Ebu Delame ~ ابو دلامه
Kamus-ul'Alam - Ebu Delame ~ ابو دلامه maddesi. Sayfa: 715 - Sira: 3
Ebu Delame - ابو دلامه
(زند بن جون) اعاظم شعرای عربدن اولوب، بنی اسد آزادلیلرندن اسوداللون بر آدم ایدی. كوفه ده متولد اولوب، دولت عباسیه زماننده نشأت ایتمش؛ و خلفای عباسیه نك ایلكلری اولان سفاح و منصور و مهدی یه انتساب ایده رك، كرك اشعارینك كوزللكی و كرك ندیملكده كی مهارت فوق العاده سی حسبیله، بونلرك پك چوق انعام و احسانلرینه ناىٔل اولمشیدی. عقیده سی بوزوق و محرماته ماىٔل بر آدم ایدی. حقنده منقول اولان غراىٔب و نوادر پك چوقدر. ١٦١ تاریخنده وفات ایتمشدر. ابو العباس سفاحك وفاتنده سویلمش اولدیغی بر مرثیه سندن اولان شو بر قاچ بیت جملۀ اشعار جیده سندندر : امسیت بالانبار با ابن محمد لم تسقع من غیرها تحویلا ویلی علیك و ویل اهلی كلهم ویلاً و عولا فی الحیوة طویلا فلتبكین لك السما بعیرة ولتبكین لك الرجال عویلا مات الندی اذ مت یا ابن محمد فجعلته لك فی التراب عدیلا
Kamusul Alam, Şemseddin Sami; Kamusul Alamde Ebu Delame maddesi. osmanlıcada Ebu Delame ne demek, Ebu Delame anlamı manası, Ebu Delame osmanlıca nasıl yazılır. Osmanlıca sözlükte Ebu Delame hakkında bilgi. Arapça Ebu Delame ne demek. Arapça osmanlıca sözlük. Farsçada Ebu Delame anlamı
Kamusul Alamde - ابو دلامه Ebu Delame maddesi. Şemseddin Sami, Kamusul Alam Ansiklopedisi