Ebu Zeyyan Yağmeraseni ~ ابو زيان یغمر اسنی
Kamus-ul'Alam - Ebu Zeyyan Yağmeraseni ~ ابو زيان یغمر اسنی maddesi. Sayfa: 720 - Sira: 2
Ebu Zeyyan Yağmeraseni - ابو زيان یغمر اسنی
(فتی محمد بن ابی سعید عثمان) بو دخی بنی یغمراسن خانداننه منسوب اولوب، عمی ابو ثابت بنی مریندن ابو عنان طرفندن قبض، و اولادیله برابر قتل اولندیغی وقت، صاحب ترجمه مشارالیه ابو عنان طرفندن مغرب اقصایه كوتوریله رك، بر قلعه یه حبس، و ابو عنانك و فاتندن صكره، برادری ابو سالم طرفندن، مخضا بنی یغمراسن دولتنی یكیدن احیا ایتمش اولان عمزاده سی ابو حموه مخالف ایتمك اوزره، سبیلی تخلیه اولنمش؛ وابوزیان تلمسان جهتلرینه كلوب، ابو حموك ترجمۀ حالی صره سنده بیان اولندیغی اوزره، بر چوق محاربه لر ایده رك، كاه غالب و كاه مغلوب اولمش ایسه ده، ابو حموه قطعیاً غلبه ایده یكندن، بر ایكی دفعه دها تونسده كی بنی حفص و مغرب اقصاده كی بن مرین خاندانلرینه التجا، و بعض بربر قباىٔلیله اتفاق ایتمش؛ و نهایت كلیاً مغلوب اولوب، تونس طرفلرینه قاچه رق، ناندید اولمشدر. بو وقوعات ٧٦۰ ایله ٧٧۰ تاریخلری آره سنده جریان ایتمشدر.
Kamusul Alam, Şemseddin Sami; Kamusul Alamde Ebu Zeyyan Yağmeraseni maddesi. osmanlıcada Ebu Zeyyan Yağmeraseni ne demek, Ebu Zeyyan Yağmeraseni anlamı manası, Ebu Zeyyan Yağmeraseni osmanlıca nasıl yazılır. Osmanlıca sözlükte Ebu Zeyyan Yağmeraseni hakkında bilgi. Arapça Ebu Zeyyan Yağmeraseni ne demek. Arapça osmanlıca sözlük. Farsçada Ebu Zeyyan Yağmeraseni anlamı
Kamusul Alamde - ابو زيان یغمر اسنی Ebu Zeyyan Yağmeraseni maddesi. Şemseddin Sami, Kamusul Alam Ansiklopedisi