Arsinoe ~ آرسينوئه
Kamus-ul'Alam - Arsinoe ~ آرسينوئه maddesi. Sayfa: 124 - Sira: 4
Arsinoe - آرسينوئه
نمصر حكمدارلرندن برنجی بطلمیوسك قیزی اولوب، میلاددن ٣۰۰ سنه اول تراكی یعنی ادرنه طرفلرینك حكمداری (لیسماخوس) ە وارمشیدی. قوجه سنك وفاتنده، بطلمیوس كراونوس بو قادینی كسندره ده محاصره وكندیسنه وارمغه مجبور ایتمش، وایلك قوجه سندن اولان چوجقلرینی بوغازلادقدن صكره، كندیسنی دخی قبل المیلاد ٢٩۰ تاریخنده (سمدرك) آطه سنه آتوب، براقمش؛ عاشقی بولنان برادری بطلمیوس فیلادلف كندیسنی اورادن قورتاره رق، او وقتك عادت مكروهی اوزره، تزوج ایتمشدر. _ بطلمیوس خانداننه منسوب اوله رق بو اسمده دها ایكی قادین واردر، كه بری بطلمیوس فیلوپاتورك همشیره سی وزوجه سی اولوب، بو حكمدارله برابر میلاددن٢١٧ سنه اول وقوع بولان (رافیا) محاربه سنه كیتمش، وبو محاربه ده قوجه سنك مظفریتنه خدمت ایتمش ایسه ده اون سنه صكره بو ظالم حكمدار طرفندن قتل اولنمشدر. _ دیكری (بطلیوس آولیت) ك قیزی ومشهور ( قلىٔوپاتره) نك همشیره سی اولوب، پدرلرینك وفاتنده، وصی تعیین اولنان مشهور
قیصر مصری قلىٔوپاتره یه، وقبریسی آرسینوىٔه یه ویرمش ایسه ده، بریكی قبریسله اكتفا ایتمیوب، مصری دخی همشیره سنك الندن قاپمق ایستدیكندن، رومالیلر قلىٔوپاتره نك طرفنی آله رق، آرسینوىۀ یی اسیر ایدوب، رومایه كوتورمشلردی. مؤخراً قیصر، قلىٔوپاتره نك كولنی یاپمق ایچون، كندیسنی قتل ایتدیرمشدر.
Kamusul Alam, Şemseddin Sami; Kamusul Alamde Arsinoe maddesi. osmanlıcada Arsinoe ne demek, Arsinoe anlamı manası, Arsinoe osmanlıca nasıl yazılır. Osmanlıca sözlükte Arsinoe hakkında bilgi. Arapça Arsinoe ne demek. Arapça osmanlıca sözlük. Farsçada Arsinoe anlamı
Kamusul Alamde - آرسينوئه Arsinoe maddesi. Şemseddin Sami, Kamusul Alam Ansiklopedisi