Ahmed Paşa - احمد پاشا

(كدك _ ) مشاهیر وزرای دولت علیه دن و فرت شجاعت و جسارت و عقل و تدبیرله متصف بر ذات ایدی. ابو الفتح سلطان محمد خان ثانی حضرتلرینك زمان سلطنتنده درت سنه صدارت عظمی مسندینی احراز ایتمشدر. یكیچری اوجاغنده بكتاشیان زمره سی افرادندن ایكن، بحرد شجاعت واقتداری یاردیمیله بكلر بكیلك و بعده وزارت رتبه سنه ناىٔل اولمش؛ و حضرت پادشاهك منظور التفاتی اولوب، اكثر محارباتده سرداری بولنمش ایدی. قرمان اوغللرینی كلیاً مغلوب و منهزم، و سلفكه وارمناكی فتح ایتمش اولدیغی كبی، طربزون سفرنده دخی تدبیر و شجاعتندن كلی استفاده اولنمشیدی. ٨٧٨ تاریخنده مسند صدارته ترفیع اولنه رق، مدت صدارتنده ٣۰۰ كمیدن مركب دوننما ایله قره دكیزه چیقوب، و جنویرلرك النده بولنان كفه یی و چركستان حدودینه دك بتون آزاق سواحلنی و منكو حصارینی فتح و ضبط ایده رك، او جهتدن ممالك عثمانیه یی خیلی توسیعه موفق اولمشدر. ٨٨٢ تاریخنده آرناؤد اسكندریه سنی (یعنی براتی) ضبط ایتمك اوزره، سردار تعیین اولنه رق، بونك عدم امكانندن بحثله اعتذارده بولنمش ایسه ده، درمیان ایتدیكی معذرتلر پادشاه غیررنزنده مقبول و مسموع اولمامغله، صاحب ترجمه صدارتدن عزل، و بو غازكسن قلعه سنده (یعنی آناطولی حصارنده) حبس اولنمشدر. آنجق مؤخراً برات قلعه سنك اوآره لق حقیقةً ممتنع التسخیر اولدیغی پادشاهك معلومی اولنه رق، آرپه لق صورتیله آولونیه نك فتحنه مأمور ایتمش؛ و اوطرفه عزیمت ایده رك، نیجه قلاع و بلاد ضبط ایتمشدر. ٨٨٦ تاریخنده سلطان بایزید ثانی حضرتلرینك جلوسنی تبریك ایچون درسعادته كله رك، سلطان جم غاىٔله‌ سنك دفعیچون، عزیمت پادشاهی وفوعنده، معیتده كیتمش؛ و واقع اولان مخارباتده فوق العاده غیرت كوسترمش ایسه ده، استعمال شدتده بر آز مبالغه ایدوب، حدینی تجاوز ایتدیكندن، اغبرار پادشاهی یی دعوی ایتمكله،

٨٨٧ تاریخنده ادرنه ده حمامده اعدام اولنمشدر. بعض خیراتی و استانبولده بر حمامی واردر. (كدك پاشا) محله سی بونك نامیله تسمیه اولنمشدر.