İbni Heybere - ابن هیبره

(ابو المظفر عون الدین یحیی _ ) خلفای عباسیه دن مقتفی لامراللهك وزیری اولوب، ٥٤٤ ده مسند وزارتی احراز ایتمش؛ و ٥٥٥ تاریخنده جلوس ایدن مستنجد بالله طرفندن دخی ابقا اولنه رق، او سنه وفات ایتمشدر. وزارتدن اول منثیلك خدمتنده و بعض و الیكلرده بولنمشیدی. شعر و انشا و ادبیاتده و اكثر علومده ید طولی صاحبی اولوب، ((الافضاح عن شرح معانی الصحاح)) ، ((المقتصد))، ((مختصر اصلاح المنطق))، ((كتاب العبادات))، ((ارجوزة فی المقصور و لممدود))، ((ارجوزة فی علم الخط)) عنوانلی كتابلری وساىٔر بعض آثاری واردر. _‌ بونك اوغلی (ابو الولید

شرف الدین مظفر بن یحیی) دخی ادبا و شعرادن اولوب، پدرینك حیاتنده بر وقت تكریت قلعه سنده محبوس بولنمشیكن، پدرینك وفاتی اوزرینه یرینه كچمش؛ و آنجق مؤخراً بغداددن خفیاً قاچمقده ایكن طوتیلوب، حبس اولنمش؛ و محبسده وفات ایتمشدر.