Ebu Bekir Bin Elarabi - ابو بكر بن العربی

(محمد بن عبدالله) اندلسك مشاهیر علما و فقهاسندن اولوب، ٤٦٨ تاریخنده اشبیلیه ده طوغمش؛ و اورانك علماسندن اخذ و تحصیل ایتدكدن صكره، آفریقایه كچه رك، بجایه، مهدیه، اسكندریه و مصرده بعده دمشق و مكه ده اكمال تحصیل ایله، استفاده و افاده ایله اشتغال ایتمش؛ و اندلسه عودتنده، ابتدا قضا ایله مشغول اولوب، كمال عدالتله ایفای و ظاىٔف ایتمش ایسه ده، بعده قضادن ال چكوب، تدریس و تألیفه حصر اوفات ایتمشدر. اشبیلیه نك اطرافنده كندی مصرفیله بر سور چكدیرمش؛ و ٥٤٣ تاریخنده فاسده وفات ایتمشدر. آثاری بر وجه آتیدر : ((القبس فی شرح موطا مالك ابن انس))، ((ترتیب المسالك فی شرح موطا مالك))، ((انوار الفجر))، ((احكام القرآن)) ، ((عارضة الاحوزی))، ((مراقی الزلف))، ((كتاب الخلافیات))، ((نواهی الدواهی))، ((سراج المریدین))، ((مشكل الكتاب و السنة ))، ((الناسخ و المنسوخ عن القرآن))، ((قانون التأویل))، ((كتاب النیرین عن الصحیحین))، ((سراج المهتدین))، ((الامدالاقصی باسماء الله الحسنی

و صفاته العلی))، ((كتاب فی الكلام علی مشكل حدیث السجات و الحجاب))، ((العقد الاكبر للقلب الاصغر))، ((تبیین الصحیح فی تعیین الذبیح))، ((تفصیل التفضیل بین التحمید و التهلیل))، ((الكافی فی ان لادلیل علی الافی))، ((السباعیات))، ((السلسلات))، ((التوسط فی معرفة صحة الاعتقاد والرد علی من خالف السنة من ذوی البدع و الالخاد))، ((شرح غریب الرسالة))، ٢ جلد اوزره ((الانصاف فی مساىٔل الخلاف))، ((كتاب حدیث الافك))، ((شرح حدیث جابر فی الشفاعة))، ((شرح حدیث ام زرعه))، ((كتاب سترالعورة))، ((الحصول فی علم الاصول))، ((اعیان الاعیان))، ((ملجاة المنفقهین الی معرفة غواض النحویین))، ((ترتیب الرحة))، اشعار راىٔقه سی دخی واردر. _ صاحب ترجمه نك حفیدی دخی ابو بكر بن العربی نامیله معروف اولوب، علمادن و ارباب تصوفدن‌ایدی. اندلسدن شرقه رحتله، ٦١٧ تاریخنده اسكندریه ده وفات ایتمشدر.