد محللرده توطن ایتمكه جسارت ایدن آوروپالیلر حقنده هر نوع غدارلغی روا كوردكلرندن، انكلیزلر دخی طبیعتك بو قوجامان یاراماز چوجقلرینه قارشی مقابله بالمثل ایده رك، بیچاره لری حیوانات و حشیه كبی بولدقلری یرده اوروب اولدیریورلر. بر طرفدن دخی آوروپا مدنیتنك كندیلرینه هدیه ایتدیكی اسپیر تولی مشروباتله فرنكی وساىٔر علتلردن، و آو حیوانلرینك آزالمسیله قابل سكنی اراضینك آوروپالیلرك الینه كچوب، تارله ویا مرعی اولملرندن كوندن كونه عدد لری آزالوب، محو و مضمحل اولمقده درلر. احوال تاریخیه سی یعنی صورت كشفی. _ بو قطعۀ جسمیه نك كشفی فلمنكلیلر عطف واساد اولنمقده ایسه ده، فلمنكلیلرك كشفیاتی اون یدنجی عصر میلادینك اواىٔلنده باشلادیغی حالده، بو قطعه نك و جودی اون آلتنجی عصر میلادی اواسطنده یزلمش اثرلرده مذكوردر. حقیقنی شودر، كه قطعۀ مذكوره نك بعض ساحللری اون آلتنجی عصر میلادیده پورتكیز و بعض فرانسز بحریونی طرفندن كورلمش؛ ویكی كینه نك جنوبنده پك بیوك اولمسی ملحوظ اولان بر قطعه نك سواحلی كورلدیكی ذكر اولنمشیدی. پورتكیزلیلر بو بابده كی معلوماتی بر آز دها ایلری یه سو-

و توز طوپراق ایچنده و باشلری بیتله طولو اولدیغی حالده، حیوان كبی طولاشوب، یرده بوله بیلدكلری قورد و بوجك كبی انواع حشراتله و بعض آغاجلرك میوه لریله بسلنیرلر، ولاشه لره دخی كمال تهالكله قوشیشوب، الرینه كچن شیلری یرلر. بونلرك اكثریا قارنلری شیش و بجاقلری دكنك كبیدر. اولری و كیلری دخی اولمیوب، میدانده ویاخود دلیكلرده و مغاره لرده یاشارلر. محصولات طبیعیه سی اولان یرلرده بولنانلرك ایسه حالی بر آز دها ایی اولوب، ستر عورت ایچون قبا برر لباسلری واردر، و آوجیلق ویا بالیقجیلقله مشغول اولوب، قبیله لره منقسمدرلر؛ وقبا بعض قلبه لر یاپوب قریه لر تشكیل ایدرلر. بونلر دهاتندرست وقارغی و صوپه وقلقان كبی كندیلرینه مخصوص بعض اسلحه استعمالنه مقتدر اولوب، قبیله لر بیننده محاربه ایدرلر؛ و حرب و صلحه مخصوص بعض عادت و آیینلری دخی واردر. آوسترالیا اهالىٔ اصلیه سی دین و مذهب فكرندن بسبتون محروم اولوب، یالكز جنلردن وارواح امواتدن قورقارلر، ورؤسای روحانیه مقامنده طبیبك وسحارلق ادعاسنده بولنور بعض آدملری واردر. اولولرینی بعض یرلرده كونشده قورودوب، بعده بر آغاجك اویوغی ایچنه قورلر، ویا بر آغاج دالنه آصارلر؛ بعض یرلرده یاقوب، كوللرینی حفظ، و قفا كمیكلرینی دخی اخذ ایله، قاب مقامنده استعمال ایدرلر؛ بعض طرفلرده دخی میتی پاره لیوب، اقرباسی بیننده بالتقسیم، اكل ایدرلر. غدا مقامنده انسان اتی یمك عادتلری دكل ایسه ده، پك آج اولدقلری وقت بوفعل مكروهی ارتكاب ایتدكلری كبی، اولمش بر آدمك اخلاق و فضاىٔلنه مالك اولمق ویا اونك روحنی كندی روحلرینه قاتمق فكر باطلیله، اوردقلری دشمنلرك ویا اولن اقربالرك چوق دفعه اتلرینی یرلر. بونلر معادن اخراج واستعمالندن بیخر اولوب، اصلاآلات وادواتلری دخی یوقدر. سلاحلری آغاج و كمیكدن معمول اولوب، بر اوزون غارغی ایله بر صوپه دن وبرده آته رق قوللاندقلری قلیج شكلنده كسكن بر تخته دن عبارتدر؛ لكن بونلرك استعمالنده خیلی مهارتلری واردر.

مكه ده موفق اولمشلردی. آنجق اووقتك جغرافیونی ((اراضیٔ واسعۀ جنوبیه )) تسمیه ایتدكلری بو قطعۀ مجهوله یی بتون كرۀ ارضك جهت جنوبیه سنی احاطه ایتمش صورتنده تصور و تخیل ایتمشلردی. حتی (مرقاىٔور) ك آطلاسندن مأخوذ اولان كاتب چلپینك ((جهاننما )) سی خریطه لرنده دخی بو صورتله كوسترلمشدر. جغرافیونك بو یاكلیش ذهابندن طولایی جغرافیا فنی بو یابده پورتكیزلیلرك كشفیاتندن بحق استفاده ایده میوب، بو قطعه یی فنه طانیتدیران فلمنكلیلرك اون یدنجی عصر میلادی ابتدالرندن باشلایان تحریات و كشفیاتیدر. بونلر بحر محیط هندیده بر چوق جزایر و سواحله مالك بولندقلرندن، بو قطعه نك كشفیچون دخی مخصوص كمیلر كوندروب، اكثر ساحللرینی كشف ایتمشلردر. بو كشییاته مأمور اولوب اسملری آوسترالیانك مواقع مختلفه سنك تسمیه سنه سرمایه اولان قپودانلرك اك مشهوری (تاسمان) در. كه قطعۀ مذكوره نك بر چوق سواحلی كشف ایتدیكی كبی، آوسترالیانك جنوب غربیسنده بولنان و كندیسی صرفندن (وان دیامن) تسمیه اولنوب الیوم بحق كندینك اسمنه نسبتله (تاسمانیا) دنیلن جزیرۀ كبیره یی دخی بولمشدر. آنجق تاسمان بر طرفدن بو جزیره نك آوسترالیادن و بر طرفدن دخی آوسترالیانك یكی كینه دن برر بوغازله آیرلمش اولدیغندن امین دكلیدی. هر نه قدر كه بر چوق وقت اول (تورس) اسمنده بر اسپانیول قپودانی یكی كینه ایله آوسترالیانك آره سنده كبی بوغازدن كچمش. و مرورینی مبین برلابحه براقمش ایسه ده، بو قپودان كچدیكی بوغازك جنوبنده بویله جسیم بر قطعه نك بولندیغندن بیخبر اولمغله برابر، بو بوغازدن مرورینی مبین جرنالی ده بر عصر مجهول قالوب، بعده بولنمش، و مذكور بوغازك كندیسنك اسمیله تسمیه سه سبب اولمشدر. لحاصل، فلمنكلیلر بو قطعه نك اویله كرۀ ارضك بتون قسم جنوبیسنی احاطه ایده جك بر جسامت هوماده اولمیوب كوچك بر قطعه و جسیم بر آطه اولدیغی كشفله، بوكا بحقٍ (فلمنك جدید) نامنی ویرمشلردر. كه انكلیزلرك النه كچنجه یه قدر بو نامله معروف قالمشدر. آنجق فلمنك بحرونی، موانع محتلفه دن طولایی، بو قطعه نك سواحل شرقیه سنی زیارت

ایده مدكلری كبی، ساىٔر ساحللر حقنده دخی بر معلومات

طرفی مكشوف اولوب، مكمل بحریه خریطه لری یاپلمش اولدیغی كبی، شرق جنوبی قسمنك ایج طرفی دخی تمامیله مكشوف ایسه ده، ایج طرفنك ساىٔر جهتلرندن یالكز سیاحلرك كچمش اولدقلری یوللرك اوستنده كی یرلر معلوم وساىٔر طرفلری مجهولدر. الحاصل، بو قطعۀ جسمیه نك یالكز بر ربعی معلوم و مكشوف اولوب، اوچ ربعی الآن مجهول اولمغله، خریطه لرده بیاض كوسترلمكده در.