Ebu Cafer Bin Şirzad - ابو جعفر بن شيرزاد

(محمد بن یحیی) خلفای عباسیه زماننده بغدادده امور حكومته تغلب ایدن رؤسای اتراكدن اولوب، اول امرده ابن راىٔقك رجالندن ایكن، بعده بحكم تركی یه، و دها صكره بغداد امیرالعساكری (توزون) ە انتساب ایتمش؛ و بونك طرفندن ٣٣٢ تاریخنده ٣۰۰۰ عسكرله بغداده كوندریله رك، بر مدت خلیفه متقی یی اخافه ایله، كیف مایشاء حكم ایتمش؛ و ٣٣٣ ده مستكفی بالله مقام خلافته اجلاس اولندقدنصكره، اسماً ورسماً ابو الفرج وزیر اولدیغی حالده، صاحب ترجمه امور وزارتی اداره ایتمشیدی. ٣٣٤ تاریخنده توزونك وفاتی اوزرینه، كندیسی امیرالامرا اولمش؛ و عسكرینی یسلمك ایچون، بغداد تجار واصنافه اغرویركیلر طرح ایده رك، عمومك خشنودسزلغنی موجب اولمغله، نهایت آل بویه دن معزالدوله نك و آل حمداندن باصرالدوله نك مداخله لرینی، و مستكفینك یرینه مطیعك مقام خلافته اجلاسنی دعوت ایتمش؛ و كندیسی كاه معزالدوله وكاه ناصرالدوله ایله برلشه رك، اوزمانلرك وقوعات سیاسیه سنه كلی مدخلی اولمش؛ و آنجق عسكری كندیسندن آیرلمش، و اوزرینه یوریمش اولدقلرندن، نهایت معزالدوله نك وزیرینه تسلیم اولنه رق، قورتله بیلمشدر.