Aral ~ آرال
Kamus-ul'Alam - Aral ~ آرال maddesi. Sayfa: 80 - Sira: 2
Aral - آرال
صوىٔوق اولوب، برودت صفردن آشاغی ٢۰ دركه یه قدر اینر ؛ ویازین دخی هوا غایت صیجاق وقورو اولوب، آنجق شمالدن اسن روزكارلر نهرلرك منصبنده كی نطاقلقلردن قالقان تبخراتی اطرافه طاغیتمغله، هوایه بر آز رطوبت قزاندیروب، بشقه یرده هوایی اخلال ایدن بو تبخرات اورا حقنده پك فاىٔده مند اولور. الحاصل هواسی لطیف دكل ایسه ده، صحت حقنده پك مضر دكلدر. شمال روزكاری بعض دفعه شدتلی اسدیكندن، كولك ایچنده سفاىٔن حقنده پك تهلكه لی بر فرطونه حاصل اولور. آرال كولنك صولری پك درین اولمیوب، اك درین محللری ٧۰ متره یی تجاوز ایتمز. جیخون وسیخونك دوكدكلری كلیتلی طاتلی صودن طولایی، صویی دكیز صویی قدر طوزلی دكلدر. بر عصردن بری كولك صولری اكسلمكده اولوب، نسبةً دها صیغ اولان شرق طرفی سواحلی كیدكجه كولدن یر قزانمقده، ویكیدن بعض آطه لر ظهور ایتمكده در. بو مناسبتله اورا اهالیسی بو كوله (آطه لر دكیزی) دیورلر، كه اوروپالیلر بونی تحریفله (آرال) یاپلمشلردر. شمال طرفنده بر كورفز تشكیل ایدركه (كوچك دكیز) تسمیه اولنوب، قیشین تمامیله طونار؛ ساىٔر طرفلرك ایسه یالكز سواحلی منجمد اولور. (آرال) كولنك سطحی حذای بحردن تقریباً ١٢ وبحر خززك سطحنان ٣٨ متره یوكسكدر. اسكی یونان وروما جغرافیوننك بوكول حقنده كی معلو ماتلری پك سطحی ومشوش اولوب، بونی فنه طانیتدیران قرون وسطاده كی اسلام جغرافیو نیودر. مؤخراً روسیه ارباب فنی بو كولك احوالی حقنده تحقیقات فنیه اجراسیله، مكمل خریطه لرینی آلمشلردر، كه بونلرك اك مكمل ١٨٥١ تاریخ میلادیسنده موسیو (خانیقوف) طرفندن تنظیم اولنان خریطه اولوب، مومی الیه اورالرك احوالنه داىٔر بعض اثرلر دخی یازمشدر. خریطه سی فرانسز جه یه ده ترجمه اولنمشدر. سندده یعنی هندستانك غرب شمالیسنده بر كوچك نهر اولوب، (ناره) نهرینك توسعندن حاصل اولان (منچار) كولندن چیقه رق، (سهوان) شهرینك بر آز آلتنده صاغ ساحلندن (سند) نهرینه دوكیلور. (آرال) نهری (منچار) كولی (ناره) نهریله برابر سند نهرینه متوازیاً
سیر سفاىٔن ایچون ١٦۰ كیلومتره لك بر قنال تشكیل ایدیور، كه جریانی سندك كندن دها یواش اولدیغندن، دها ایشلكدر. آرال ایله سندك نقطۀ تلاقیسی َ٢٨ ْ٢٦ عرض شمالی و ْ٦٦ طول غربیده واقعدر.
Kamusul Alam, Şemseddin Sami; Kamusul Alamde Aral maddesi. osmanlıcada Aral ne demek, Aral anlamı manası, Aral osmanlıca nasıl yazılır. Osmanlıca sözlükte Aral hakkında bilgi. Arapça Aral ne demek. Arapça osmanlıca sözlük. Farsçada Aral anlamı
Kamusul Alamde - آرال Aral maddesi. Şemseddin Sami, Kamusul Alam Ansiklopedisi
Aral ~ آرال güncel sözlüklerde anlamı:
Aral :::
aral ::: ada, cezire