Archiduche - آوستريا

باش دوقه لغی یاخود نفس

چوخه، قازمیر، كاغد، بیره وساىٔره فابریقه لری چوقدر، و كیتدكجه چوغالمقده در. مكتبلریله ساىٔر معارفه متلعق مؤسساتی دخی مكملدر. طونه ایله اوكا منصب اولان بیوك و كوچك نهرلرك همان جمله سی سیر سفاىٔنه صالح اوله جق بر حاله كتیرلمش اولمغله، بو طریقلرله بر بیوك تجارت اجرا اولدیغی كبی، ساىٔر طرق و معابری دخی چوقدر، و مونیخدن ویانه یه كیدن دمیریول خطی بو ایالتی بریاندن بر یانه شق ایتدكدن بشقه، چهستانه وساىٔر طرفلره دخی بر قاچ شعبه سی ایریلیور. بو ایالت مقدما درت سنجاغه منقسم ایدی، كه هر بری بر نهرك حوضه سندن عبارت اولوب، حدود طبیعیه ایله معین ایدی، شمدیكی حالده ١٤ قضایه منقسمدر. مركزی (لینچ) شهریدر، كه طونه نك ساحل یمیننده واقع اولوب، ٩١٥ ٣٨ اهالیسی واردر. آشاغی آوستریا. _ یو ایالت غرباً یوقاری آوستریا ایالتیله، شمال غربی طرفندن چهستانله، شمالاً موراویا ایله، شرقاً مجارستانله، جنوباً دخی استیریا ایله محدود و محاط اولوب، مساحۀ سطحیه سی ٨٢٣ ١٩ مربع كیلومتره، و اهالیسی ٦٢١ ٣٣۰ ٢ كشیدر، كه بهر مربع كیلومتره باشنه ١١٧ كشی دوشیور. بو ایالتك تجارت و صنایعی یوقاری آوستریانك كندن دها ایلری ایسه ده، زراعتی دها آزا اولدیغندن، ثروت طبیعیه و اسباب عمر انلری بر كبیدر. بو ایالت اراضیسنك‌ اوچ ربعی طاغلق اولوب، استیریا ایله نفس آوستریایی آیران آلپ سلسله سی تا ویانه یه قدر بر طاقم آلچق تپه لر صورتنده اتكلرینی تمدید ایدیور. یالكز ویانه نك آلت طرفندن یعنی شرق جهتنده طونه نك ایكی طرفنده اولدقجه واسع بر اووه واردر، كه ویانه اووه سی نامیله معروفدر. ایالتی بر یاندن بر یانه شق ایدن طونه ایرماغنه داخل ایالتده بر چوق نهرلر دوكیلیور، كه اك بیوكلری شمالدن اینن (قامت) نهریدر. سیر سفاىٔنه صالح اولانلری یالكز حدود غربیه سنده اولان (انس) ایله حدود شرقیه سنده كی (مارخ) نهرلری اولوب، دیكرلری ده طاغلردن كراسته ایندیرمكه و بر چوق ماكینه لر چویرمكه یارایورلر. اراضیسنك یوزده ٤۰ ی مزروغ، وزده ٣٤ ی اورمان، یوزده ١٤ ی چایر و باغچه، و یالكز یوزده ١۰ ی خالی و غیرمنبتدر. محصولات زرعیه سی همان

یوقاری آوستریانك كیلر كبی اولوب، یالكز آشاغی آوستریاده اوزوم دخی یتیشیور. دمیر، قورشون، كمور، كرچ طاشی، بنا طاشی و دكیر من طاشلری وساىٔر معدنلری دخی واردر. صنایعی پك ایلری اولوب، بو ایالت پایتخت سلطنتی دخی حاوی اولمغله، آوستریا و مجارستانك اك معمور و اك متمدن یریدر. ایپك، یوك و كتندن معمول غایت نفیس اقمشۀ مختلفه ایله انواع آلات وادوات و ماكینه لر اعمالی و مطبعه جیلق صنعتی پك ایلریلمشدر.‌ كاغد، جام، آبینه، شكر، كاغد و بیره فابریقه لریله دمیر خانه لری مشهوردر. ویانه یالكز آوستریا ایچون دكل، بلكه بتون عالم ایچون بر صنایع و تجارت مركزیدر. ایچون كچن طونه نهریله هر طرفه تشعب ایدن دمیر یول خطلری تجارتنی تسهیل ایدیورلر. بو ایالت دخی وقتیله ٣ سنجاغه منقسم بولنمش ایكین، الیوم ٢١ قضایه تقسیم اولنمشدر. بو قضالرك اوچی ویانه ایله بونك جوارلرندن عبارت اولمغله، ایالتك مجموع اهالیسنك نصفنی حاویدرلر. مركزی پایتخت سلطنت اولان ویانه شهری اولوب، ١۰٣٨٥٧ ١ اهالیسی واردر.