Ebu Abdullah Bin ElEzrak - ابو عبد الله بن الازرق

(محمد بن علی) اندلس مشاهیر علماسندن اولوب، تصنیفات متعددۀ مفیده سی واردر. غرناطه ده قاضی ایكن، اندلسك خرستیانلرك الینه چكمسی اوزرینه، تلمسانه و اورادن مصره رحلتله، مصر حاكمی قایتبایی اندلسك استردادینه تشویق ایتمكه باشلامش ایسه ده، موفق اوله مدیغندن، حجازه عزیمتله، ایفار حح ایتمش؛ و مصره عودتنده ینه اندلسك استردادیچون تشویقاتدن خالی قالمدیغندن، اغزینی قپاتمق ایچون، قاضی القضاة عنوانیله قدسه كوندرلمش؛ و متعاقباً ٧٩٥ تاریخنده اوراده وفات ایتمشدر. تألیفات كثیره سی اولوب، اك معروفلری شونلردر : ٢۰ جلددن عبارت شفاه الغلیل فی شرح مختصر الخلیل)) ، ابن خلدونك مقدمه سنده كی معلوماتی و دیكر بر چوق فواىٔد و حقایقی تلخیصاً جامع اوله رق ((مداىٔع السلك فی طباىٔع الملك))، ((روصة الاعلام بمنزلة العربیه من علوم الاسلام)) . اشعاری دخی كوزل

اولوب، شو ایكی بیت والده سنك وفاتی حقنده سویلمش اولدیغی بر مرثیه سندندر : تقول لی و دموع العین اكفته ما افظع العین و الترحال یا ولدی فقلت این السری قالت لرحمة من قد عز فی الملك لم یولد الم یلد