ابراهيم قطب شاه

Osmanlica ansiklopedi kamus alemde ابراهيم قطب شاه maddesi. Sayfa:579


İbrahim Kutub Şah - ابراهيم قطب شاه

هندستانك‌ دكن قطعه سنده واقع تلنك خطه سنده حكومت سورن قطب شاهیه سلاله سنك اوچنجی پادشاهی اولوب، سلالۀ مذكوره نك بانیسی اولان قلی قطب شاهك اوغلیدر. ٩٥٧ تاریخ هجریسنده برادری جمشید قطب شاهك وفاتی اوزرینه، اكابر دولت یدی یاشنده بولنان اوغلنی تخته اجلاس ایتمك ایستمشلرسه ده، اولجه برادرینك ید ظلمندن (بیچانكر) راجه سنك نزدینه قاچمش اولان صاحب ترجه، جمشید قطب شاهك وفاتی خبرینی آلنجه، مركز سلطنتلری اولان (كلكنده) شهرینه شتاب ایده رك، تخت موروثنه اوتورمش؛ و ٩٧٢ تاریخنده دكنك ساىٔر ملوك اسلامیه سیله بالاتفاق، بیچانكر راجه سی (رامراج) ە قارشی یوریمش؛ و او طرفلرده بولنان دیكر راجه لردن دخی بر طاقم یرلر ضبط ایتمشیدی. ٣٢ سنه غالیت وموفقیتله حكومت سوردكدن صكره، ٩٨٩ سنه سی ربیع الآخرنده وفات ایدوب، یرینه اوغلی محمد قلی قطب شاه حكمدار اولمشدر. قطب شاهیه سلاله سی تركمان جنسیتنه منسوب اولوب، صاحب ترجمه شیعی المذهب و غایت تیز مشرب و سفاك بر آدم ایدی.

Kamusul Alamde İbrahim Kutub Şah maddesi, ابراهيم قطب شاه osmanlica tarih ve cografya ansiklopedisi İbrahim Kutub Şah nedir anlami. hakkinda bilgi



3 10 17 24 31 38 45 52 59 66 73 80 87 94 101 108 115 122 129 136 143 150 157 164 171 178 185 192 199 206 213 220 227 234 241 248 255 262 269 276 283