Alcibiade ~ آلكیبياد
Kamus-ul'Alam - Alcibiade ~ آلكیبياد maddesi. Sayfa: 333 - Sira: 11
Alcibiade - آلكیبياد
یونان قدیمده آتنه جمهوریتنك اك مشهور رجالندن وسردارلرندن اولوب، میلاددن ٤٥۰ سنه اول طوغمشدر، (وقلینیاس) ك اوغلی
و (پریقلس) ك یكنی ایدی. تا چوجقلغندن عمیجه سنك یرینی طوتمق سوداسنه دوشوب، بوكا موفق اولمق ایچون، وطنداشلرینی مهالكه سوق ایتدی. پلوپونس محاربه لرنده آتنه لیلری سیچلیانك ضبطنه تحریض ایده رك، باشلرینه بر چوق فلاكتلر كتیرمكه سبب اولدی. سیچلیایه عزیمت ایتدیكی صباح آتنه ده (عطارد) الهنك هیكللری قیرلمش بولندیغندن، بو تهمت كندیسنه اسناد اولنه رق، اموال واملاكی مصادره اولنمغله، كندیسنی دخی، جزادن قورتلمق ایچون، ابتدا اسپارطه یه وبعده ایرانه قاچوب، وطننك علیهنده بولندی. قبل المیلاد ٤۰٧ تاریخنده، آتنه لیلر دوچار اولدقلری مغلوبیت اوزرینه، كندیسنی جلب ودعوت ایتمكله، آلكیبیاد اسپارطه لیلرك دوننماسنی مغلوب ایتدكدن صكره، كمال مظفریتله كیرمش ایسه ده، متعاقباً قوماندانلرندن برینك مغلوبیتی اوزرینه، ینه آتنه لیلرك غضبنه اوغرایوب، ابتدا (تراكی) وبعده (فریجیا) یه قاچه رق، ایران طرفندن اورانك والیسی بولنان (فرناباز) ە التجا ایتدیكی حالده، بو ذات اسپارطه لیلرك تشویقیله، اوتوردیغی اوه آتش ویره رك، قبل المیلاد ٤۰٤ تاریخنده كندیسنی اتلاف ایتمشدر. آلكیبیاد اك عالی فضاىٔل اخلاقله اك خسیس دناىٔتلری جامع خارق العاده بر آدم ایدی.
Kamusul Alam, Şemseddin Sami; Kamusul Alamde Alcibiade maddesi. osmanlıcada Alcibiade ne demek, Alcibiade anlamı manası, Alcibiade osmanlıca nasıl yazılır. Osmanlıca sözlükte Alcibiade hakkında bilgi. Arapça Alcibiade ne demek. Arapça osmanlıca sözlük. Farsçada Alcibiade anlamı
Kamusul Alamde - آلكیبياد Alcibiade maddesi. Şemseddin Sami, Kamusul Alam Ansiklopedisi