Arslan Paşa ~ آرسلان‌پاشا
Kamus-ul'Alam - Arslan Paşa ~ آرسلان‌پاشا maddesi. Sayfa: 122 - Sira: 2
Arslan Paşa - آرسلان‌پاشا
سلطان محمد خان ثالث دوری وزراسندن اولوب، یانیه طرفلرندن بولنمغله، هجرت نبویه نك ١۰٩ تاریخنده یانیه والیسی اولمش، وتپه دلنیلی علی پاشانك یانیه والیلكنه تاریخ نصبی اولان ١٢۰٣ سنه سنه دكین. یانیه والیلكی همان بونك نسلنه مخصر قالمشدر. آرسلان پاشا یانیه ققلعه سنك شمال شرقی كوشه سنده واك مرتفع محلنده، كولك اوزرینه چیقمش غایت كوزل منظره لی بر موقعده مكمل بر جامع شریف بنا ایتمشدر، كه (آرسلان پاشا جامعی) نامیله معروفدر. جامع شریفنك جوارنده بر قاچ مدرسه ایله بر نقشبندی زاویه سی، وبو زاویه نك مشایخندن اوراجه كرماتی سویلنیلن شیخ علی افندینك وخلفلری شیخ یوسف وشیخ عابدین افندینك مرقد شریفلریله آرناوْد شعراسندن لسقویكلی شیخ سلیمانك تربه سی بولنیور. بوجامعك یرنده قبل الفتح (آی یانی) اسمنده بر مناستر وار ایدی، كه یانیه شهرینه دخی بوكا نسبتله یانیه ودها طوغریسی (یانینه) دنیلمشدر. یانیه شهرینك بكلری بو آرسلان پاشانك نسلندندر. یانیه ده والیلك ایدن خلفلری بیننده آرسلان پاشا وآرسلان بك اسمنده دیكر بر قاچ ذات دها كلمشدر.
Kamusul Alam, Şemseddin Sami; Kamusul Alamde Arslan Paşa maddesi. osmanlıcada Arslan Paşa ne demek, Arslan Paşa anlamı manası, Arslan Paşa osmanlıca nasıl yazılır. Osmanlıca sözlükte Arslan Paşa hakkında bilgi. Arapça Arslan Paşa ne demek. Arapça osmanlıca sözlük. Farsçada Arslan Paşa anlamı
Kamusul Alamde - آرسلان‌پاشا Arslan Paşa maddesi. Şemseddin Sami, Kamusul Alam Ansiklopedisi