Alexander Island ~ آلكساندر آطه‌لری
Kamus-ul'Alam - Alexander Island ~ آلكساندر آطه‌لری maddesi. Sayfa: 330 - Sira: 7
Alexander Island - آلكساندر آطه‌لری
آمریقای شمالینك ساحل غربیسی قارشیسنده َ٤۰ ْ٥٤ ایله َ٢٥ ْ٥٨ عرض شمالی آره سنده واقع بر طاقم آطه لردر، كه جنوباً (دیكسون) بوغازیله انكلتره نك النده بولنان (شارلوته) آطه سندن، وشمالاً دخی (غروس سوند) یعنی (بیوك بوغاز) له قره دن آیرلمشلردر. بو آطه لر ١١۰۰ عددنده اولوب، یدیسی خیلی بیوكدر. اك بیوكلری جمله سنك اك جنوبیسی اولان (پرنس دوغال) آطه سی ایسه ده، اك اهمیتلیلری (سیتقا) ونام دیكرله (بارانوف) جزیره سیدر، كه روسیه نك
اداره سی زماننده جزایر مذكوره ایله بتون آلاسقه نك مركزی بولنمش اولان ((یكی آرخانكل )) قصبه سنی حاویدر. بو آطه لر آلاسقه قطعه سیله برابر ١٨٦٧ تاریخ میلادیسنده روسیه طرفندن ممالك مجتمعه یه صاتلمش اولمغله، یكی متصرفلری طرفندن روسیه ایمپراطورینه حرمةً بو اسمله تسمیه اولنمشلردر. بو آطه لرده كی طاغلر داىٔمی صورتده قارله مستور ایسه ده، آلچق جهتلری وساحللری جنوبدن كلن بر صیجاق آقندی سایه سنده او قدر صوىٔق دكلدر. اهالىٔ اصلیه لری آریقانك شمال غربی طرفلرنده بولنان (تلنكیت) قومنه منسوب اولوب، روسلر طرفندن (قولوش) تسمیه اولنمش، و بو اسمله شهرت بولمشلردر.
Kamusul Alam, Şemseddin Sami; Kamusul Alamde Alexander Island maddesi. osmanlıcada Alexander Island ne demek, Alexander Island anlamı manası, Alexander Island osmanlıca nasıl yazılır. Osmanlıca sözlükte Alexander Island hakkında bilgi. Arapça Alexander Island ne demek. Arapça osmanlıca sözlük. Farsçada Alexander Island anlamı
Kamusul Alamde - آلكساندر آطه‌لری Alexander Island maddesi. Şemseddin Sami, Kamusul Alam Ansiklopedisi