Ebu Bekir Merini ~ ابو بكر مرينی
Kamus-ul'Alam - Ebu Bekir Merini ~ ابو بكر مرينی maddesi. Sayfa: 698 - Sira: 10
Ebu Bekir Merini - ابو بكر مرينی
مغربده حكم سورمش اولان بنی مرین دولتنك
دردنجی حكمداری و دولت مشارالیهانك بانیسی اولان عبد الحقك اوغلی اولوب، پدریله ایكی برادری ابو سعید عثمان و ابو معروف محمددن صكره ٦٤٢ تاریخنده جلوس ایتمش؛ و بنی مرین ملوكنك اك مشهورلرندن اولوب، موحدینله وساىٔر طواىٔف ملوكله واقع اولان محارباتنك اكثرنده موفق اولمش؛ و مركزی فاس اولدیغی حالده، دولتنك حدودینی جنوبه طوغری خیلی توسیع ایده رك، سجلماسه، درعه و ساىٔر ممالكی دخی ضبط ایتمشیدی. ١٤ سنه حكومت سوردكدن صكره، ٦٥٦ تاریخنده وفات ایدوب، برادری یعقوب یرینه كچمشدر.
Kamusul Alam, Şemseddin Sami; Kamusul Alamde Ebu Bekir Merini maddesi. osmanlıcada Ebu Bekir Merini ne demek, Ebu Bekir Merini anlamı manası, Ebu Bekir Merini osmanlıca nasıl yazılır. Osmanlıca sözlükte Ebu Bekir Merini hakkında bilgi. Arapça Ebu Bekir Merini ne demek. Arapça osmanlıca sözlük. Farsçada Ebu Bekir Merini anlamı
Kamusul Alamde - ابو بكر مرينی Ebu Bekir Merini maddesi. Şemseddin Sami, Kamusul Alam Ansiklopedisi