Ebu Salim Merini ~ ابو سالم مرينی
Kamus-ul'Alam - Ebu Salim Merini ~ ابو سالم مرينی maddesi. Sayfa: 720 - Sira: 9
Ebu Salim Merini - ابو سالم مرينی
(ابراهیم بن ابی الحسن علی) بنی مرین ملوكندن اولوب، دولت مشارالیهایی اك زیاده توسیع و تعظیم ایدن سالف الترجمه ابو الحسنك اوغلیدر. پدرینك وفاتنده یرینه كچن برادری ابو عنان طرفندن دیكر برادری ابو الفضل ایله برابر اندلسده
غرناطه یه اجلا اولنمشیدی. ابو الفضل غرناطه صاحبی بنی احمردن ابو الحجاجك تشویقیله برادرینه عصیان ایتمش ایسه ده، ابو عنان طرفندن اخذ وقتل اولنمش؛ و ابو سالم غرناطه ده قالمشیدی. ٧٦۰ تاریخنده ابو عنان وفات ایتمكله، اعیان دولت صاحب ترجمه یی مراكشه دعوت ایتمشلر ایسه ده، اولجه وفات ایتمش اولان ابو الحجاجك یرینه غرناطه حاكمی بولنان محمد واصل ادارۀ دولت ایدن وزیری رضوان مانع اولمشلر؛ و آنجق ابو سالم قشتاله نك خرستیان ملكنه التجا ایده رك، اونك طرفندن بعض شراىٔطله آفریقاساحلنه كچیرلمش؛ و ملك موروثنی ضبط ایدوب، كمال شو كتله حكم سورمكه باشلامشدر. مورخ مشهور ابن خلدونی سركتابتنه تعیین ایتمش اولدیغی كبی، حكومتدن اسقاط ایدلمش اولان غرناطه حاكمی آنف البیان محمد بن ابی الحجاجی وكاتب خاصی ادیب مشهور لسان الدین ابن خطیبی ٧٦١ تاریخنده مغربه جلب ایده رك، تعظیم وترفیهلرینه اعتنا ایتمشدر. تلمسانده بر برلریله اوغراشمقده اولان ابو حمو ایله اوغللری و ابوزیانك منازعه لرینه دخی قاریشوب، اكثریا ابو حموه قارشی ابو زیانی التزام ایتمشدر. نهایت ٧٦٢ ده بعض كبرانك القاآتیله برادری تاشفینه بیعت اولنه رق، كندیسی مغلوب و مقتول اولمشدر.
Kamusul Alam, Şemseddin Sami; Kamusul Alamde Ebu Salim Merini maddesi. osmanlıcada Ebu Salim Merini ne demek, Ebu Salim Merini anlamı manası, Ebu Salim Merini osmanlıca nasıl yazılır. Osmanlıca sözlükte Ebu Salim Merini hakkında bilgi. Arapça Ebu Salim Merini ne demek. Arapça osmanlıca sözlük. Farsçada Ebu Salim Merini anlamı
Kamusul Alamde - ابو سالم مرينی Ebu Salim Merini maddesi. Şemseddin Sami, Kamusul Alam Ansiklopedisi