Alexandre - آلكساندر

ایكنجی _ نیقولایویج ایمپراطورلرندن اولوب، ایمپراطور اسبق (نیقوله) نك اوغلی وشمدیكی ایمپراطور اوچنجی آلكساندرك پددیدر. والده سی پروسیه نك سابق قرالی دردنجی فردریق كوییومك همشیره سی ایدی. میلادك ١٨١٨ تاریخنده طوغوب، ابتدا والده سیله آلمانیالی جنرال موردر طرفندن تربیه اولمش، وبعده اكمال تربیه سی روس شعراسندن (یوقوفسكی) یه احاله اولنمشیدی؛ آنجق اصل خواجه سی پدری اولوب، تاچو جقلغندن كندیسنی عسكر ایتمش، وتربیۀ عسكریه سنده پك چوق شدت كوسترمكه باشلامشیدی. اون آلتی یاشنه باصنجه، رشدی اعلان اولنه رق، بر چوق آلای وبلوكلرده فخری ضابط تعیین اولنمغله، صباحدن اقشامه قدر تعلیملرده وچكید رسملرنده امرار اوقات ایده رك، بووظاىٔف عسكریه سنك شدتندن صحتی مختل اولوب، بر نوع حزنه طالدیغچون، آلمانیاده بر سیاحت ایتمسنه اذن ویرلمشیدی. اثنای سیاحتنده (هس دارمستاد) بیوك دوقه سی ایكنجی لویینك سراینده بر خیلی وقت اكلنمش، وبونك قیزی پرنسس (ماریا) ایله ١٨٤١ تاریخنده عقد ازدواح ایتمشیدی. تاچوجقلغندن پدری طرفندن فینلانده دار الفوننك نظارتنه تعیین اولنمش اولمغله، تأهلندن صكره اورایه كیدوب، (فینوآ) لسان وادبیاتنك تعلیمچون، معلملر تعیین ایتمكله، وفینلانده لیلرك كندی لسان وادبیاتلرینك ترقیسیچون تأسیس ایتمش اولدقلری جمعیت علمیه یی كبی، عموم مكاتب عسكریه نظارتنه تعیین اولنه رق، بو ایشده دخی خیلی خدمته موفق اولمشیذی. ١٨٥۰ ده روسیه نك جنوب طرفلرینی وقافقاسیه یی زیارت ایتدیكی اثناده، چركسلره قارشی ایتدیكی بر اوفق محاربه ده ابراز بسالت ایتدیكچون، (سنت جورج) نشانیله تلطیف اولنمشیدی. مؤخراً دولت عثمانیه یه قارشی محاربه آچلمسیله بتون آوروپانك روسیه نك

دقتنی آسیا طرفنه چویروب، ١٨٧٣ ده خیوه، وایكی سنه صكره خوقند خانلغنی ضبط ایتمشدر. بر طرفدن دخی آلمانیا ایمپراطوریله صیقجه ملاقات وتأ كید مناسبات ایده رك، ملاقاتلرنده پرنس غور چاقوف وپرنس بیسمارقی دخی بولندیرمغله، صرف شخصی اولمیان بو مناسباته متعاقباً آوستریا ایمپراطورینی دخی تشریك ایده رك، كیزلیجه بر ترتیب قورلمش؛ و هركس بونك كشفیله اوغراشمقده ایكن، ینه مسىٔلۀ شرقیه اویاندیریله رق، هرسك اختلال ظهور ایتمشدر. كرك هرسك اختلالنده وكرك اونی تعقیب ایدن بلغارستان اختلالیله صربیه وقره طاغ محاربه لرنده روسیه نك مداخلات مادیه ومعنویه سی قابل انكار اولمدیغی كبی، بو اثناده اوچ ایمپراطورلر بیننده ملاقاتلر وقوعی دخی اكسیك دكلیدی. ایكنجی آلكساندر بو ملاقاتلر اثناسنده قوۀ عسكریه سنی تزیید وهر نوع تداركاتی اكمال ایتمكله، دولت عثمایه نك صرب وقره طاغ عسكرلرینی مغلوب، واختلالات داخلیه یی تسكین ایتمكه موفقیتیله، وسلطان عبدالحمید ثانی حضرتلرینك جلوس همایونلرینی متعاقب عموم ممالك عثمانیه ایچون اعلان اولنان اصلاحاتك خرستیان تبعه ایچون بر كونه‌ مدعیاته محل براقمامسیله‌ برابر، ینه اعلان حرب ایده رك، ونو دفعه هر نصلسه آوروپایی دخی كندی طرفنه جلبه موفق اوله رق، ١٢٩٢ سنۀ هجریه سنده روسیه عسكرینك قومانده سنی بالذات درعهده ایده رك، طونه یی تجاوز ایتمش؛ و دولت عثمانیه نك بویله بر محاربه ایچون حاضر بولنمامسیله برابر، ابتدا مغلوب اولمش ایسه ده، رومانیانك امدادیله وبعده كتیردیكی كلیتلی عسكر قوتیله غالب كله رك، كندیسنك غالبیتندن زیاده شانلی اولان عثمانلی عسكرینك مغلوبیتندن و اوروپانك‌بیطرف وسیرجی قالمسندن بالاستفاده آیاستفانوس معاهده سنی امضا ایتدیرمش ایسه ده، انكلتره بو معاهده یی قبول ایتمدیكی كبی، آوستریا دخی اتفاق مثلثدن آیریلوب، بو معاهده نك علیهنده بولندیغندن، ایكنجی آلكساندر بونك یرینه دیكر بر معاهده عقد ایتمك اوزره، برلین قونغره سنك اجتماعنه رضا ویرمش؛ وبو وجهله مسىٔله یه ختام ویرن برلین معاهده سی عقد اولنه رق، روسیه نك مقاصد تجاوزیه سنه بر یكی سد چكلمشدر. ایكنجی آلكساندر ممالكنده مكاتبك تكثیری.

آلكساندر عفو عمومی یی اعلان ایتمكله برابر، لهلیلرك مصادره اولنمش املاكنی كندیلرینه اعاده ایده جك یرده روسلره ویرمش، بلهستانده اراضی صاتین آلان روسلره زادكانلق عنواننی ویره رك، لهستانك روسلاشدیرلمسی پولتیقه سنی پك ایلری یه كوتورمش؛ وبربرینی متعاقب فرمانلرله لهستانك شورای دولتنی ومجالس منتخبه سنی لغو، حكومت محلیه ده لهجه لسانك استعمالنی، وحتی لهلیلره مخصوص اثواب كیمیمكی بیله منع ایتمشدر. سیبریایه طولدیریلان لهلیلر اوراده دخی اختلال چیقارمشلر ایسه ده، بلاترحم تأدیب اولنمشلردر. چركسلر وداغستانلیلر یوز سنه لك قانلی مدافعه دن صكره عاقبت شیخ شاملك اسیر دوشمه سی اوزرینه، روسلاشمق مخاطره سنی قبول ایله برابر اسارت آلتنده یاشامقدن ایسه، ترك وطنله هجرت ایتمكی اختیار ایده رك، پریشان اولمشلردر. پروسیه ایله آوستریا بیننده واقع اولان ١٨٦٦ محاربه سی اثناسنده ایكنجی آلكساندر عسكرینی سفر بر حالنه قویمغله آوروپانك دقتنی جلب ایتمش ایسه ده، اوروپا ایشلرینه قاریشمیوب، آسیاده توسیع ممالكه دوامله، بخارا خانیله بر بچق سنه محاربه دن صكره، سمرقندی ضبط ایتمشدر. بر سنه صكره آمریقای شمالیده كی آلاسقه یی روسیه ایچون لزومسز عد ایده رك، ممالك مجتمعه یه صاتمشدر. ١٨٦٧ ده كریدده ظهور ایدن اختلالی وسیله اتخاذ ایده رك، یونانه اظهار توجه ایتمش، وكریدك یونانه تركیچون اوروپا دولتلرینه تبلیغات اجرا ایتمش ایسه ده، بر نتیجه حاصل ایده مه مشدر. ١٨٦٦ سنه سی مارتنده روسیه ده كندیسنه سو قصد اولندیغی كبی، سنۀ مذكوره ایلولنده دخی سركىٔ عمومی یی تماشا ایچون، پارسده بولندیغی حالده، بر لهلی طرفندن سؤ قصد اولنمش ایسه ده، هیچ بری اصابت ایتمه مشدر. فرانسه ایله پروسیه محاربه سنده ایكنجی آلكساندر بیطرف طورمش ایسه ده، اولجه پروسیه نك محبتنی وبلكه ده وعدینی قزانمش اولدیغندن، فرانسه نك مغلوبیتندن وانكلتره نك یالكز قالمسندن بالاستفاده پارس معاهده سنك بعض بندلرینی فسخ ایتمكه قالقیشمش، ولوندره ده انعقاد ایدن قونفرانسده ایسندیكنه ناىٔل اولمشدر. اوندن صكره ینه

ایده جك بر قاچ كشی انتخاب ایتدیرمش ایسه ده، نهایت ١١٧٧ ده وندیكده ملاقات ایدوب، كندیسیله باریشمشیدی. (لاتران) شهرنده بر اوچنجی مجلس روحانی تشكیل ایده رك، پاپا انتخابی حقنی قاردیناللره حصر، و امور مذهییه جه بعض اصلاحات اجرا ایله، اسارتی لغو ایتمشدر. ١١٨١ تاریخنده روماده فوت اولمشدر. ایتالیانك (آلساندریا) یاخود (آلكساندریا) شهری بونك اسمنه نسبتله تسمیه اولنمشدر. دردنجی آلكساندر. _ اصل اسمی (رینالدی) اولوب، طقوزنجی (غره غوآز) ك یكنی ایدی. میلادك ١٢٥٤ تاریخنده انتخاب اولنمش، و ١٢٦١ ده وفات ایتمشدر. (جیبلین) طرفنك محوینه چالیشمش ایسه ده، بعض تفرقه لردن رومایی بر مدت ایچون تركه مجبور اولمشیدی. مداهنلره قاپیله رق، پك چوق اسرافات ایتمش، ونابحل بول بول رتب وامتیازات ویرمشدر. دیلنجیلكدن راهب وبعده

معارفك ترقیسی، تلغراف ودمیر یول خطلرینك تزییدی كبی پك چوق اصلاحات اجرا ایتمش ایسه ده، اقوام تابعه سنك روسلاشدیرلمسی یولنده وحریت مطبوعات ایله افكار جدیده علیهنده او قدر شدت كوسترمشدر، كه روس اولمیان تبعه سندن بشقه، روسلردن دخی حریت افكاره مالك اولانلری كندیندن وحكومتندن دلكیر ایده رك، (نیهیلیست) لر جمعیت فسادیه سی طرفندن وقوع بولان سؤ قصدلرك برنده ١٨٨١ تاریخ میلادیسی مارت رومیسنك برنجی كونی قتل اولنمش؛ ویرینه اوغلی شمدیكی ایمپراطور اوچنجی آلكساندر جلوس ایتمشدر.