Autriche - آوستريا

دولتی یاخود آوستریا و مجارستان آوروپای وسطی یی تركیب ایدن دولتلردن اولوب، دول معظمۀ سبعه نك بریدري كه بر طاقم ادارات مختاره یی دخی جامع اولان نفس آوستریا ایمپراطورلغیله مجارستان قراللغندن مركبدر. موقعی، حدود و مساحه سی. _ اوستریا و مجارستان دولتی، بری (تیرول) نامیله غربه ودیكری (دالماچیا) نامیله جنوبه طوغری اوزانان ایكی چیقنتیدن صرف نظر اولندیغی حالده، بیوك بر مستطیل شكلنی ابراز ایدیور، كه طولی غربدن شرقه ممتد اوله رق، ْ١۰ ایله ْ٢٤ طول شرقی آره سنده و عرضی جنوبدن شماله اوله رق، ْ٤٥ ایله ْ٥١

عرض شمالی بیننده در. لكن تیرول خطه سی حدود غربیه سنی َ١٢ ْ٧ طول شرقی یه ودالماچیا دخی حدود جنوبیه سنی َ١۰ ْ٤٢ عرض شمالی یه قدر ایصال ایدیور. بو دولتك غربدن شرقه اولان طول اعظمی ١٣۰۰ اولوب، دالماچیانك منتهای جنوبندن چهستانك حدود شمالیه سنه قدر اولان عرض اعظمی دخی ١١۰۰ كیلومتره ایسه ده، عرض وسطیسی ٦۰۰ كیلومتره دن زیاده دكلدر. مساحۀ سطحیه سی ۰٤٥ ٦٢٤ مربع كیلومتره در. آوستریا دولتی شرق شمالی جهتندن روسیه ایله؛ شمالاً پروسیه ایله؛ شمال غربی جهتندن آلمانیا (یعنی ساقسه وباویره قراللقلریله) ؛ غرب جنوبی طرفندن اسویچره و ایتالیا ایله؛ جنوباً قره طاغ، دولت عثمانیه (یعنی بوسنه و هرسك) وصربیه ایله؛ جنوب شرقی طرفندن دخی رومانیا ایله محدود و محاطدر. حدودینك اكثریسی طبیعی اولوب، شمالاً پروسیه و آلمانیادن چهستان طاغلریله، غرباً اسویچره وایتالیادن تبرول طاغلریله، جنوباً دولت عثمانیه دن دلماچیا طاغلریله و (صاوه) نهریله، صربیه دن ینه صاوه و طونه نهرلریله، رومانیادن (قارپات) سلسلۀ جبالیله آیرلمش ؛ ویالكز شرقاً روسیه دن حدود طبیعیه ایله تفریق اولنمامشدر. شكل طبیعیسی، طاغلری. _ آوستریایی احاطه ایله حدودینی آیران قارپات، ارزكبیركه، و همنوالد (یعنی چهستان طاغلری ) و آلب جبالندن بشقه، مختلف استقامتلرده مملكتی شق ایدر بر چوق طاغلر دها واردر. عمومیت اوزره آوستریانك اوچ ربعی طاغلق یرلردن عبارت اولوب، اك زیاده طاغلق جهتلری : تیرول، نفس آوستریانك یعنی آوستریا دوقه لغنك قسم جنوبیسی، سالسبورغ، استیریا، قارنیوله، قارینتیا، خرواتستان، دالماچیا، ترانسلوانیا (یعنی اردل) و مجارستانك قسم شمالیسیدر. بو طاغلر باشلیجه ایكی طاقمه یعنی آلپ وقارپات طاقملرینه منسوب اولوب، آلپ طاقمنك نصفی وقارپات طاقمنك همان بتون آوستریا طوپراعی داخلنده بولنیور. آلپ سلسله سی آوستریانك غرب جهتنده هر طرفه بر طاقم قوللر صالیور؛ وقارپات سلسله سی بر بیوك نصف داىٔره صورتنده اوله رق، شرق جهتنی احاطه ایدیوسیلسیا وچهستان طاغلری ایسه ایكنجی درجه ده در.

و (دونایك) نهرلرندن عبارتدر. بحر شمالی یه دوكیلن صولری چهستاندن نبعان ایدن (البه) ایرماغیله اوكا منصب اولان (زاساوه)، (مولداو) و (براون) نهرلری و (قونستانسه) كولی واسطه سیله رینه دوكیلن بر ایكی كوچك نهردن عبارتدر. آدریاتیق دكیزینه دوكیلن صولری دخی تیرولدن نبعان ایدن آدیج ایرماغیله ایستریا، خرواتستان و دالماچیانك مذكور دكیزه ناظر اولان طار ماىٔله لرندن آقان بر طاقم كوچك نهرلردر. آوستریا طوپراغنك لااقل بش سدسی ایسه قره دكیزه منصب اولان طونه نك حوضه سنه تابع اولوب، بو بیوك ایرماغه آوستریا و مجارستانك هر طرفندن كلن بر چوق نهرلر دوكیلور، كه بونلرك اك بیوكلری : شمالدن یعنی صول طرفندن موراویادن اینن (موراوه) ایله مجارستاندن اینن (واغ) ، (غران)، و (تیسا) ؛ و جنوبدن یعنی صاغ ساحلندن دخی طونه نك اصل رأسی اولان (این) دن بشقه آوستریا دوقه لغندن اینن (انس)، نفس آوستریایی آیران (لیتا) و دها آشاغیده (راب) ، (دراوه) و (صاوه) نهرلریدر. طونه ایرماغی آوستریانك منتهای غربندن شرقه طوغری جریانله، ویانه نك یانندن كچه رك، مجارستانه دخول ایله، بر خیلی مسافه ده بو استقامتی محافظه ایتدكدن صكره، جنوبه طوغری دونوب، پشته نك اورته سندن مرور ایله، صربیه حدودینه واصل اولنجه، ینه شرقه طوغری دونه رك، ابتدا آوستریا ایله صربیه، بعده رومانیا ایله صربیه وبلغارستان آره سندن آقوب، قره دكیزه منصب اولور. آوستریاك اك بیوك كوللری مجارستانك غرب جهتنده اولان (نایسیدل) ایله (بالاتون) كوللریدر، كه برنجیسی ویانه نك قربنده اولوب، قسم كلیسی قورودلمشدر؛ ایكنجیسی ایسه جنوبه طوغری اولوب، خیلی دها واسعدر. بو كوللر پك بیوك ایسه لرده، تیرول ایله سالسبورغ ویوقاری آوستریاده كی كوچك كوللر قدر درین، براق و كوزل دكللردر. سواحلی، جزایری، كورفز و لیمانلری. _ آوستریانك ساحلی پك آز اولوب، آدریاتیق دكیزنده ایتالیا حدودندن قره طاغ حدودینه قدر اولان ایستریا، خرواتستان ودالماچیا سواحلندن عبارتدر. ایستریا خطه سی بر شبه جزیره صورتندن عبارتدر. ایستریا خطه سی بر شبه جزیره صورتنده آدریاتیق دكیزینك منتهای شمالنده (قارنرو) ایله (تریسىٔه) كور- ٣١

آوستریا طوپراغنده كی آلپ طاغلرینك اك یوكسكلری (اورتلر) ایله (غلوقنر) طاغلریدر، كه برنجیسی تیرولده (آدا) ایله (آدیج) نهرلرینك منبعلری قربنده اولوب، ٣٩۰٦ متره ارتفاعی واردر؛ ایكنجیسی تیرول ایله سالسبورغ وقارپنتیا حدودنده و (دراوه) نهری منبعنك قربنده اولوب، ٣٧٩٦ متره ارتفاعنده در. قارپات سلسله سنك اك بیوك طاغی (تاتره) دنیلن طاغ اولوب، بونك (كرلسدورف) تسمیه اولنان ذروه سی ٢٦٤٧ ارتفاعنده در. چهستان طاغلرینك ایسه اك مرتفعی (سودته) سلسله سنه منسوب و چهستانله موراویا و سیلسیا حدودنده واقع (اشنقوپه) طاغی اولوب، یالكز ١٦۰١ متره ارتفاعی واردر. بو طاغلرك آره لرنده غایت كوزل بر طاقم وادیلر وبایرلر بولنیور، كه لطافتلریله مشهور اولوب، آوروپاده امثالی نادردر. اصل اووه لری ایسه آوستریانك بر ربعی وسعتنده اولوب، اوچه منقسمدر : برنجیسی آشاغی مجارستان اووه سیدر، كه قارپات سلسله سنك جنوبنده اولوب، بو سلسله نك اتكلریله آلپ طاغلرینك اك شرقی اتكلری آره سنده واقع واسع بر اووه اولوب، اكثر طرفلری منبت و محصولدار ایسه ده، سطحی پك آلچق اولدیغندن، بر چوق بطاقلقری وزرعه غیر صالح جهتلری ده واردر، وطغیان میاه وقوعنده بعض طرفلری صو آلتنده قالیر. ایكنجیسی غالیچیا اووه سیدر، كه قارپات طاغلرینك شرق شمالی جهتنده اولوب، روسیه دن حدود مفروضه ایله آیرلمش اولمغله، هر جهتجه روسیه اووه لرینه مشابهدر. اوچنجیسی چهستان و موراویا اووه لریدر، كه سطحلری خیلی مرتفعدر. نهرلریله كوللری. _ آوستریا طوپراغندن آقان صولر درت حوضه یه منقسم اولوب، بر طاقمی بالطیق دكیزینه، بر طاقمی بحر شمالی یه، بر طاقم آدریاتیقه و بر طاقمی دخی قره دكیزه منصب اولیورسه ده، بو تقسیم مساوات اوزره اولمیوب، مملكتك قسم كلیسی قره دكیز حوضه سی داخلنده بولندیغی حالده، یالكز كوشه وكنارلرینك صولری ذكر اولنان دیكر اوچ حوضه یه تابعدر. بالطیق دكیزینه دوكیلن صولری غالیچیانك جهت غربیه سنده نبعان ایدن (ویستوله) ایرماغیله اوكا منصب اولان (سان)، (ویسلوقه)

اوزوم یتیشیر یرلری پك آزدر. درجۀ حرارتك حد وسطیسی ٧ ایله ٩ آره سنده در. آنجق بو منطقه لردن هربرینك هواسی محلنك ارتفاعنه كوره تحول ایدوب، یوكسك محللرده قیشلر دها اوزون و محصولات دها آز، و آلچق یرلرده هوا دها معتدل و محصولات دها چوق و دها متنوع اولور. اكثر طرفلری اورمانلری دخی حاوی اولوب، یالكز دالماچیا واستریا طرفلریله مجارستان اووه سی اورماندن خالی و چبلاقدر. محصولات و حیوانات منابع ثروتی. _ آوستریا و مجارستان دولتی یوقاریده صاییلان محصولات متنوعه یی ویره بیلیر اراضیٔ واسعه یی، غایت كوزل مرعالری و پك چوق اورمانلری حاوی بولنمغله، حیوانات و محصولاتجه كندینی اداره ایتدكدن صكره، طیشاری یه دخی اخراج ایتمسی طبیعیدر. آنجق بو مملكتك منابع طبیعیۀ ثروتندن بو وجهله استفاده سی یكرمی یكرمی بش سنه دن بری اولوب، اوندن اول كندی اداره سیچون باشلیجه ممالك عثمانیه دن كلتیلی حبوبات و حیوانات آلیر، و روسیه نك آتلرینه دخی اظهار احتیاج ایدردی. لكن بو صوك سنه لرده زراعته، حیوانات یتیشدیرمسنه، معادنك اخراجنه، اورمانلرك حسن اداره سیله كراسته قطعنه او قدر سعی و غیرت اولنمشدر. كه مملكت ادارۀ داخلیه سیچون بو كبی شیلره متلعق پك آز ادخالاته محتاج اولدیغی كبی، پك چوق حیوانات و كراسته وساىٔره دخی اخراج ایدر. ١٨٦٩ تاریخنده بتون آوستریا ممالكنده ٣ ملیون آت، ١٤ ملیون صیغیر و ١٥ ملیون اغنام وار ایدی. او وقتدن بری بوعددلرك تضاعف ایتمش اوله جغی شبهه سزدر. آتلرینك اك كوزللری غالیچیا ایله ترانسلوانیاده یتیشنلر اولوب، اك قو تلیلری و سواری عسكریچون قوللانیلانلری دخی نفس آوستریانك كیلردر. صیغیر وقویونلرینك جنسی دخی پك اییدر. اك زیاده آری یتیشدیریلوب بال چیقاریلان مملكت (قارینتیا) ، و اك یاده دود آغاجی یتیشدیریلوب ایپك چیقاریلان محللر دخی تیرولك جهت جنوبیه سیله آدریاتیق سواحلیدر. نهرلرله كوللرده و آدریاتیق سواحلنده پك چوق بالیق چیقار، و طاغ و اورمانلرنده كیك، قره جه، طاغ كچیسی، آیی، طوموز، تیلكی وساىٔر انواع حیوانات صیدیه بولنور. مجارستان شرابندن كلیتلی مقدار اخراج اولنور.

فزلری آره سنده واقعدر. بو سواحلده آوستریانك اك بیوك و اك مهم اسكله سی تریسته اولوب، (پوله) دخی دوننماسنك مركزی اولمغله، ترسانه سی اوراده در. قتارو، راغوزه وزاره اسكله لری دخی برنجی درجه ده مواقع مستحكمه سندندر. دالماچیا ساحلنك قارشیسنده بیوك و كوچك بر چوق آطه لر بولنیور، كه باشلیجه لری‌ : و لیا، كرسو، پاغو، لونغه، براچه، لسینا، قورزوله و ملدا آطه لریدر. هواسی. _ آوستریا ممالكی خیلی واسع اولوب، مختلف عرضلرده بولندیغندن، هواسنك دخی اوكا كوره اختلافی طبیعیدر. هواجه آوستریا ممالكی عمومیت اوزره اوچ منطقه یه منقسم اولوب، برنجی منطقه ْ٤٢ ایله ْ٤٦ عرض شمالی آره سنده اولان جنوب جهتیدر، كه آدریاتیق دكیزی ساحلنجه قتارودن تریسته یه قدر ممتد اولوب، دالماچیا، ایستریا، اسقلاوونیا، خروتستانك قسم جنوبیسی وتیرولك اهالیسی ایتالیان اولان جنوب جهتی ممالكنی جامعدر. بو منطقه ده قیش قیصه و معتدل اولوب، حبوبات متنوعه ایله زیتون، دود، اوزوم، انجیر، پرنج، مصر وساىٔر بعض جنوب محصولات حاصل اولور. درجۀ حرارتك حدوسطیسی محلنه كوره ١٢ ایله ١٥ آره سنده در. _ ایكنجی منطقه ْ٤٦ ایله ْ٥۰ عرض شمالی آره سنده اوله رق، آدریاتیق دكیزینك منتهای شمالندن قارپات طاغلرینك شمالی صرتنه قدر ممتد اولوب، قارنیوله، قارینتیا، استیریا، تیرولك اهالیسی آلمان اولان قسم شمالیسی، سالسبورغ، نفس آوستریا، مجارستان، ترانسلوانیا، بوقووینه، غالیچیانك‌ قسم اعظمی، موراویا، سیلسیانك بر قسمی و چهستانك نصفی بو منطقه یه داخلدر. بو منطقه ده قیشلر دها اوزون و دها شدتلی اولوب، بغدای وساىٔر حبوباتله مصر و توتون حاصل اولور، و بعض طرفلرنده انواع میوه لرله غایت كوزل باغلر بولنور. درجۀ حرارتك حد وسطیسی ٩ ایله ١٢ آره سنده در. _ اوچنجی منطقه ْ٥۰ عرض شمالیدن یوقاری اولان اقطار شمالیه یی یعنی چهستانك نصفیله سیلسیا وغالیچیانك قسم شمالیلرینی شامل اولوب، اورالرده قیش زیاده سیله اوزون و شدتلی اولور، و حبوبات پك سیرك اولوب، اصل محصولاتلر كتن و كنویرله اقالیم شمالیه یه مخصوص بعض میوه لردن عبارتدر؛

آوستریا و مجارستانك تا اورته سندن كچن طونه نهریله ممالكك هر طرفنه تمدید ایدلمش اولان دمیریوللر تجارتنی تسهیل، وزراعت وثروتنك تزایدینی انتاج ایتمكده در. آوستریا معادننك اك باشلیجه سی دمیر اولوب، بو دولتك همان هر مملكتنده بولنمقده در. مشهورلری استریا، قارینتیا، چهستان، موراویا، مجارستان و ترانسلوانیاده در. دمیردن صكره اك چوق چیقان معدنلری طوزله كمور اولوب، دكیز طوزی باشلیجه استریاده چیقاریلیر، وغالیچیا ایله مجارستان وترانسلوانیاده دخی كلیتلی قیا طوزی بولنور. كمور معدنلرینك باشلیجه لری چهستانله موراویا، استریا، قارنیوله وغالیچیاده و نفس آوستریا یوقاری جهتنده بولنور. مجارستانله ترانسوانیاده آلتون و كومش و چهستانده یالكز كومش معدنلری واردر. ترانسلوانیاده ییقامغله اخراج اولنور آلتون توزی دخی بولنور. ینه مجارستانله ترانسلوانیاده باقیر، قارینتیا و چهستانده قورشون، قارنیوله ده جیوه، غالیچیاده كو كورد، و اكثر طرفلرده مرمر وساىٔر یایی طاشلریله وساقسونیه وساىٔره اعمالنه مخصوص طوپراقلر واردر. اهالیسی، جنسیت ولسانلری. _ تبعه سی بیننده اك چوق اجناس مختلفه یی جامع اولان بر دولت وار ایسه اوده آوستریا و مجارستان دولتی اولوب، بو دولتك ممالكنده، روایته كوره، یكرمی لسان سویلنمكده در. اهالینك قسم اعظمی اسلاو، آلمان و مجار اوله رق اوچه منقسم اولوب، بونلردن اسلاولر بر چوق شعبه لره منشعب بولندقلری كبی، لاتین زمره سنه ویا وساىٔر زمره لره منسوب بر چوق متفرق قوملر دخی بولنیور. بو دولتك مجموع اهالیسی ۰۰۰ ٣٧٨٨٣ كشی اولوب، بونلرك ۰۰۰ ١٤٢ ٢٢ ی آوستریا ده، و ۰۰۰ ١٥٧٤ ی دخی مجارستانده بولنیور. جنسیتجه اكثریت اسلاولرده اولوب، اون یدی بچق ملیوندن زیاده سی یعنی مجموعنك نصفنه قریب مقداری اسلاو، اون ملیونه قریب مقداری آلمان، آلتی ملیوندن زیاده سی مجار، اوچ ملیونه قریب مقداری رومان وبر ملیوندن زیاده سی دخی اقوام مختلفه دن مركبدر. بو وجهله آلمانلرله مجارلرك مجموعی اسلاولرك مقدارینه مساوی اوله مدیغی حالده، برنجی درجه ده ملت حاكمه آلمانلر و ایكنجی درجه ده دخی مجارلر او-

لوب، اسلاولر ایسه ملت محكومه حالنده بولنیورلر. اهالىٔ مذكوره نك مفرداتی وجه آتی اوزره در : ٢٣٥ ٨٩١ ٩ آلمانلر ٧٥٩ ٢١٦ ٦ مجارلر ٤٧١ ٦٩٨۰ چهلیلر ٥٣٤ ٢٣٨ ٣ لهلیلر ٨٥٤ ٢٣٧ ٣ روتنلر ٣٦٢ ٩٨٩ ٢ صربلی وخرواتلر ٤٥٤ ٢٢٣ ١ اسلوونلر ٦٧٥ ٦٦٩ ١٧ جمعاً اسلاولر ٦٣٧ ٨١٢ ٢ رومانلر ٦٣٣ ٦٦٨ ایتالیان ولادینلر ٦٢٤۰۰۰ چنكانه، ارمنی، آرناؤد، اولاخ وساىٔره ٩٣٩ ٨٨٢ ٣٧ جمعاً آوستریا و مجارستان اهالیسی آلمانلر آوستریانك غرب جهتنده یعنی نفس آوستریا دوقه لغیله استیریا وقارینتیاده وتیرولك قسم شمالیسیله چهستانك آلمانیا ایله همحدود اولان شمال و غرب طرفلرنده مجتمع صورتده بولنوب، مجارستان، ترانسلوانیا، موراویا، و خرواتستانده دخی طاغنیق صورتنده آلمان اهالی یه تصادف اولنور. مجارلر مجارستانده بولنوب، آنجق ایچلرینه بر چوق آلمان ، رومان و صربلی اهالی دخی قاریشمشدر. اسلاولر ایكی یه یعنی شمال اسلاولریله جنوب اسلاولرینه منقسم اولوب، آلمانلرله مجارلر ورومانلر اسلاو زمره سنك بو ایكی طاقمی آره سنده حاىٔل اولمقده در. شمال اسلاولری اون ایكی بچق ملیون قدر اولوب، چهلیلرله لهلیلردن وروسلرله قرابت جنسیه لری اولان روتنلردن عبارتدرلر. جنوب اسلاولری ایسه درت بچق ملیون قدر اولوب، صربلی، خروات و اسلوونلردن عبارتدرلر. رومانلر ترانسلوانیا یعنی اردلده بولنوب، قارپات سلسلۀ جبالنك صیرتلریله همجنسلری اولان افلاق و بغدان رومانلرندن آیرلمشدرلر؛ بینلرنده خیلی مجار و آلمان اهالی دخی بولنیور. ایتالیانلر و ایتالیانجه یه قریب (لادین) دنیلن لسان كبی بعض لسانلرله متكلم اولان اهالی دخی تیرولك قسم جنوبیسیله ایستریانك قسم غربیسنده یعنی تریسته جوارلرنده بولنیورلر. آرناؤدلر دالماچیانك شمالنده (زاره) جوارلرنده، ارمنیلر غالیچیا و ترانسلوانیاده، چنكانه لر دخی ترانسلوانیا و مجارستانده بولنیورلر. دینجه آوستریا و مجارستان اهالیسنك قسم كلیسی

بیوك قریه و ٧٥٦ ٦٥ كوی موجود اولوب، اللی بیكدن زیاده اهالیسی اولان شهرلری بروجه آتیدر : ویانه (پایتخت) ٨٥٧ ١۰٣ ١ پشته (مجارستانك مركزی) ٥٥١ ٣٦۰ پراغه (چهستانك )) ) ٣٢٣ ١٦٢ لمبرغ (غالیچیانك )) ) ٧٤٦ ١۰٩ غراچ (استیریانك )) ) ٧٩١ ٩٧ برون (موراویانك )) ) ٦٦۰ ٨٢ تریسته (ایستریانك )) ) ٥٤٤ ٧٤ سكدین (مجارستانده) ٦٧٥ ٧٣ قراقوویا (غالیچیاده) ۰٩٥ ٦٦ ماریا ترزیوپول (مجارستانده) ٣٦٧ ٦١ دبرسین (كذا) ١٢٢ ٥١ هولدمزوواسارلی (كذا) ٩٦٦ ٥۰ معارف ومكاتبی. _ آوستریا دولتی یقین وقتلره كلنجه یه در معارف وفنونده پك كری قالمشیدیسه ده، بوصوك زمانلرده ترقیٔ معارفه زیاده سیله سعی و غیرت ایدوب، علی الخصوص نفس آوستریا ایله چهستان و موراویاده معارف خیلی ترقی ایتمشدر. میلادك‌ ١٨٦٨ تاریخنده یعنی بوندن یكرمی سنه اول آوستریا و مجارستانده ۰۰۰ ٣٢ مكتب بولنوب، ٢ ملیون شاكردان بو مكتبلره دوام ایدیوردی. بو مكتبلرك ٢٢۰ سی مكاتب اعدادیه دن اولوب، ۰۰۰ ٥٥ شاكرادانی جام ایدیلر. ویانه، پراغه، قراقوویا، پشته، غراچ و اكزرنوویج دار الفنونلرنده علوم و فنونك كافۀ شعباتنه مخصوص داىٔره لر بولندیغی كبی، لمبرغ واینسبورغ دارالفنونلرنده دخی فنونك اكثریسی تدریسی اولنور. ویانه، پراغه، برون وساىٔر بعض شهرلرده دخی مكتب صنایعلر واردر. ویانه ده بش عدد آقادمیا یعنی آنجمن معارف ایله السنۀ شرقیه یه مخصوص بر جمعیت وبر جغرافیا جمعیتی ایله متعدد جمعیات وساىٔر مؤسسات علمیه واردر. صنایع و تجارتی.‌ _ آوستریا دولتنده صنایع متنوعه خیلی ترقی ایتمش اولوب، اك زیاده ایشلنین شیلر مواد آتیه دن عبارتدر : اولاً، دمیرك اذابه و استحصالیله دمیردن معمول انواع ماكینه لر و آلات وادوات، كه باشلیجه استیریا وقارینتیا ایله نفس آوستریا و چهستان و موراویاده اعمال اولنور؛ ثانیاً، جامدن معمول انواع شیلر، كه اك اییلری و اك چوقلری چهستانده یاپیلیر؛ ثالثاً، یوكدن معمول چوقه وقازمیر وقاستور كبی انواع اقمشه، كه باشلیجه

یعنی یكرمی طقوز بچق ملیونی قتولیك، اوچ ملیونه قریب

فابریقه لری چهستانله موراویا وسیلسیاده در ؛ رابعاً، كتن و كنویر بزلری، كه باشلیجه شمال طرفلرنده یعنی چهستان، موراویا و سیلسیاده كرك ال ایله و كرك ماكینه ایله یاپیلوب، غالیچیا ایله بوقووینه ده مجارستانك بعض جهتلرنده‌ دخی كتن و كنویر ایپلیكلری بوكیلور؛ خامساً، پاموق ایپلیكیله پاموقدن معمول بزل وساىٔره، كه باشلیجه چهستان، موراویا و سیلسیا ایله وورالبرغده یاپیلوب، بو صنعت كوندن كونه ترقی ایتمكده در؛ سادساً، پنجار شكری، كه باشلیجه چهستان، موراویا، سیلسیا و مجارستانده چیقاریلیر. ذكر اولنان آلتی نوع معمولاتدن بشقه پورسلین، اجزای كیمیویه، كبریت، بیره، مسكرات، توتون و چیغاره، كاغد فابریقه لریله دباغخانه لر كبریتلری همان دنیانك هر ظرفنه اخراج اولنور. كاغدلری دخی كوندن كونه ترقی ایتمكده اولوب، باشلیجه فابریقه لری چهستان و آشاغی آوستریا ایله استیریاده و فیومه شهرنده در. آوستریا و مجارستان دولتنك بیوك شهرلرنده پك ایشلك بر تجارت اجرا اولندیغی كبی، تریسته و فیومه قصبه لری دخی بیوك بر تجارت بحریه مركزلریدر. ممالك اجنبیه ایله اولان معاملات تجاریه سی اوچ طریقله اجرا اولنوب، بونلرك برنجیسی تریسته وساىٔر آدریاتیق اسكله‌ لری، ایكنجیسی آلمانیایه كیدن دمیر یوللر، اوچنجیسی ده طونه طریقیدر. بو دفعه شرق دمیر یوللرینك التصاقی ختام بولمغله، سلانیك واستانبوله طوغری بر دردنجی طریق تجارت دخی آچلمشدر. اخراجاتنك باشلیجه لری دمیردن معمول مواد متنوعه، یوكدن معمول چوخه وقازمیر كبی قماشلر، كتن و پاموقدن بزلر، آغاجدن معمول شیلر، كراسته، یپاغی، كاغد و جامدن معمول شیلردر. ادخالاتی باشلیجه اقالیم حاره دن كلن محصولات متنوعه، آوروپانك جنوبنه مخصوص میوه لر، زیتون یاغی، چوید، پاموق و ایپكدر. اخراجاتی یدییوز، وادخالاتی آلتیوز ملیون فلورین قیمتنده در. اخراجاتك بو وجهله ادخالاتدن یوز ملیون فلورین زیاده اولمسی مملكت ایچون بر منبع ثروتدر. آلتون و كومش كبی ذی قیمت معدنلر بو حسابه داخل دكلدر. آوستریا دولتنك سفاىٔن تجاریه سی ٣٩٣ ی اوزون سفرلر ایدر جسیم، ١٨۰٢ سی كوچك و ٧١٧٣ ی

ده بالیقجی كمیسی وماىٔونه دن عبارت اولمق اوزره، جمعاً ٩٣٦٨ قطعه اولوب، بونلرك‌١٤٣ ی واپور، و ٩٣٦٨ قطعه اولوب، بونلرك ١٤٣ ی واپور، و ٩٢٢٥ ی ده یكلن كمیسیدر. مجموعی ٩٨٧ ٣١١ طونیلاته استیعابنده اولوب، ٨٢٩ ٢٨ طاىٔفه یی جامعدرلر. طرق و معابری. _ آوستریا و مجارستان دولتی، اكثر اسباب مدنیتجه اولدیغی كبی، طرق و معابرك مكملیتنجه دخی ایكی یه منقسم اولوب، غرب جهتی دها مكمل، و شرق طرفی نسبةً كریدر. هر حالده شوسه لر اوچ صنفه منقسم اولوب، برنجی صنفی بتون ممالك دولته عاىٔد جاده لر، ایكنجیسی ایالاته عاىٔد عمومی یوللر، اوچنجیسی ده بعض قصبه و قریه لره مخصوص یوللردر. دمیر یوللری دخی چوق اولوب، ویانه شهری مركز اولمق اوزره، هر طرفه و علی الخصوص غرب شمالی یعنی چهستان جهتنه بر چوق شعبه لر اوزانیور. آلمانیا دمیر یوللریله كرك بایره دن و كرك ساقسه وسیلسیادن اختلاط ایدر بر چوق خطلر بولندیغی كبی، ایتالیا ایله دخی بری تیرولدن و دیكری تریسته دن اختلاط ایدر ایكی خط واردر؛ روسیه دمیر یوللریله دخی ایكی خط اختلاط ایدوب، بری اكزرنوویچدن كچیور، و دیكری لمبرغرن تشعب ایدیور؛ صربیه، بلغارستان و ممالك عثمانیه ایله دخی بو دفعه ختام بولان و درسعادته قدر واصل اولان بیوك به‌ خطه اختلاط ایتدیكی كبی، بوسنه و هرسكك ایچندن تمدید ایدلمش اولان حطلر دخی قریباً بو خطله التصاق كسب ایده جكلردر. آوستریا و مجارستان طوپراغنده كی دمیر یوللرك مجموعی ٢٢٩٧۰ كیلومتره طولنده اولوب، ٦١٨ ١٣ كیلومتره لكی آوستریاده، و ٩٣٦٨ كیلومتره لكی مجارستانده در. مجموعنك ٧٨٣٩ كیلومتره لكی دولتك مالی اولوب، دولت طرفندن اداره اولنمقده در؛ ٨٤ كیلومتره لكی ینه دولتك مالی اولوب، اداره سی شركتلره احاله اولنمشدر؛ ١٩٩٢ كیلومتره لكی شركتلر مالی اولوب، دولت طرفندن اداره اولنیور؛ ١٣۰٥٥ كیلومتره لكی دخی شركتلر مالی اولوب، ینه شركتلر طرفندن اداره اولنمقده در. طونه نهری آوستریا و مجارستانك اورته سندن كچمكله داخلی بر طریق بحری اولدیغی كبی، صربیه، رومانیا، بلغارستان وقره دكیزله دخی واسع بر

طریق اختلاط وتجارتدر. طونه نك تابعلرندن اولان تیسا، صاوه ودراوه نهرلری دخی بوینه سیر سفاىٔنه صالح اولدقلرندن بو طریقك نشعب و توسعنه مدار اولیورلر. البه، اولناوه، اودر و ویستوله نهرلرینك دخی باشلری آوستریا حدودینك داخلنده بولنمغله، سیر سفاىٔنه صالح اولان بو نهرلر آوستریانك آلمانیا ایله اولان طرق اختلاط و تجارتنی تكثیر ایدیورلر. اصول اداره سی. _ بو دولت ایكی هیىٔتدن مركب بر حكومت متفقه دن عبارت اولوب، بو هیىٔتلرك هر بری ده مختاریتله اداره اولنور بر طاقم ممالكدن مركبدر. بو ایكی هیىٔتك بری آوستریا و دیكری مجارستاندر. حكومتلری حكومت مشروطه اولوب، بر حكمدارك زیر جناحنده بولنیورلر، كه (هابسبورغ) خانداننه منسوب اولوب، آوستریایه نسبةً ایمپراطور و مجارستانه نسبةً قرال عنواننی حاىٔزدر. ایالات مختاره دن هر برینك كندینه مخصوص (دیته) تعبیر اولنور بر مجلس منتخبی اولدیغی كبی، آوستریانك ویانه ده و مجارستانك پشته ده برر عمومی مجلس مبعوثانلری و اعضالغی ارثاً انتقال ایدر برر مجلس اعیانلری واردر. امور حربیه ومالیه نك مذاكره سیچون بو ایكی مجلس مبعوثاندن اونوزر اعضا تفریق اولنه رق، مناوبةً ویانه و پشته ده ((مرخصلر مجلسی )) نامیله بر مجلس انعقاد ایدر. بو ایكی هیىٔتك ادارۀ داخلیه لری بسبتون آیری اولوب، یالكز امور خارجیه و عسكریه ومالیه لری مشترك اومغله، ایمپراطورك شخصندن صكره دولتك هیىٔت مجتمعه سنی تشكیل ایدن و كلا خارجیه و حربیه و ومالیه ناظرلرندن عباتدر. قوۀ بریه و بحریه سی. _ آوستریا و مجارستان دولتنك قوۀ بریه سی وقت حضرده ٧٦١ ٢٧١ نفر، ٨٤٥ ١٨ ضابط، ٢۰۰ بطاریه طوب، ٣٦٢ ٥۰ آتدن عبارت اولوب، ٤٥۰ طابور، ١٨٧ مستقل بلوك و ٣٢٣ سواری بلو كی تشكیل ایدیورلر. وقت سفرده قوۀ بریه سی ٢٩٦ ٥٣٣ ١ نفر، ٧٧٤ ٤٣ ضابط، ٢١٥ بطاریه طوپ و ۰٣٤ ٢١٧ آتدن عبارت اولوب، ١۰١٨ طابور، ١٤٩ مستقل بلوك و ٥۰٤ سواری بلوكی تشكیل ایدر. آوستریا و مجارستان عسكری عساكر

نظامیه ایله (لاندوهر) یعنی ردیف و (لاندستورن) یعنی مستحفظ عسكرینه منقسمدر. قوۀ بحریه سی ١۰٦ سفاىٔن حربیه دن عبارت اولوب، بونلرك یالكز اونی یلكن كمیسی و قصوری و اپوردر. مجموعی ٤٣۰ ١٢٤ طونیلاته استیعابنده و ٨١١ ٢٣ بیكیر قوتنده اولوب، ٢٩٥ طوپ و ١١۰٢٦ طاىٔفه یی حاملدرلر. بحریه ضابطانی ٣ فریق (ویس آمیرال) ، ٨ لوا (قونتر آمیرال) ، ٢۰ میرالای (كمی قپودانی) ، ٢٤ قاىٔممقام (فرقتین قپودانی) ، ٢١ بیكباشی (قوروته قپودانی) وساىٔره دن عبارت اولوب، میرآلایدن آشاغی اولان ضابطانك عددی وقت سفرده همان بر مثلی نسبتتنده تزیید اولنور. احوال تاریخیه سی . _ آوستریا و مجارستان ممالكی ازمنۀ قدیمه ده همان بسبتون مجهول اولوب، غرب جهتی یعنی نفس آوستریا ایله مجارستانك قسم غربیسی (پانونیا) ، و مجارستانك قسم شرقیسی دخی (داكیا) یه داخل عد اولنوردی. رومالیلر میلادك ٣٣ تاریخنده و (تیبر) ك زمان حكومتنده آوستریانك (نوریق) تسمیه ایتدكلری غرب جنوبی قسمنی ضبط ایتمشلردر. بعده بتون آوستریا و مجارستان ممالكی هون، اوستروغرب، بویان، واندال، لونغوبارد باملریله شمال شرقیدن هجوم ایدن اقوام و حشیه نك الینه چكه رك، بر خیلی وقت بونلرك تخریباتنه میدان اولدقدن صكره، اقوام تورانیه دن (اوار) دنیلن بر قوم و حشینك الینه كچمش، و بر مقداری ده باویره جرمانلری طرفندن ضبط اولنمشیدی. شارالمانك زماننه قدر بو حالده قالدقدن صكره، میلادك ٧٩٩ تاریخنده شارالمان آوارلری شرقه طوغری پوسكورته رك، آوستریانك غرب جهتنی ضبط و (استرریخ) یاخود (آوستریا) یعنی ((شرق دولتی)) نامیله بر حكومت تابعه صورتنه قومشیدی. متعاقباً شرقدن مجارلر هجوم ایدوب، آوستریانك شرق جهتنی ضبط ایتدكلرندن، ٩٢٨ تاریخ میلادیسنده فرانقلر حمداری، مجارلرك توسعنه مانع اولمق ایچون، آوستریایی نیم مستقل بر اداره حالنه قومش؛ و ٩٨٢ ده حكمدار ایكنجی (اوتون) بونك ماركیلكنی (بانبرغ) خانداننه منسوب (لىٔوپولد) ە تفویض ایتمشیدی.

بونك نسلی آوستریاده ابتدا ماركیلك، و ١١٥٦ تاریخنده اعتباراً دوقه لق عنوانیله حكومت سوردكدن صكره، ١٢٤٦ تاریخ میلادیسنده بو خاندان منقرض اولمغله، آوستریا انتدا ایكنجی فردریقك، و بعده ١٢٥١ ده چهستان حكمداری (اوتوقار) ە و بوندن صكره ده آلمانیا ایمپراطوری (هابسبورغ) خانداننه منسوب رودلفك ضبطنه كچمكله، بو دخی ٢٨٢ ١ ده اوغلی (آلبرت) ە بخش ایتمشدر. آلبرتك نسلی ١٤٥٣ تاریخنه دك آوستریاده دوقه لق عنوانیله حكم سوردكدن صكره، تاریخ مذكورده (آرشیدوق) یعنی ((باش دوقه )) عنواننی آلمشلردر. هابسبورع خاندانی افرادندن بر قاچ كشی آلمانیا ایمپراطورلغنه انتخاب اولنمش اولدقلری كبی، ١٤٣٨ تاریخنده ایكنجی آلبرتك جلوسندن اعتباراً آلمانیا ایمپراطورلغی بسبتون بو خاندانه انتقال ایتمشدر. او وقت آوستریا خیلی توسع ایدوب، استیریا ایله قارنیوله یی وها بسبورغ خانداننك رىٔیسی اولان رودولفدن میراث قالمش اولان آلساس و سو آب ایله اسویچره یی دخی جامع ایدی. بعده ١٥۰٧ ده اسویچره كسب استقلال ایدوب، آیرلمشدر. ماقسیملیانك بورغونیه لی ماریه ایله ازدواجی اوزرینه، فلمنك ایله بورغونیه نك بر قسمی آوستریا التحاق ایتدیكی كبی، شارل كنیتك تخته جلوسنده دخی اسپانیا ایله اسپانیانك آمریقاده كی مستملكات واسعه سی آوستریا ایله برلشمشیدی. ١٥٢١ ده شارل كینت ایله برادری باش دوقه فردیناندك آیرلمسی اوزرینه، فلمنك ایله بورغونیه اسپانیا ایله برابر شارل كینتك، و آوستریا فردیناندك حصه سنه دوشمكله، مرقوم چهستانی، مجارستانی، موراویایی، سیلسیایی و لوساسی دخی ضبط و آوستریایه الحاق ایتمش ایسه ده، ١٦٤٨ ده واقع و ستفالیه معاهده سی (لوساس) و آلساسی آوستریادن آیرمش؛ و بو ایكی خطه یه مقابل آوستریا متعاقباً ترانسلوانیا یعنی اردل ایله خرواتستانی التحاق ایتمشدر. ١٧١٣ و ١٧١٤ ده واقع اولان (وترخت) و (راستاد) معاهده لریله آوستریا اسپانیا حكمداری ایكنجی شارلك میراثی صورتیله بورغونیه ایله مانتو دوقه لغنی وناپولی ایله ساردنیه یی آلمش، و متعاقباً ساردنیه یی سیچلیا ایله مبادله ایتمشدر. ١٧٣٥ ده سیچلیتینی یعنی سیچلیا ایله ناپولی یی دون قارلوسه ویروب، مقابلنده پارمه،

پلزانسه وغاستاله یی آلمشدر. ١٧٤۰ ده آوستریا خانداننده اركك وارث اولمامغله، صوك ایمپراطورك قیزی (ماریاترزه) وارث سلطنت قالمش؛ و بونك زوجی لورنلی فرانسوآ، بر چوق اختلافاتدن صكره، برنجی فرانسوآ نامیله ١٧٤٥ ده حكمدار طانیلوب، آوستریا و لورن خانداننك مؤسسی اولمشدر. بعده پروسیه ایله واقع اولان یدی سنه لك محاربه ده (١٧٥٦ دن ١٧٦٣ ە قدر) آوستریا سیلسیایی فوت ایتمش ایسه ده، ١٧٧٢ دن ١٧٩٥ تاریخنه دك اجرا اولنان لهستان مقاسمه سنده تلافیٔ مافات ایتمشدر. بو مقاسمه ده غالیچیا ایله لودومیریایی ومؤخراً قراقوویایی دخی التحاق ایتمشدر. ١٧٩١ تاریخندن صكره آوستریا فرانسه یه قارشی تشكل ایدن اتفاقه داخل اولمغله، بوندن زیاده سیله متضرر اولوب، حتی ویانه دخی فرانسوآ آلمانیا ایمپراطورلغندن صرف نظرله، آوستریا ایمپراطورلغی عنوانیله اكتفا ایتمشدر. بیوك بوناپارت آوستریانك آلمانیاده كی ممالكنك اكثریسیله بتون ایتالیاده كی ممالكنك كافه سنی ضبط ایتمش؛ و بوناپارتك مغلوبیتی اوزرینه، ممالك مذكوره آوستریایه اعاده اولنوب، یالكز بورغونیه ایتالیادن وندیك ولومباردیا خطه لری ویرلمشدر. ١٨٤٨ ده آوستریانك هر طرفی آتش اختلال آلتنده قالوب، بر طرفدن مجارلر وبر طرفدن دخی ایتالیانلر عصیان ایتمكله، آوستریا ایتالیانلرك حقندن كله بیلمش ایسه ده، مجارلرله خیلی وقت اوغراشوب، نهایت روسیه نك امدادیله بونلری رام ایده بیلمشدري او وقتدن بری دلكیر قالان مجارلری ممنون ایدوب، كندینه ایصندیرمق ایچون، آوستریا ١٨٦١ ده مجارستانه بر ادارۀ محتاره ویروب، درت سنه صكره امتیازلرینی توسیع ایله مجارستانی شمدیكی حاله كتیرمشدر. ١٨٥٩ ده ساردنیه دولتی طرفندن آوستریانك ایتالیاده كی ممالكنه تجاوز و تعرض اولنمغله، آوستریا بونلری پورسكورتمكه مقتدر اوله بیلمش ایسه ده، فرانسه ایله متفق اولان پیامونته حكومتی طرفندن مغلوب اولوب، (ویلافرانقه) معاهده سیله، لو مباردیایی تركه مجبوراولمشدر. ١٨٦٦ ده بر طرفدن پروسیه وبر طرفدن دخی پروسیه وبر طرفدن دخی ایتالیا ایله محاربه یه كیریشوب، ایتالیانلری كرك براً و كرك بحراً مغلوب ایده بیلمش ایسه ده، صادووه

اولان ویانه ده بولنان ۰۰۰ ٣۰۰ اسلاو استثنا اولندیغی حالده، بتون آوستریا باش دوقه لغنك اهالیسی آلمان ولسانی آلمانجه در. بو خطه ایكی ایالته منقسم اولوب، غرب جهتنده كینه یوقاری، و شرق جهتنده كینه ده آشاغی آوستریا ىٔامی ویرلمشدر. یوقاری آوستریا. _ بو ایالت شمالاً چهستانله، شرقاً آشاغی آوستریا ایله، جنوباً استیریا ایله، غرباً دخی سالسبورغ وباویره ایله محدود و محاط اولوب، مساحۀ سطحیه سی ٩٨٥ ١١ مربع كیلومتره، واهالیسی ٦٢۰ ٧٥٩ كشیدر، كه بهر مربع كیلومتره باشنه ٦٣ كشی دوشیور. اهالیسی كاملاً آلمان وقتولیك اولوب، یالكز ۰۰۰ ١٦ پروتستان واردر. ایالت ١٥ شهر وقصبه یی، ٩١ چارشیلی بیوك قریه یی و ٦٤۰٢ عادی قریه یی جامعدر. اراضیسی طاغلق اولوب، جنوب جهتنده آلپ سلسله سنك و شمال جهتنده دخی چهستان طاغلرینك اتكلری اوزانمقله، دوز یرلری هیچ یوق كبیدر. مركز ایالت اولان (لینچ) شهرینك جوارنده بولنان برتك اووه سی دخی شوره زار حالنده اولوب، آنجق غایت دقتلی بر سعی و غیرت سایه سنده بر آز محصولات ویره بیلیور. اك یوكسك طاغی بو ایالتله استیریا وسالسبورغ حدودینك محل التصاقنده واقع (داخستاین) طاغی اولوب، ١٦٢١ متره ارتفاعی واردر. دیكر طاغلرینك باشلیجه لری (تودس كبیركه) ایله (غروس پریل) و (بورغاس) طاغلریدر، كه ایالتك حدود جنوبیه سنده اولوب، اتكلرندن (تراؤن) و (انس) نهرلرینه منصب اولور بر چوق چایلر آقار. (هاؤ سروقوال) طاغی‌دخی (تراؤن) ایله (این) نهرلرینك مجرالری آره سنده واقع اولوب، اورمانلرله مستوردر. اراضیسنك بر ثلثی مزروع اولوب، باشلیجه بغدای ایله چافدار حاصل اولور؛ بر ثلثی اورمانلرله مستور اولوب، دیكر ثلثنك ده قسم اعظمی مرعادن عبارت ویالكز بر عشری خالیدر. اغنام وساىٔر حیواناتی پك چوقدر. میوه لری باشلیجه الما و آرموددن عبارت اولوب، المالرندن بر نوع اكشی شراب استحصال اولنور. طوز و كمور معدنلری دخی چوقدر. هر طرفنده كوزل وشایان تماشا موقعلری دخی واردر. صنایعی خیلی ایلریلمش اولوب، استیریادن ایندیریلن دمیردن زراعت آلاتیله بیچاق وساىٔره یاپلدیغی كبی،

محاربه سنده پروسیه لیلر طرفندن مغلوب اولوب، پراغه معاهده سیله وندیكی ایتالیایه ترك ایتمكه و آلمانیا حكوماتی اوزرینه اولان حق ریاستدن واز كچمكه مجبور اولمشدر. ماریه ترزه نك زوجی اولان مرقوم برنجی فرانسوآدن صكره ١٨٣٥ ده برنجی فردیناند آوستریا ایمپراطورلغی تختنه اوتورمش؛ و ١٨٤٨ ده فراغت ایدوب، شمدیكی ایمپراطور فرانسوآ یوسف تختنشین اولمشدر.