آوغسبورغ

Osmanlica ansiklopedi kamus alemde آوغسبورغ maddesi. Sayfa:490


Augsbourg - آوغسبورغ

باویره ده (سوآبه) خطه سنك مركزی اولان بیوك و مهم بر شهردر، كه مونیخك ٦٣ كیلومتره غرب شمالیسنده ویوقاری باویره نك واسع و منبت اووه سنده و (له) نهرینك ساحل یسارنده، َ٢١ ْ٤٨ ً٤٤ عرض شمالی ایله ً٥٣ َ٣٣ ْ٨ طول شرقیده واقع اولوب، ٩۰٥ ٦٥ اهالیسی واردر. اهمیتیله برابر، سوقاقلری اسكی زماندن قالمه اولوب، طار واكریدر. یالكز بر قاچ جاده سی توسیع اولنه بیلمشدر. شهرك ایچنده بر چوق چشمه لرله بر قاچ میدان واردر.

یلدیه داىٔره سی آلمانیانك اك كوزل و اك متین ابنیه سندندر. وقتیله پسقپوسخانه اولوب بو كون حكومت قوناغی اولان بناسی دخی پك اسكیدر. دیكر ابنیۀ مشهوره سی باشلیجه بر قاچ كلیسا ایله برسلاحخانه وبر تیاترو ایله بر چارشودن عبارتدر. شهر اسكی بر سورله و واسع بر خندقله محاط اولوب، رومالیلرك زمانندن قالمه بعض آثار عتیقیه سی دخی واردر. متعدد مكاتب اعدادیه وساىٔره سیله، بر مكتب صنایعی، بر زراعت مكتبی، بر ماكینه مكتبی، بیوك بر كتبخانه سی، رسملره، آثار عتیقیه یه و تاریخ طبیعی یه مخصوص آیری آیری موزه خانه لری، رصدخانه سی، نباتات باغچه سی، متعدد خسته خانه وساىٔر خیراته متعلق مؤسساتی واردر. صنایعی بر آز تدنی ایتمش ایسه ده، تجارتی الآن خیلی ایشلكدر. قیو مجیلغی مشهوردر. امور صرافیه سی پك ایلریدر. بو شهر پك اسكی اولوب، میلاددن ١٥ سنه اول آوغستوس طرفندن تأسیس اولنمش، و قرون وسطاده پك بیوك بر اهمیت تجاریه یی حاىٔز اولوب، آوروپای‌جنوبی ایله آوروپای شمالی آره سنده بر تجارت انباری حكمنی آلمشیدی. هونلر طرفندن كاملاً تخریب ایدلمش اولدیغی كبی، شارلمانه قارشی طورمغله دخی خیلی خرابیته اوغرامش ایسه ده، یكیدن تعمیر و احیا اولنمش؛ و اهالیسی شهری صاتین آله رق، بر چوق وقت مستقل بر جمهوریت صورتنده یاشادقدن صكره، ١٨۰٦ ده شهر باویره یه التخاق ایتمشدر. اهالیسنك ثلثانی قتولیك وبر ثلثی پروتستاندر. مشهور ((آوغسبورغ غزته سی )) بو شهرده نشر اولنور.

Kamusul Alamde Augsbourg maddesi, آوغسبورغ osmanlica tarih ve cografya ansiklopedisi Augsbourg nedir anlami. hakkinda bilgi



5 12 19 26 33 40 47 54 61 68 75 82 89 96 103 110 117 124 131 138 145 152 159 166 173 180 187 194 201 208 215 222 229 236 243 250 257 264 271 278 285