Alexandre - آلكساندر

برنجی _ پاولوویج روسیه ایمپراطورلرندن اولوب، برنجی (پاولو) نك اوغلی و ایكنجی قترینه نك تورونیدر. میلادك ١٧٧٧ تاریخنده طوغوب، پدرینك هنوز تخته یكی چیقمش ایكن، هلاكنی موجب اولان وقعه اوزرینه، ١٨۰١ تاریخنده تخته چیقمش؛ و كندیسی حریت اساسی اوزرینه بر تربیه آلمش اولدیغندن، جلوسیله برابر منفیلرك كافه سنی عفو ایله، مطبوعاتی سربست براقمش، ومصادره واشكنجه یی لغو ایله ویر كیلری تنزیل ونشر معارف ایجون روسیه نك هر طرفنده بر چوق دار لفنونلر ومكتبلر تأسیس ایله علوم وصنایعك ترقیسنه حدمت ایتمشدر. ١٨۰٥ تاریخنده فرانسه یه قارشی انكلتره ایله بر اتفاق عقد ایدوب، بو اتفاقه مؤخراً

علیهنه جلبنی كورونجه، پدرینك بوحركتنی تقدیر ایتمدیكی مرویدر. ١٨٥٥ سنه سی مارتنك ٢ سنده، قریم محاربه سی ختام بولمازدن، پدری وفات ایتمكله، كندیسی تخته چیقوب، بو محاربه یه دوامه مجبور اولدیسه ده، قارصك ضبطنی روسیه ناموس عسكریسنی یرینه كتیرمكه كافی عد ایده رك، صلحك شراىٔطنی قبول ایله، پارسه مرخصلر ارسال، واصلاحات داخلیه یه حصر مساعی ایده جكنی اعلان ایتدی. ابتدا پدرینك وكلاسنی ابقا ایتمش ایسه ده، مصالحه دن صكره قونت (نسلرود) ك استعفاسنی قبول ایله، یرینه (غورچاقوف) ی تعیین ایتدی. اك اول ایكی نوع اصلاحاته مباشرت ایدوب، بر طرفدن مأمورینك ارتكاب وسؤ اخلاقنك اوكنی آلمغه، وبر طرفدن دخی معارفك نشر وتعمینه صرف همت ایلدی. ضابطانی مكاتب معلملكلرندن چیقاروب، مخصوص معلملر تعیین ایتدیكی كبی، دارالفنونلره قبول اولنه جق شاكردانك عددینی دخی معینلكدن قورتاردی؛ وپترسبورغده السنۀ شرقیه یه مخصوص بر مكتب تأسیس ایله، كافۀ مكاتبی بالذات كندی نظارتی آلتنه آلدی. لكن ایكنجی آلكساندرك روسیه یه ایتدیكی اك بیوك اییلك چفتجیلرك اصحاب اراضینك اسارتندن تخلیصیله، بونلره برر مقدار اراضی تركی وایشلمكده اولدقلری اراضى یی مبایعه ایله متصرف اوله بیلمك حقنی قزاندیرمسیدر؛ چونكه اوندن اول روسیه ده چفتجیلر چفتلكك حیواناتی كبی اصحاب اراضینك مالی صاییلیر، وبر شیىٔه مالك اولمیوب، چفتلكله برابر بیع وشرا اولنورلردی. بو اصلاحات وترقیات ایله برابر، تحت تابعیتنده اولان كافۀ اقوامك تدریجاً روسلاشدیرلمسی مسلكندن آیرلمیوب، كرك قافقاسیه اقوامی وعلی الخصوص چركسلر وكرك لهلیلر حقنده پك مرحمتلی كورنمه مشدر. ابتدا لهلیلره بر شورای دولت وهر ایالتده برر منتخب مجلس تشكیل ولسان ملیلرینی تحصیل و استعماله مساعده ایتمش ایسه ده، لهلیلر بو مساعداتله اكتفا ایتمیوب، ١٨٦١ ده اختلال چیقارمشلر؛ وبو اختلال ایكی اوچ سنه سوروب، بتون آوروپانك هیجاننی وروسیه یه قارشی افكار عمومیه نك غلیاننی موجب اولمش ایسه ده، اوروپا دولتلرینك تكلیفات وتوسطی كاركر تأثیر اوله میوب، ایكنجی

شهرنده بو شهرك وخامت هواسندن، وبر احتماله كوره ده مسموماً، وفات ایتمشدر. فعال، جسور وعالم بر حكمدار ایدی. ١٦ یاشنده ایكن (بادنبادن) پرنسسلرندن عقد ازدواج ایتمش، واركك اولادی اولمامشیدی.