Ebu BAdullah Sa'di - ابو عبدالله سعدی

(ضیاء الدین محمد بن عبدالواحد) مشاهیر علمادن اولوب، ٥٦٩ تاریخنده دمشقده طوغمش، و مصر، بغداد، مكه، اصفهان، همدان، مرو، موصل وساىٔر بلاده رحلتله، اخذ و قراىٔت ایتدكدن صكره، و طننه عودتله، تدریس و تصنیفله اشتغاله باشلامش؛ وبر دارالحدیث تأسیس ایدوب، كتب كثیره سنی دخی اورایه وقف ایتمشدی. وفاتی ٦٤٣ تاریخنده واقع اولمشدر. تألیفات كثیره سی اولوب، باشلیجه لری شونلردر : ٣ جلد اوزره ((كتاب الاحكام))، ((فضاىٔل الاعمال))، ((الاحادیث المختارة))، ((فضاىٔل الشام))، ((فضاىٔل القرآن))، ((كتاب صفة الجنة والنار))، ((مناقب اصحاب الحدیث))، ((النهی عن سب الصحابة))، بر قاچ جلددن مركب ((سیرالمقادسة)).