Alexandre - آلكساندر

بو اسمله اسقوچیاده اوچ حكمدار كلوب، برنجیسی ((وحشی)) لقبیله ملقب اولدیغی حالده، میلادك ١١۰٧ تاریخندن ١١٢٤ تاریخنه دك حكم ایتمش؛

آوستریا، پروسیه واسوج دخی داخل اولمغله، دول مذكوره عسكرلرینك باشنه چكوب، بیوك بوناپارتله ایتدیكی بر محاربه ده مغلوب اولدیغندن، (نیامن) ده بو ناپارتله كوریشوب، (تیلسیت) معاهده سنك قبول وامضاسنه مجبور اولمشیدی. بو مصالحه دن بالاستفاده اسوجدن (فیتلانده) یی ضبط ایتدیكی كبی، قافقاس جهتندن دخی ممالكنك حدودینی خیلی توسیع ایتدكدن صكره، فرانسه ایله اولان معاهده سنك بعض ماده لرینی روسیه حقنده پك آغیر كوروب، اجرا ایتمك ایستمدیكندن، بوناپارت سوق عسكرله، مشهور (راسمولنسك) وموسقوه غالبیتلرینه ناىٔل اولمش ایسه ده، فرانسزلرك صوىٔوقدن وارزاق فقدانندن عودته محبور اولملری اوزرینه آلكساندر (وارشویا) دن بتون دولتلره بر مخطره یازوب، ١٨١٣ ده انكلتره، آوستریا، پروسیه واسوجله یكیدن براتناق عقدینه موفق اولمش؛ وابتدا بر قاچ محاربه ده متفقلر مغلوب اولمشلر ایسه ده، (لیپسیغ) مظفریتی اوزرینه، پارسه دخول ایدوب، (بوربون) خانداننی فرانسه تختنه اعاده، و اون سكزنجی لویی ایله ١٨١٤ سنه سی مایسنده بر معاهده عقد ایله، عودت ایتمشیدی. بو ناپارتك بتكرار فرانسه یه عودتی اوزرینه، ینه پارسك اوزرینه یوریمش ایسه ده، (واترلو) محاربه سندن وبوناپارتك سقوطندن صكره واصل اولمش؛ وبو دفعه فرانسه یی یالكز تسكین ایله قناعت ایتمیوب، اتخاذ اولنان تدابیر شدیده یه اشتراك ایتمش ایسه ده، ینه فرانسه نك مقاسمه سنه وبعض اثرلرینك امحاسنه مانع اولمشدر. بو دفعه پارسده ایكن آلكساندر آوستریا وپروسیه ایله اقواك استحصال حریتنه قارشی ((اتفاق مقدس)) نامیله معروف اولان اتفاقی عقد ایتمشیدی. روسیه یه عودتنده لهستانه بعض امتیازات اعطاسیله تبعه سنك بر قسمنی تیمار اسارتندن قورتارمش، وجزویتلری ملكندن طرد ایتمش ایسه ده، مؤخراً افكار حریتپرورانه سنی غاىٔب ایده رك، لهستانك امتیازاتنی تحدید ایتمش، ومطبوعاتی تضییق آلتنه آلمشیدی. ١٨٢۰ و ١٨٢٢ تاریخلرنده (لایباخ) و (رونه) ده عقد اولنان قونغره لرده (پیامونته) وناپولی و اسپانیاده ظهور ایتمش اولان حركات اختلالیه یی باصدیرمغه اتفاق مقدسی امضا ایتمش اولان ساىٔر دولتلرك حكمدارلریله برابر چالیشمشدر. ١٨٢٥ تاریخنده ممالكنی دور ایتمكده ایكن، (طغانروغ)

ومملكتنك شمال طرفنده ظهور ایتمش اولان عصیانی باصدیروب، رؤساسنی اتلاف ایتمشیدی. ایكنجی آلكساندر _ (كویوم لیون) ك اوغلی اولوب، میلادك ١٢١٤ تاریخندن ١٢٤٩ تاریخنه دك حكومت سورمش؛ وانكلیزلره قارشی محاربه ایتمك ایچون، فرانسه قرالی (لویی) ایله عقد اتفاق ایتمشیدی. اوچنجی آلكساندر _ ایكنجی آلكساندرك اوغلی اولوب، ٨ یاشنده اولدیغی حالده تخته چیقمش؛ ومیلادك ١٢٤٩ تاریخندن ١٢٤٦ تاریخنه دك حكومت سوروب، اسقوچیانك بعض طرفلرینی استیلا ایتمش اولان نوروجلیلرله محاربه ایتمش؛ وبعده قیزینی مؤخراً نوروج قرالی اولان (اریق) ە ویرمشیدی.