Argos ~ آرغوس
Kamus-ul'Alam - Argos ~ آرغوس maddesi. Sayfa: 126 - Sira: 8
Argos - آرغوس
یونانك موره شبه جزیره سنده، قورنته مع آرغولیده ایالتنك مركب اولدیغی بش قضادن برینك مركزی اولان بر شهردر، كه (آرغوس) كورفزینك ٦ كیلومتره ایچریسنده بولنان بر كنیش اووه ده، و (قورنته) نك ٤٤ كیلومتره جنوب شرقیسنده، ً٩ َ٣٨ ْ٣٧ عرض شمال و ً٤٩ َ٢٢ ْ٢۰ طول شرقیده واقع اولوب، ١۰٦٢۰ اهالیسی واردر. شهر (آلیقون) طاغندن آیریلوب اووه نك ایچنه كیرمش اولان و (لاریسا) دنیلن محروطی الشكل برتپه نك اتكنده و (پلانیچه) چاینك كنارنده اولوب، اولرك آره لری كنیش باغچه لرله تفریق اولنمشدر. بو تپه نك اوزرنده شهر قدیمك مركزی بولنمش اولان براسكی قلعه نك ویرانه (لاریسا) تپه سندن آیرلمش اولان دیكر بر تپه نك اوزرنده دخی زمان قدیمده (آسپیس) یعنی ((سپر)) دنیلن بر قلعه بولنمش ایسه ده، اثری قالمامشدر. ایناخوس طرفندن تأسیس اولنه رق، یونانك اك قدیم شهری
اولوب، ازمنۀ قدیمه ده پك بیوك اهمیتی وار ایدی. (یونون) نام الهه نك نامنه مؤسس اولان بر معبدی مشهور ایدی. ابنیۀ عتیقه سنك بر چوق خرابه لری، داىٔروی بر تیاترونك ویرانه سی، وشهردن تپه ده كی قلعه یه قدر یرآلتندن قیانك ایچنده اویولمش بر كیزلی یولی باقی ایسه ده، شهر دفعاتله تخریب ایدلمش اولدیغندن، ابنیۀ عتیقه سندن بر شی قالمامشدر. میلاددن اول ١٦۰۰ دن
Kamusul Alam, Şemseddin Sami; Kamusul Alamde Argos maddesi. osmanlıcada Argos ne demek, Argos anlamı manası, Argos osmanlıca nasıl yazılır. Osmanlıca sözlükte Argos hakkında bilgi. Arapça Argos ne demek. Arapça osmanlıca sözlük. Farsçada Argos anlamı
Kamusul Alamde - آرغوس Argos maddesi. Şemseddin Sami, Kamusul Alam Ansiklopedisi