Ebu Ubeyde Nahvi - ابو عبیدۀ‌ نحوی

(معمر بن مثنی) مشاهیر ادبا و شعرادن اولوب، علی الخصوص نحوده و اشعار و اخبار عربك حفظنده ید طولی صاحبی ایدی. ١١۰ تاریخنده بصره ده تولد و نشأت ایدوب، ١٨٨ تاریخنده هارون الرشید طرفندن بغداده جلب اولنمشیدی. ادبیاتده كی قوت فوق العاده سیله برابر، لساننده فصاحت و طلاقت یوغیدی. كندیسی خارجی المذهب ایدی. هجوه میلی زیاده اولوب، كیمسه دیلندن قورتله مازدی. اصمعی ایله بعض ماجرالری واردر. تصنیفاتی چوق اولوب، باشلیجه لری شونلردر : ((مجاز القرآن))، ((غریب القرآن))، ((معانی القرآن))، ((غریب الحدیث ))، ((الدیباج))، ((الناج))، ((الحدود))، ((خراسان))، ((خوارج الجرین و الیمامة))، ((الموالی))، ((الضیفان))، ((مرج راهط))، ((المنافرات))، ((القباىٔل))، ((خبر البراض))، ((القراىٔن))، ((البازی))، ((الحمام))، ((الحیات))، ((العقارب))، ((بیان باهلة))، ((ایادی الازد))، ((الخیل))، ((الابل))، ((الانسان))، ((الزرع))، ((الرحل))، ((الدلو))، ((البكرة))، ((السرج))، ((اللجام))، ((الرفرس))، ((السیف الشوارد))، ((الاحتلام))، ((مقاتل الفرسان))، ((مقاتل الاشراف))، ((الشعر والشعراء))، ((فعل و افعل)) ، ((المثالب))، ((خلق الانسان))، ((الفرق))، ((الخف)) ، ((مكة و الحرم))، ((الجمل وصفین))، ((بیوتات العرب))، ((اللغات))، ((الغارات))، ((المعاتبات))، ((الملاومات))، ((الاضداد)) ، ((مآثر العرب))، ((مآثر غطفان))، ((ادعیة العرب))، ((مقتل عثمان))، ((اسماء الخیل))، ((العفة))، ((قضاة البصرة))، ((فتوح الاهواز))، ((فتوح ارمینیة))، ((لصوص العرب))، ((اخبارالحجاج))، ((قصة الكعبة))، ((الحمس من قریش))، ((فضاىٔل الفرس))، (٨ماتلحن فیه العامة))، ((السواد و فتحه)) ،((من شكر من العمال وحمد))، ((الجمع و التثنمیة))، ((الاوس و الخزرج))، ((محمد و ابراهیم ابنا عبدالله بن الحسن بن علی بن ابی طالب))، ((الایام)، ((صغیر و كبیر، ((ایام بنی مازن و اخبارهم))، ٢١۰ تاریخنده یوز یاشنده وفات ایتمشدر.