Alexandria ~ آلكساندريا
Kamus-ul'Alam - Alexandria ~ آلكساندريا maddesi. Sayfa: 331 - Sira: 7
Alexandria - آلكساندريا
بو اسمله ممالك مجتمعه ایله (دومینیون) قطعه سنده بر چوق قصبه لر وقضالر واردر، كه اك بیوكلری (ویرجینیا) جمهوریتنده (پوتوماق) نهرینك صاغ طرفنده وواشینغتونك ١١ كیلومتره جنوبنده واقع اولوب، همنامی اولان بر قضانك مركزیدر. ١٨٧۰ ده اهالیسی ١٣۰۰ كشیدن عبارت ایدی. واشینغتوتدن بو قصبه یه قدر نهر مذكوره منتظم صورتده واپورلر ایشلر، ودمیر یولی دخی واردر. قصبه نك اوكنده نهرك ١۰۰۰ متره وسعتی اولوب، كوزل وواسع بر لیمان تشكیل ایدیور. _ ایكنجیسی (نوپرشی) جمهوریتنده ونویورقك جنوب غربیسنده واقع اولوب، مقدما ٤٢٥۰ اهالیسی وار ایدی. _ اوچنجیسی (نویورق) جمهوریتنده و (سنت لوران) نهرینك ساحل یمیننده واقع اولوب، ٣٥۰۰ اهالیسی واردر. _ اسقوچیاده دخی بو اسمله بر قصبه واردر، كه (دومبارتون) قضاسنده و (دومبارتون) شهرینك یاریم كیلومتره شمالنده (لون) نهری اوزرنده واقع اولوب، ٤٦٥۰ اهالیسی واردر. _ امید بروننده دخی بو اسمله بر قصبه وقضا واردر، كه (ویقتوریا) ایله (آلبانی) قضالری آره سنده واقعدر.
Kamusul Alam, Şemseddin Sami; Kamusul Alamde Alexandria maddesi. osmanlıcada Alexandria ne demek, Alexandria anlamı manası, Alexandria osmanlıca nasıl yazılır. Osmanlıca sözlükte Alexandria hakkında bilgi. Arapça Alexandria ne demek. Arapça osmanlıca sözlük. Farsçada Alexandria anlamı
Kamusul Alamde - آلكساندريا Alexandria maddesi. Şemseddin Sami, Kamusul Alam Ansiklopedisi