Ebu Hatıb Ba'dadi - ابو بكر خطیب بغدادی

(حفظ احمد بن علی) متحرین علمادن و مشاهیر حفاظدن اولوب، (خطیب بغدادی) اسمیله مشهوردر. یوز قدر تألیفات مفیده سی اولوب، اك مشهوری ١۰ جلد اوزره اولان ((تاریخ بغداد)) یدر، كه غایت مفصل و مكمل اولوب، ابن عساكر دخی بو ذاتك میدانه قودیغی بو اثر جلیلنه اتباعاً مشهور ((تاریخ دمشق)) نی یازمشدر. فقه و حدیث وساىٔر علوم و فنونده دخی ید طولی صاحبی اولوب، دیكر اثرلرینك باشلیجه لری شونلردر : ((المؤتلف و المختلف))، ((اجازة المجهول))، ((ایضاح الملتمس))، ((تلخیص المتشابه فی الرسم و حمایة مااشكل منه من نوادر التصحیف و الوهم))، ((الجامع لآ داب الراوی و السامع))، ((شرح دیوان ابی تمام الطاىٔی))، ((رافع الارتیاب عن اسماء رجال الحدیث))، ((كتاب الرحلة فی طلب الحدیث))، ((كتاب الفقیه و المنفقه))، ((كشف الاسرار))، ((الكفایة فی معرفة اصول الروایة))، كتاب فی المبهمات ))، ((كتاب المتفق و المفترق))، ((المكمل فی بیان المهمل)) وساىٔره، ٣٩٢ ده بغدادده طوغوب، ٤٦٣ ده اوراده وفات ایتمشدر. مشهور ابو اسحاق شیرازی جملۀ طلبه سندن ایدی. تاریخ بغدادینه بر قاچ ذیل یازلمش، و كرك اصلنك كرك ذیللرینك استانبول كتبخانه لرینك اكثرنده نسخه لری

موجود ایسه ده، بویله بر اثر جلیلك نشرینه كیمسه طرفندن همت اولنه مامشدر.