Ebu Amru Dani - ابو عمرو دانی

(عثمان بن سعید) اندلسك مشاهیر علماسندن اولوب، علوم قرآن و تفسیرده و حدیثده عصرینك فریدی یدی. ٣٧١ تاریخنده قرطبه ده طوغوب، شرقه رحلتله، قیروان و مصرده برر مدت اقامت، و ایفای حج شریف مقصدیله حجازه سیاحت ایتمش؛ و اندلسه عودتنده (دانیه) شهرنده اختیار اقامت ایتدیكندن، دانی لقبیله تلقیب اولنمش؛ و ٤٤٤ تاریخنده اوراده وفات ایتمشدر. تألیفاتی ١٢۰ عددینه بالغ اولوب، اك مشهورلری شونلردر : ((المقنع فی رسم المصحف))، ((التیسیر فی القراآت السبع))، ((الاقتصاد فی رسم المصحف))، ((التحدید فی الاتقان و التجوید))، ((التنبیه علی النقط و الشكل))، ((جامع البیان فی القراآت السبع))، ((طبقات القراء))، ((شرح القصیدة الخاقانیة فی التجوید))، ((كتاب الفتن و الملاحم))، ((مفردات یعقوب فی القراىٔة))،‌((المكتفی فی الوقف و الابتداء))، ((الموضح فی الفتح))، ((الاحالة)) وساىٔره.