Ebu Temam Tai ~ ابو تمام طائی
Kamus-ul'Alam - Ebu Temam Tai ~ ابو تمام طائی maddesi. Sayfa: 700 - Sira: 2
Ebu Temam Tai - ابو تمام طائی
(حبیب بن اوس) اعاظم شعرای عربدن اولوب، ١٩۰ تاریخنده دمشق جوارنده بر قریه ده طوغمش؛ و بعده مصره كیده رك، اوراده نشأت ایتمشیدی. اشعار و اخبار عربدن پك چوق مستحفظاتی اولوب، اشعار عربدن انتخاب و اختیار ایله اوچ كتاب ترتیب ایتمشیدی، كه بونلرك اك مشهوری ((الحماسه)) عنوانلی كتابی اولوب، مندرجاتنك فصاحت وبلاغتیله آثار شعرای عربك بر نمونه سی حكمنده در، و بر چوق مشاهیر ادبا طرفندن شرح اولنمشدر. دیكر منتخباتنك بری ((فحول الشعراء)) و دیكری ((كتاب الاختیارای)) در. شام و عراق و خراسانی دور ایده رك، خلفا و ملوك و امرانك مدحنه داىٔر بر چوق قصیده لر سویلمش ایسه ده، اشعارینك ایچنده غایت اییلری آز اولوب، اكثریسی
اوسط وادنادر. ابو تمامك انتخابده كی اصابتی شعرده كی مهارتندن زیاده اولوب، منتخباتی كندی اشعارندن زیاده شهرتنه سبب اولمشدر. حكایات و ماجرالری چوقدر. ٢٣١ تاریخنده موصلده وفات ایتمشدر. شو قطعه جملۀ اشعارندندر : اعوام وصل كاد ینسی طیبها ذكر النوی فكاء نها ایام ىٔم انبرت ایام هجر اردفت نحوی اسیً فكاء نها اعوام ثم انقضت تلك السنون و اهلها فكاء نها و كاء نهم احلام ((حماسه)) ابو ذكریا یحیی بن علی تبریزینك شرحیله برابر آلمانیا علماسندن (فریتغ) ك معروفتیله ١٨٢٨ تاریخ میلادیسنده (بونه) شهرنده طبع اولنمشدر. مصر ده دخی بر شرحیله برابر باصلمشدر.
Kamusul Alam, Şemseddin Sami; Kamusul Alamde Ebu Temam Tai maddesi. osmanlıcada Ebu Temam Tai ne demek, Ebu Temam Tai anlamı manası, Ebu Temam Tai osmanlıca nasıl yazılır. Osmanlıca sözlükte Ebu Temam Tai hakkında bilgi. Arapça Ebu Temam Tai ne demek. Arapça osmanlıca sözlük. Farsçada Ebu Temam Tai anlamı
Kamusul Alamde - ابو تمام طائی Ebu Temam Tai maddesi. Şemseddin Sami, Kamusul Alam Ansiklopedisi