İbni Hud - ابن هود

(محمد بن یوسف) اندلس طواىٔف ملوكندن اولوب، ٦٢۰ تاریخنده مستنصرك وفاتیله موحدین دولتنك دوچار تزلزل اولمسی اوزرینه، بلنسیه طرفنده كی سادات بیننده اختلاف و منازعات و قوع بوله رق، سید ابو زید ایله عادل بن منصور بر برلرینه غلبه ایتمك اوزره، اسپانیا خرستیانلرندن استمداد ایتدكلرندن، اندلس اهل اسلامی آره سنده حاصل اولان خشنودسزلقدن بالاستفاده، صاحب ترجمه مرسیه اعمالندن (صخیرات) خطه سنده خروجله، موحدین عسكرینه دفعاتله غلبه چاله رق، مرسیه یی ایله اله كچیرنجه، خلفای عباسیه دن مستنصرك نامنه خطبه اوقوتمش؛ و بربرینی متعاقب اشبیلیه، بلنسیه، قرطبه وساىٔر جهاتی ضبطله، امیر المسلمین عنواننی آلمش؛ و سپانیا خرستیانلریله بر چوق محاربه لر ایده رك، ممالك اسلامیه حدودینی توسیعه چالیشمش ایسه ده، ٦٢٩ تاریخنده بنی احمرله یتدیكی محاربات اوزرینه، قرطبه و اشبیلیه الندن چیقمش؛ و آنجق ٦٣١ تاریخنده بغداددن خلیفۀ عباسینك ابن هوده كوندردیكی خلعت و سنجاق واصل اولوب، غرناطه ده كندیسنه تسلیم اولنمغله، ابن احمر دخی صاحب ترجمه یه یعت ایتمش؛ و ابن هوده خلیفۀ عباسی طرفندن (متوكل) لقبی ویرلمشیدی. متعاقباً

فاطمیه دن حاكم بامرالله كندیسنی مصره جلب ایتمشیدی. آنجق مصرك آثار عتیقه سنی كورنجه، فتون ریاضیه نقطۀ نطرنجه خارق العاده اولان او قدر جسیم ایشلری یاپان اسكی مصریلرك اعمالنه موفق اوله مدقلری بر ایشی یاپه میه جغنی دركله، غیرتنه فتور كلمش؛ و بو بابده اظهار عجز ایتدكدن صكره، حالم طرفندن بعض امور سیاسیه ده قوللانلمش ایسه ده، مشارالیه ظالم و خونخوار بر آدم اولدیغندن، آلت ظلمی اولمامق ایچون، یلاندن تجنن كوستره رك، بر چوق وقت خانه سنده قپالی قالمش؛ و حاكمك و فاتندن صكره چیقوب، جامع ازهرده تدریس و افاده ایله مشغول اولمغه باشلامش؛ و حسن خطی دخی اولمق حسیله، بهر سنه مجسطی واقلیدس ایله آرسطونك متوسطاتنی استسناخ ایدوب، بو نسخه لرك فروختندن آلدیغی ٣۰۰ آلتون ایله كچینیرمش، كندی ترجمۀ حالنك بعض جهتلریله افكار و آثارینی مبین بر رساله یازمشدر. ٤١٧ تاریخنده ٢٣ یاشنده بولندیغی بورساله دن آكلاشیلوب، خیلی وقت صكره وفات ایتمشدر. كافۀ آثارینك تعدادی تطویل مقالی موجب اوله جغندن، بروجه آتی باشلیجه لرینك ذكریله اكتفا ایده جكز : ((شرح اصول اقلیدس))، ((اصول اقلیدس وابلونیوس))، ((شرح المجسطى و تلخیصه))، ((الجامع فی اصول الحساب))، ((كتاب علم المناظر من كتابی اقلیدس و بطلمیوس))، ((كتاب فی تحلیل المساىٔل الهندسیة))، ((كتاب فی تحلیل المساىٔل العددیة بجهة الجبروالمقابلة))، ((كتاب فی المساحة علی حهة الاصول))، ((كتاب فی حساب المعاملات))، ((تلخیص مقالات ابلونیوس فی قطوع المحروطات))، ((مقالة فی استخراج السمت القبلی))، ((رسالة الی بعض الرؤساء فی الحث علی عمل الرصد النجومی))، ((مجموع مساىٔل هندسیة و عددیة))، ((كتاب فی آلت الظل))، ((مقالة فی استخراج ما بین البلدین فی البعد بجهة الامور الهندسیة))، ((رسالة فی بر هان الشكل الذی قدمه ارشمیدس فی قسمة الزاویة ثلاثة اقسام))، ((تلخیص مدخل فرفوریوس و كتب ارسطو طالیس الاربعة المنطقیة))، ((رسالة فی صناعة الشعر ممتزجة من الیونانی و العربی))، ((تلخیص كتاب النفس لارسطوطالیس))، ((مقالة فی مشاكلة العالم الجزىٔی و هو الانسان))، ((مقالة فی العالم من جهة مبدىۀ و طبیعته و كماله ))، ((مقالة فی البادی و الموجودات))، ((مقالة فی هیىٔة العالم ))، ((مقالة فی

خرستیانلر غلبه ایده رك، ٦٣٣ ده قرطبه یی ایادیٔ مسلمیندن چیقاردقلری كبی، اشبیلیه اهالیسی دخی رشید بن عبدالمؤمنه بیعت، و ان احمر غرناطه یی ضبط ایتمش اولمغله، ابن هودك قوت و مكنتنه خلل كلمشیدی. بنی امیه دن اولوب، كندیسنك وزیری ایكن، مریه و الیكنه تعیین ایتمش اولدیغی ابو محمد عبدالله رمیمینك نزدینه كیتدیكی حالده، ٦٣٥ ده حمامده وفات ایتمش اولمغله، مومی الیه طرفندن قتل اولندیغی مظنوندر. [((هود)) ماده سنده دخی بنی هود دولتنك احوالی ذكر اولنه جقدر. ]