Augustin ~ آغستينوس
Kamus-ul'Alam - Augustin ~ آغستينوس maddesi. Sayfa: 492 - Sira: 2
Augustin - آغستينوس
فتولیكلرك اك بیوك عزیزلرندن وقرون وسطی علماسندن اولوب، میلادك ٣٥٤ تاریخنده مغربك (تاغاسته) شهر قدیمنده طوغمشدر. پدری عبدۀ اوثاندن و والده سی خرستیان ایدی. تكمیل تحصیل ایتدكدن صكره، ابتدا وطننده و بعده قرتاج و نهایت میلان شهرنده ادبیات ومنطق علملرینی تدریس ایله اوغراشمش؛ و میلانده ایكن، سنت آمبروآز ایله والده سنك تشویقیله، ٣٢ یاشنده اولدیغی حالده، خرستیانلغی قبول ایله، وطننه عودت ایدوب، مال و ملكنی فقرایه تصدق ایتدكدن صكره، نماز و اوروجه قویلمش؛ و ٣٩١ تاریخنده پاپاس اولوب، ٣٩٥ ده تونسده كی (بونه) شهرینك پسقپوسی اولمشدر. معیتنده كی پاپاسلرله برلكده یاشایوب، مناستر اصولنك ایجادینه سبب اولمش؛ و كرك وغط و نصیحتلریله كرك یازدیغی اثرلرله بعض طرق دینیه و فلسفیه یی جرح ایتمكله اوغراشوب، بر طاقم كرامتلر ادعاسنده دخی بولنمشدر. بونه شهرینك وانداللر طرفندن محاصره سی اثناسنده یعنی ٤٣۰ تاریخ میلادیسنده شهر مذكورده وفات ایدوب، آغستوسك ٢٨ نده یورطیسی اجرا اولنور. فلسفه وعقایده متعلق متعدد تألیفاتی اولوب، كلیات آثاری دفعاتله طبع اولنمشدر. _ [((اوكوستین)) ماده سنه ده مراجعت بیوریله.]
Kamusul Alam, Şemseddin Sami; Kamusul Alamde Augustin maddesi. osmanlıcada Augustin ne demek, Augustin anlamı manası, Augustin osmanlıca nasıl yazılır. Osmanlıca sözlükte Augustin hakkında bilgi. Arapça Augustin ne demek. Arapça osmanlıca sözlük. Farsçada Augustin anlamı
Kamusul Alamde - آغستينوس Augustin maddesi. Şemseddin Sami, Kamusul Alam Ansiklopedisi