Ebu Ali Farisi - ابو علی فارسی

(حسن بن احمد) مشاهیر نحاتدن اولوب، ٢٨٨ تاریخنده (نسا) شهرنده طوغمش، و ٣۰٧ تاریخنده بغداده داخل اولوب، اوراده قراىٔت و تحصیل ایله اشتغال، و بعده دور بلاد ایده رك، بر مدت حلبده اقامتله، سیف الدوله بن حمدان نزدنده بولنمش، و شاعر مشهور متنبی ایله صحبت ایتمشدر. مؤخراً فارسه انتقال ایله، عضدالدوله بن بویه یه انتساب، و بونك نامنه ((الایضاح)) و (٨التكملة)) عنوانلی كتابلرینی تألیف ایتمشدر. دیكر تألیفاتی دخی اولوب، باشلیجه لری شونلردر : ((التذكرة))، ((كتاب المقصور و الممدود))، ((العوامل الماىٔۀ))، ((الحجة فی القراآت))، ((كتاب الاغفال فی ما اغفله الزجاج من المعانی))، ((المساىٔل الحلبیات))، ((المساىٔل القصریات))، ((المساىٔل العسكریة))، ((المساىٔل البصریهة))، ((المساىٔل المجلسیات)) وساىٔره، ٣٧٧ تاریخنده بغدادده وفات ایتمشدر.