Ahşid ~ اخشيد
Kamus-ul'Alam - Ahşid ~ اخشيد maddesi. Sayfa: 4 - Sira: 8
Ahşid - اخشيد
(ابو بكر محمد بن طغج) عن اصل فرغانه اولاد ملوكندن اولوب، جدی بغداده كلمش: و كندیسی عراقده طوغوب،٣١٦ تاریخنده خلیفه‌ٔ عباسی مقتدر طرفندن رمله،
و ایكی سنه صكره دمشق والیلكنه تعیین اولنمش ایكن، بعده قاهر بالله و راضی باللهك زمان خلافتلرنده مصر و جزیره و سائر بلاد دخی عهده‌سنه تفویض اولنمغله،مصره داخل اولوب،سلفی احمد بن كیغلغله دفعاتله محاربه ایتمش؛و نهایت احمد مغلوب اولوب،مغربده‌كی ملوك فاطمیه‌دن قائم بامر اللهك یاننه قاچمش،و بونی مصرك ضبطنه تحریض ایتمكه باشلامشیدی.صاحب ترجمه شام جهتنده خروج ایتمش اولان ابن رائقه و حلبده‌كی ابن احمده غلبه چالوب، او جهتدن دائره‌سنی توسیع ایتدیكی كبی،مذكور قائم بامراللهك عسكرینه دخی غالب كلمكله، خلیفه طرفندن تلطیف اولونه‌رق،اسكی فرغانه حكمدارلرینك عنوانی اولان (اخشید) لقبیله تلقیب،و اسمنك منابرده ذكرینه مساعده اولنمشیدی. ١٣ سنه قدر حكومت سوردكدن صكره،٣٣٤ تاریخنده ٦٦ یاشنده دمشقده وفات ایتمشدر. جسور و مدبر و سفك دمایی سومز بر ذات ایدی. كندیندن صكره ایكی اوغلیله بر كوله‌سی و تورونی حكم سورمشلردر. بشنه (اخشیدیان) دیرلر.
Kamusul Alam, Şemseddin Sami; Kamusul Alamde Ahşid maddesi. osmanlıcada Ahşid ne demek, Ahşid anlamı manası, Ahşid osmanlıca nasıl yazılır. Osmanlıca sözlükte Ahşid hakkında bilgi. Arapça Ahşid ne demek. Arapça osmanlıca sözlük. Farsçada Ahşid anlamı
Kamusul Alamde - اخشيد Ahşid maddesi. Şemseddin Sami, Kamusul Alam Ansiklopedisi