Ebu Bekir Nakkaş - ابو بكر نقاش

(محمد بن حسن) مشاهیر قراء و مفسریندن اولوب، اجدادی موصللی اولدقلری حالده، كندیسی بغدادده تولد و نشأت ایتمشدر. ٢٦٦ تاریخنده طوغوب، شام، مصر، حجاز، خراسان، ماوراء النهر وساىٔر جهاته سیاحتله استماع احادیث شریفه ایتمش، و بر چوق تألیفات یازمشدر. باشلیجه لری شونلردر : ((شفاء الصدور)) عنوانلی تفسیر شریف، ((الاشارة فی غرین القرآن))، ((لاموضح فی القرآن و معاونیه))، ((ضد العقل))، ((المناسك))، ((فهم المناسك))، ((اخبار القصاص))، ((ذم الحسد))، ((دلاىٔل النبوة))، ((الابواب فی القرآن))، ((ارم ذات المماد))، ((المعجم الكبیر فی اسماء القراء و قراآتهم))، ((المعجم الاوسط))، ((المعجم الاصغر))، ((كتاب السبعة الاوسط))، ((كتاب السبعة الاصغر)) ٣٥١ تاریخنده وفات ایتمشدر.